இந்தியாவிலும் பரவும் HMPV வைரஸ்.. கொரோனா போல லாக்டவுன் வருமா?

Jan 06, 2025,07:25 PM IST

சீனாவில் பரவிக் கொண்டிருக்கும் HMPV வைரஸ் இந்தியாவிலும் பரவி வருவதால் மக்களிடையே பல்வேறு விதமான கேள்விகள் எழுந்துள்ளன. கொரோனா பெருந்தொற்று போல இது மாறுமா.. மீண்டும் லாக்டவுன் வருமா என்பது போன்ற கேள்விகள் எழுந்துள்ளன. இதுகுறித்து மத்திய அரசின் சுகாதாரத் துறை தரப்பிலிருந்து பல்வேறு விளக்கங்கள் அளிக்கப்பட்டு உள்ளன.

1 / 5
Share

Image Courtesy: X

பெங்களூருவில் 2 பேருக்கும், அகமதாபாத்தில் ஒருவருக்கும் HMPV வைரஸ் பாதிப்பு கண்டறியப்பட்டுள்ளது. இவர்கள் அனைவருமே குழந்தைகள். இதில் ஒரு குழந்தை குணமாகி டிஸ்சார்ஜ் செய்யப்பட்டு விட்டது. மற்றவர்களுக்கு சிகிச்சை அளிக்கப்பட்டு வருகிறது.

2 / 5
Share

Image Courtesy: X

HMPV வைரஸ் குறித்து மக்கள் பீதி அடையத் தேவையில்லை என்று மத்திய அரசின் இந்திய மருத்துவ ஆய்வுக் கவுன்சில் விளக்கியுள்ளது. மக்கள் இதுகுறித்து பயப்படத் தேவையில்லை. இது ஏற்கனவே பரவலாக பல்வேறு உலக நாடுகளிலும் உள்ள வைரஸ்தான். புதிதாக வந்த வைரஸ் அல்ல என்று அது விளக்கியுள்ளது.

3 / 5
Share

Image Courtesy: X

இருப்பினும் மக்களிடையே லாக் டவுன் அச்சம் கிளம்பியுள்ளது. கொரோனா காலம் போல மீண்டும் லாக் டவுன் வருமா, கட்டுப்பாடுகள் வருமா, மாஸ்க் போட வேண்டியிருக்குமா என்ற பல்வேறு சந்தேகங்கள் அவர்களிடையே எழுந்துள்ளது. கொரோனாவின் பாதிப்பை மக்கள் இன்னும் மறக்கவில்லை என்பதால் இந்த அச்சம் எழுவது இயல்பானதுதான்.

4 / 5
Share

Image Courtesy: X

அதேசமயம் அந்த அளவுக்கு நிலைமை போகாது என்று மருத்துவர்கள் நம்பிக்கை தெரிவிக்கின்றனர். அதேசமயம், போதிய முன்னெச்சரிக்கை நடவடிக்கைகளை மக்களே சுயமாக எடுப்பது நல்லது என்று மருத்துவர்கள் கூறுகிறார்கள். தற்போது குளிர்காலம் என்பதால் ஈஸியாக நோய்கள் பரவும். அது இயல்பானது. எனவே பொது இடங்களில் நடமாடும்போது மாஸ்க் போட்டுக் கொள்வது நல்லது என்பது டாக்டர்களின் அறிவுரையாகும்.

5 / 5
Share

Image Courtesy: X

HMPV வைரஸ் என்பது நமது உடலில் சுவாசப் பிரச்சினையை ஏற்படுத்தி பாதிப்பை உண்டாக்கும் நோய்க் கிருமியாகும். 2001ல் இது முதலில் கண்டறியப்பட்டது. குழந்தைகள், வயதானவர்கள், நோய் எதிர்ப்பு சக்தி குறைவாக உள்ளவர்களைத்தான் இது பெரும்பாலும் தாக்கி பாதிப்பை ஏற்படுத்தும் என்று மருத்துவர்கள் கூறுகிறார்கள். சாதாரண சளி இருமல், மூச்சு விடுவதில் சிரமம், மூக்கு ஒழுகுதல் பிரச்சினை ஏற்பட்டால் உடனடியாக டாக்டரை அணுகி உரிய சிகிச்சை மேற்கொண்டால் சரியாகி விடும். எனவே மக்கள் அச்சப்படத் தேவையில்லை என்பது டாக்டர்களின் கூற்றாகும்.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

ஆளுநர் ஆர்.என். ரவி ஏற்பாடு செய்துள்ள துணைவேந்தர்கள் மாநாடு.. அதிகாரப்பூர்வ அறிவிப்பு

காற்று சுழற்சி காரணமாக.. தமிழ்நாட்டில் ஒரு சில இடங்களில் ஏப்ரல் 28 வரை மிதமான மழைக்கு வாய்ப்பு..!

நகையைப் போட்டா.. பதிலுக்கு பணம் வரும்.. சீனாவில் அறிமுகமான கோல்ட் ஏடிஎம்.. சூப்பர்ல!

100 விளையாட்டு வீரர்களுக்கு அரசு வேலை வழங்கப்படும்: துணை முதல்வர் உதயநிதி ஸ்டாலின்!

பாரதிதாசன் பிறந்த நாள்... ஒரு வாரத்திற்கு தமிழ் வார விழா கொண்டாட்டம்... முதல்வர் மு.க.ஸ்டாலின்!

சனம் ஷெட்டிக்கு ஒரு குழப்பம்.. நிறைய ஆபர் வருதாம்.. நீங்க ஆலோசனை சொல்லுங்களேன்!

எடப்பாடி பழனிச்சாமி, நயினார் நாகேந்திரன் திடீர் ஆலோசனைக் கூட்டம்.. என்னவாக இருக்கும்..?

Today gold price: இதுக்கு ஒரு என்டு கார்டே இல்லையா... 1 கிராம் ரூ.10,000த்தை நெருங்கும் தங்கம் விலை!

அடிக்கிற வெயிலுக்கு லெமன் ஜூஸை குடிக்க நினைத்தால்.. எலுமிச்சை விலை அதிரடி உயர்வு..!

இந்தியாவிலும் பரவும் HMPV வைரஸ்.. கொரோனா போல லாக்டவுன் வருமா?

சமீபத்திய செய்திகள்

அதிகம் பார்க்கும் செய்திகள்