பகவதி அம்மன் கோவில்.. எழில் கொஞ்சும் குமரி முனையில்.. குடி கொண்டுள்ள தேவி கன்னியாகுமரி

Jan 01, 2025,11:31 AM IST

கன்னியாகுமரி மாவட்டத்தின் மிக முக்கியமான கோவில்களில் ஒன்றுதான் இந்த அருள்மிகு பகவதி அம்மன் கோவில். இந்தக் கோவிலில்தான் தேவி கன்னியாகுமரி குடி கொண்டு அருள் பாலிக்கிறார்.

1 / 8
Share

Image Courtesy: Tamilnadu Tourism

2 / 8
Share

Image Courtesy: Tamilnadu Tourism

கடலோரத்தில் அழகுற அமைந்துள்ளது பகவதி அம்மன் கோவில். இந்தக் கோவிலுக்கு ஆண்டுதோறும் லட்சக்கணக்கானோர் வந்து செல்கின்றனர். குமரிக்கு வரும் அனைவருமே இந்தக் கோவிலுக்கும் செல்வதற்கு தவறுவதில்லை.

3 / 8
Share

Image Courtesy: Tamilnadu Tourism

உலகின் மிக மிக அழகான கோவில்களில் இதுவும் ஒன்றாக வர்ணிக்கப்படுகிறது. அந்த அளவுக்கு இங்குள்ள கோவில் கட்டடம் அமைந்துள்ளது. கடலோரத்தில் அமைந்திருப்பதாலும், கோவில் கட்டுமானம் மனதைக் கொள்ளை கொள்ளும் வகையிலும் உள்ளதால் இந்தக் கோவிலுக்கு வர பலரும் விரும்புகின்றனர்.

4 / 8
Share

Image Courtesy: Tamilnadu Tourism

108 சக்தி பீடங்களில் இதுவும் ஒன்றாகும். கிட்டத்தட்ட 3000 ஆண்டு வரலாறு கொண்டது இந்தக் கோவில். கல் சுவர்களால் சூழப்பட்ட அழகிய கோவில் இது. இந்தக் கோவிலின் பிரதான தெய்வம் தேவி கன்னியாகுமரி. அவரைத்தான் நாம் பகவதி அம்மன் என்று அழைக்கிறோம். இக்கோவிலுக்குள் சூரிய தேவர், விநாயகர், ஐயப்பன், பால சுந்தரி, விஜய சுந்தரி ஆகிய தெய்வங்களுக்கும் தனித் தனி சன்னிதி உண்டு.

5 / 8
Share

Image Courtesy: Govindan N

இந்தக் கோவிலில் இரண்டு நுழைவாயில்கள் உள்ளன. அதில் வடக்கு நுழைவாயில்தான் பொதுவாக முக்கிய நுழைவாயிலாக பயன்படுத்தப்படுகிறது. கிழக்கில் உள்ள கதவு எப்போதும் மூடப்பட்டிருக்கும். விசேஷ தருணங்களில் மட்டுமே அது திறக்கப்படும்.

6 / 8
Share

Image Courtesy: Quora

இந்தக் கோவில் எப்படி வந்தது தெரியுமா.. பானாசுரன் என்ற அரக்கன் கடவுளிடம் ஒரு வரம் பெற்றிருந்தான். அதாவது ஒரு கன்னிப் பெண்ணால் மட்டுமே தனக்கு மரணம் சம்பவிக்கும் என்பதே அந்த வரமாகும். இதனால் அவனை யாராலும் கொல்ல முடியாத நிலை ஏற்பட்டது. இதையடுத்து அன்னை பராசக்தி, கன்னிப் பெண் உருவில் வந்து பானாசுரனை அழித்தார். கன்னிப் பெண்ணாக வந்த அன்னைதான் இங்கு கன்னியாகுமரியாக, பகவதி அம்மனாக காட்சி தருகிறார்.

7 / 8
Share

Image Courtesy: Rudraksharatna.com

கலியுகம் முடியும் வரை இங்கேயே இதே கோலத்தில் இருக்க வேண்டும் என்று நாரதரும், பரசுராமரும் கேட்டுக் கொண்டதற்கிணங்க அன்னை பராசக்தி, கன்னியாகுமரியாக இங்கேயே தங்கியிருப்பதாக ஐதீகம் உள்ளது. இந்தக் கோவிலை கட்டியதும் பரசுராமர்தான் என்று கோவில் தல புராணம் சொல்கிறது.

8 / 8
Share

Image Courtesy: Wikipedia

திருவனந்தபுரம், மதுரை, கோவை, புதுச்சேரி, சென்னை உள்ளிட்ட ஊர்களிலிருந்து பஸ்கள் நிறைய உள்ளன. அருகாமையில் உள்ள விமான நிலையம் திருவனந்தபுரம் ஆகும். கன்னியாகுமரி ரயில் நிலையம் கோவிலிலிருந்து 1 கிலோமீட்டர் தொலைவில் உள்ளது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

காற்று சுழற்சி காரணமாக.. தமிழ்நாட்டில் ஒரு சில இடங்களில் ஏப்ரல் 28 வரை மிதமான மழைக்கு வாய்ப்பு..!

போப் ஆண்டவர் பிரான்சிஸ் மறைவையொட்டி.. மூன்று நாட்கள் துக்கம் அனுசரிப்பு.. மத்திய அரசு!

பாரதிதாசன் பிறந்த நாள்... ஒரு வாரத்திற்கு தமிழ் வார விழா கொண்டாட்டம்... முதல்வர் மு.க.ஸ்டாலின்!

சனம் ஷெட்டிக்கு ஒரு குழப்பம்.. நிறைய ஆபர் வருதாம்.. நீங்க ஆலோசனை சொல்லுங்களேன்!

எடப்பாடி பழனிச்சாமி, நயினார் நாகேந்திரன் திடீர் ஆலோசனைக் கூட்டம்.. என்னவாக இருக்கும்..?

100 விளையாட்டு வீரர்களுக்கு அரசு வேலை வழங்கப்படும்: துணை முதல்வர் உதயநிதி ஸ்டாலின்!

ஆளுநர் ஆர்.என். ரவி ஏற்பாடு செய்துள்ள துணைவேந்தர்கள் மாநாடு.. அதிகாரப்பூர்வ அறிவிப்பு

நகையைப் போட்டா.. பதிலுக்கு பணம் வரும்.. சீனாவில் அறிமுகமான கோல்ட் ஏடிஎம்.. சூப்பர்ல!

Today gold price: இதுக்கு ஒரு என்டு கார்டே இல்லையா... 1 கிராம் ரூ.10,000த்தை நெருங்கும் தங்கம் விலை!

பகவதி அம்மன் கோவில்.. எழில் கொஞ்சும் குமரி முனையில்.. குடி கொண்டுள்ள தேவி கன்னியாகுமரி

சமீபத்திய செய்திகள்

அதிகம் பார்க்கும் செய்திகள்