2024ல் தமிழ் சினிமாவுக்கு ரூ. 1000 கோடி நஷ்டம்.. 241 படங்களில் 18 மட்டுமே வெற்றி!

Dec 31, 2024,07:12 PM IST

2024ம் ஆண்டு தமிழ் சினிமாவில் 241 படங்கள் வெளியாகின, அவற்றில் 18 படங்கள் மட்டுமே வெற்றி பெற்ற��ள்ளனவாம். அதாவது வெளியான படங்களில 7 சதவீத படங்கள் மட்டுமே வெற்றி பெற்றுள்ளன. பெரும்பாலான படங்களின் தோல்வியால் சுமார் ரூ.1000 கோடி நஷ்டம் ஏற்பட்டுள்ளதாக திரைப்பட விநியோகஸ்தர்கள் மற்றும் திரையரங்கு உரிமையாளர்கள் தகவல் தெரிவித்துள்ளனர்.

1 / 7
Share

Image Courtesy: Moviegalleri.net

இந்த நிலை இப்படியே சென்றால், தமிழ் சினிமா உலகின் நிலை கவலைக்கிடமாகிவிடும். அத்துடன் இந்த துறையை சார்ந்த கலைஞர்களின் வாழ்க்கை நிலையும் மாறி விடும். இதனால், நல்ல படங்கள் வந்தால் மட்டுமே இந்த நிலைமை மாறும் என்று திரைப்பட வினியோகஸ்தர் சங்க தலைவரும், தயாரிப்பாளருமான கே.ராஜன் தெரிவித்துள்ளார்.

2 / 7
Share

Image Courtesy: Freepik

கே. ராஜன் இதுகுறித்துக் கூறுகையில், தமிழ் சினிமாவில் இந்த ஆண்டில் 241 படங்கள் ரிலீஸ் ஆகி உள்ளன. இதில் அதிக படங்கள் தோல்வி அடைந்து உள்ளன என்பது வருத்தமான விஷயமே. இந்த படங்கள் மூலம் சுமார் ஆயிரம் கோடி வரை நஷ்டம் ஏற்பட்டுள்ளது. சிறு பட்ஜெட் படங்களுக்கு ரூபாய் இரண்டு கோடி முதல் 5 கோடி வரை செலவிட்டுள்ளனர். நடுத்தர பட்ஜெட் படங்கள் ரூபாய் 10 கோடி முதல் 20 கோடி செலவில் தயாராகி உள்ளன.

3 / 7
Share

Image Courtesy: Freepik

மொத்தம் 186 சிறிய படங்கள் வந்துள்ளன. இந்த படங்களின் பட்ஜெட் 400 கோடி வரை இருக்கும். பெரிய பட்ஜெட் படங்கள் ரூபாய் 50 கோடி முதல் 200 கோடி வரை செலவில் எடுத்துள்ளனர். திரைக்கு வந்த 241 படங்களும் ஒட்டு மொத்தமாக சுமார் 3000 கோடிக்கு மேல் செலவில் தயாராகி இருப்பதாக கூறப்படுகிறது. இதில் 18 படங்கள் மட்டுமே லாபம் பார்த்து தியேட்டர் உரிமையாளர்கள் மற்றும் விநியோகஸ்தர்களை திருப்திப்படுத்தி இருக்கிறது.

4 / 7
Share

Image Courtesy: X

18 படங்களில் மிக பெரிய பட்ஜெட்டில் வெளியான விஜய் இரு வேடங்களில் நடித்த தி கோட் படமும், ராணுவ மேஜர் முகுந்த் வரதராஜன் வாழ்க்கையை மையமாகக் கொண்டு சிவகார்த்திகேயன் நடிப்பில் உருவான அமரன் படமும், தனுஷ் இயக்கி நடித்த ராயன் படமும் பெரும் வெற்றியை பதிவு செய்துள்ளன.

