வேளாண் குலத்தில் பிறந்து.. சிவபெருமான் பரிவு பெற்ற.. விறன்மிண்ட நாயனார்!

Jan 09, 2025,12:02 PM IST

விறன்மிண்ட நாயனார் வரலாற்று சுருக்கத்தை இன்று பார்ப்போம். சிவபெருமானின் அன்பையும் பரிவையும் பெற்ற பெருமைக்குரியவர் விறண்மின்ட நாயனார். 63 நாயன்மார்களில் முக்கியமானவரும் கூட. (வரலாற்றுத் தகவல் - முனைவர் திருவிடைமருதூர் சிவ.ச.நடராஜதேசிகர். தொடர்புக்கு, +91 9788065610, 9488055610)

1 / 4
Share

Image Courtesy: saisundaram.org

சிவபெருமானை நோக்கி தவமிருந்து பரசு பெற்ற முனிவரான பரசுராமன் வாழ்ந்த மலை நாட்டில் உள்ள செங்குன்றூரில் வேளாண்மை குலத்தில் விறன்மிண்டர் எனும் அன்பர் வாழ்ந்து வந்தார். அவர் சிவபெருமான் மீது பரிவுடையவராகவும் விளங்கினார். சிவபெருமான் எழுந்தருளியுள்ள பல பல ஊர்களிலுள்ள திருக்கோயில்களை வழிபட விரும்பி, திருத்தல யாத்திரை செல்லும் போது முதலில் அங்குள்ள சிவனடியார்களை வணங்கிய பின் மூல மூர்த்தியான சுவாமியை வணங்கும் இயல்பு கொண்டு விளங்கினார்.

2 / 4
Share

Image Courtesy: tourmyindia.com

இவ்வாறு வழிப்பட்டுக் கொண்டே திருவாரூர் அடைந்து, அங்கு சிவனடியார்கள் தங்கும் "தேவாசிரியன்" எனும் மண்டபம் உள் சென்று அடியவர்களை வணங்கிய பின் திருமூலட்டானம் சென்று புற்றிடம் கொண்ட நாதரை வணங்கி மகிழ்ந்து இருக்கும் காலத்தில், திருவாரூர் திருக்கோயிலுக்கு இறைவனை வணங்கச் சென்ற நம்பி ஆரூரன், அன்று அதிக அளவில் அடியார்கள் தங்கி இருந்ததை கண்டு தேவாசிரியன் மண்டபத்திற்குச் சென்று அவ் அடியாரை வணங்காது, இவர்களோடு சேர்ந்திருப்பது எந்நாளோ? என மனத்தினுள் நினைந்தவாறே திருக்கோயிலுக்குள் சென்றார் இறைவன் காட்சி தந்து அருளினார்.

3 / 4
Share

Image Courtesy: tripadvisor

அடியாரை வணங்காது திருக்கோயிலுக்குள் செல்லும் நம்பி ஆரூரரை கண்ட விறன்மிண்டர், அடியாரை வணங்காது செல்லும் நம்பி ஆரூரனோடும் உமக்கு அருளும் பிறை சூடிய சிவபெருமானோடும் இனிப் பேச மாட்டேன் எனக் கூறினார். அம்மொழியைக்கேட்ட நம்பி ஆரூரன் வியந்து நிற்க, திருவாரூர் தியாகேசப் பெருமானும் "அடியவரோடே யாம் உள்ளோம்" என அசரீரியாக மொழிந்து, நம்பி ஆரூரருக்கு திருத்தொண்டர் தொகை பாட "தில்லை வாழ் அந்தணர் தம் அடியார்க்கும் அடியேன்" என்ற முதல் வரியை எடுத்துக் கொடுத்தார்.

4 / 4
Share

Image Courtesy: Powerpoint

இத்திருபதிகமே அறுபத்து மூன்று நாயன்மார்களையும் நமக்கு வெளிப்படுத்திய பாடல்கள் ஆகும். எனவே திருத்தொண்டத்தொகை பாடுவதற்குக் காரணமாக விளங்கிய விறன்மிண்ட நாயனார், சிவபெருமான் அருளினால் திருவாரூரில் நெடுநாள் வாழ்ந்து சிவகணங்களுக்கு நாயகராக சிவலோகத்தில் சேர்ந்தார். திருச்சிற்றம்பலம். விறன்மிண்ட நாயனார் திருவடிகள் போற்றி போற்றி!

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

காற்று சுழற்சி காரணமாக.. தமிழ்நாட்டில் ஒரு சில இடங்களில் ஏப்ரல் 28 வரை மிதமான மழைக்கு வாய்ப்பு..!

நகையைப் போட்டா.. பதிலுக்கு பணம் வரும்.. சீனாவில் அறிமுகமான கோல்ட் ஏடிஎம்.. சூப்பர்ல!

100 விளையாட்டு வீரர்களுக்கு அரசு வேலை வழங்கப்படும்: துணை முதல்வர் உதயநிதி ஸ்டாலின்!

பாரதிதாசன் பிறந்த நாள்... ஒரு வாரத்திற்கு தமிழ் வார விழா கொண்டாட்டம்... முதல்வர் மு.க.ஸ்டாலின்!

சனம் ஷெட்டிக்கு ஒரு குழப்பம்.. நிறைய ஆபர் வருதாம்.. நீங்க ஆலோசனை சொல்லுங்களேன்!

எடப்பாடி பழனிச்சாமி, நயினார் நாகேந்திரன் திடீர் ஆலோசனைக் கூட்டம்.. என்னவாக இருக்கும்..?

Today gold price: இதுக்கு ஒரு என்டு கார்டே இல்லையா... 1 கிராம் ரூ.10,000த்தை நெருங்கும் தங்கம் விலை!

அடிக்கிற வெயிலுக்கு லெமன் ஜூஸை குடிக்க நினைத்தால்.. எலுமிச்சை விலை அதிரடி உயர்வு..!

98 வது ஆஸ்கர் விருது விழா எப்போது நடைபெறும்..? தேதி குறிச்சாச்சு!

வேளாண் குலத்தில் பிறந்து.. சிவபெருமான் பரிவு பெற்ற.. விறன்மிண்ட நாயனார்!

சமீபத்திய செய்திகள்

அதிகம் பார்க்கும் செய்திகள்