5 / 7
Share

Image Courtesy: X

பெரிய பட்ஜெட்டில் தயாரான ரஜினிகாந்தின் வேட்டையன், சுந்தர் சி யின் அரண்மனை 4, விஜய் சேதுபதியின் மகாராஜா, அரவிந்த்சாமி-கார்த்தி கூட்டணியின் வெளியான மெய்யழகன் ஆகிய படங்கள் வெற்றி பெற்றன. நடுத்தர பட்ஜெட்டில் தயாரான டிமாண்டி காலனி 2, வாழை, கருடன், ரோமியோ, ஸ்டார், பிளாக், பி.டி. சார், அந்தகன் ஆகிய படங்கள் வெற்றி பெற்றன.

6 / 7
Share

Image Courtesy: X

அதேபோல லப்பர் பந்து, லவ்வர், பேச்சி போன்ற சிறு பட்ஜெட்டில் உருவான படங்களும் வெற்றி பெற்று கவனம் பெற்றன. எதார்த்த கதைகளை மையமாகக் கொண்டு உருவாக்கப்பட்ட மேற்கண்ட படங்கள் பெரிய பட்ஜெட் படங்கள் பிடிக்காத வசூலை கூட பிடித்தது ஆச்சரியம் தந்தன. இதன் மூலம் அந்த படங்களை நடித்த பிரபலங்களுக்கு பட வாய்ப்புகளும் குவிந்தன.

7 / 7
Share

Image Courtesy:

திரைக்கு வந்த 241 படங்களில் 223 படங்கள் தோல்வி அடைந்துள்ளன. இந்த நிலை மாற வேண்டும். தரமான கவனம் ஈற்கும் படங்கள் இன்னும் அதிக அளவில் வரவேண்டும் அப்போதுதான் சினிமாவுக்கு அது நல்லதாக அமையும் என்றார் கே. ராஜன்.

சமீபத்திய செய்திகள்

அபார்ட்மென்ட் நாய், பூனைகளுக்கு ஹேப்பி நியூஸ்.. வளர்க்க கட்டுப்பாடு கிடையாது.. சென்னை கோர்ட் அதிரடி

அச்சச்சோ.. சீனாவிலிருந்து வந்துருச்சு.. இந்தியாவின் முதல் HMPV வைரஸ்.. பெங்களூருவில் கண்டுபிடிப்பு

தமிழ்நாடு முழுவதும்.. திருத்தப்பட்ட வாக்காளர் பட்டியல் வெளியீடு.. கலெக்டர்கள் வெளியிட்டனர்

12 ராசிகளுக்குமான இன்றைய ராசிபலன் - ஜனவரி 06, 2025...யாருக்கு என்ன பலன் காத்திருக்கு?

ஆளுநர் உரைக்கு முன்பு தேசிய கீதம் பாடப்படவில்லை.. வெளிநடப்பு குறித்து ஆளுநர் மாளிகை விளக்கம்

3வது ஆண்டாக சர்ச்சை.. தமிழ்த் தாய் வாழ்த்தால் தொடரும் சலசலப்பு.. வெளிநடப்பு செய்த ஆளுநர்!

சட்டசபைக் கூட்டம்.. தொடங்கிய சிறிது நேரத்திலேயே வெளியேறினார்.. ஆளுநர் ரவி.. அதிமுக அமளி!

CPI (M).. மார்க்சிஸ்ட் கம்யூனிஸ்ட் கட்சியின் புதிய மாநிலச் செயலாளராக பெ. சண்முகம் தேர்வு

சிந்து வெளிப் புதிர்.. விடை கண்டுபிடிப்போருக்கு.. 1 மில்லியன் டாலர் பரிசு.. முதல்வர் மு.க.ஸ்டாலின்!

2024ல் தமிழ் சினிமாவுக்கு ரூ. 1000 கோடி நஷ்டம்.. 241 படங்களில் 18 மட்டுமே வெற்றி!

சமீபத்திய செய்திகள்

அதிகம் பார்க்கும் செய்திகள்