அறிவோம் வரலாறு.. மெய்ப்பொருள் நாயனார்!

Jan 08, 2025,01:01 PM IST

63 நாயன்மார்களில் ஒருவரான மெய்ப்பொருள் நாயனார் குறித்த வரலாறு அறிவோம். (வரலாற்றுத் தகவல்: முனைவர் திருவிடைமருதூர் சிவ.ச.நடராஜதேசிகர். தொடர்புக்கு, +91 9788065610, 9488055610)

1 / 4
Share

Image Courtesy: Isha foundation

திருக்கோயிலூரில் மலாடர் மரபில் தோன்றி மன்னராக நல்லாட்சி செய்து வந்தவர் மெய்ப்பொருள் நாயனார். தான் தேடிய செல்வங்கள் அனைத்தும் சிவபெருமானை நினைத்து திருநீறு பூசும் சிவனடியார்களுக்கே என நினைத்து வாழ்ந்து வந்தார் மெய்ப்பொருள் நாயனார். அந்நாளில் அவரிடம் பலமுறை போரில் தோற்ற முத்தநாதன் என்னும் பகையரசன் மெய்ப்பொருள் நா ம்யனாரை வெல்லும் ஆசையால் ஒரு சூழ்ச்சி செய்தான். அவன் சிவனடியார் போன்று உடம்பெல்லாம் திருநீறு பூசி தலைமுடியை முடித்து கட்டி, கையில் சில புத்தகங்களை எடுத்து அதன் உள்ளே கத்தியை மறைத்து வைத்து பொய் தவ வேடம் கொண்டு, மன்னரின் மாளிகை சேர்ந்தான்.

2 / 4
Share

Image Courtesy: Isha foundation

வாயில் காவலர்கள் தடுத்தும் கேளாது உள்ளே செல்ல முயன்ற போது மெய்ப்பொருள் நாயனாரின் மெய் காவலரான தத்தன் என்பவர் முத்தநாதனை தடுத்து மன்னவர் உறங்குகிறார் என்று கூறினார் அதனை கேளாது மன்னவரின் படுக்கை அறைக்கு நுழைந்தான் பொய் வேட முத்தநாதன். மன்னர் உறங்கிக் கொண்டிருக்க அரசியார் அருகில் அமர்ந்து கொண்டிருந்தார். சிவனடியாரை கண்ட அரசியார், மன்னரை எழுப்பினார்.

3 / 4
Share

Image Courtesy: X

எழுந்த மன்னர் தன் எதிரில் சிவனடியார் வேடத்தில் இருந்த முத்தநாதனை கண்டு வணங்கினார். சிவனடியாராக வந்த முத்தநாதன் மன்னரிடம் "உங்கள் சிவபெருமான் அருளிய சிவஆகம நூல்களில் எங்கும் இல்லாத ஒரு நூல் என்னிடம் உள்ளது" அதனை தங்களிடம் தனிமையில் விளக்கவே வந்தேன் என்று கூறினான். மன்னவனும் தன் மனைவியையும், மெய்காவலனையும் வெளியில் இருக்கும் படி கூறி, சிவனடியார் வேடத்தில் வந்தவரை நாற்காலியில் அமரச் செய்து மன்னவர் தரையில் அமர்ந்து வணங்கும்போது சிவனடியாராக வந்த முத்தநாதன் புத்தகத்தில் மறைத்து வைத்திருந்த கத்தியை எடுத்து, தான் எண்ணி வந்தபடி மன்னனை கத்தியால் குத்தினான்.

4 / 4
Share

Image Courtesy: tamilvu.org

இச்செயலை அறையின் வெளியில் நின்று கண்காணித்து வந்த தத்தன் விரைந்து வந்து முத்தநாதனை தடுக்க முற்படும் போது, இரத்தம் வழிந்த நிலையிலும் தடுத்து தத்தா! இவர் நமர். இவருக்கு நம் மக்களால் எந்த தீங்கும் வாராது பாதுகாத்து இவரை ஊர் எல்லை தாண்டி விட்டு விட்டு வரும்படி கூறினார். அவ்வாறே முத்தநாதனை ஊர் எல்லையில் விட்டு வந்த தத்தனை கண்ட பின் தனது அரசு ஊழியர்களையும், சுற்றத்தார்களையும் பார்த்து முழு திருநீறு அணிந்த சிவனடியார்களை பாதுகாத்து வாழுங்கள் எனக்கூறி, கூத்தப் பெருமானை நினைத்தபடியே இருக்க, சிவபெருமான் நாயனார் நினைத்தபடியே தன் வடிவம் காட்டி, தேவர்களுக்கும் எட்டாத சிவலோகத்தில் இருக்கும்படி அருளிச் செய்தார். திருச்சிற்றம்பலம். மெய்ப்பொருள் நாயனார் திருவடிகள் போற்றி போற்றி!

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

காற்று சுழற்சி காரணமாக.. தமிழ்நாட்டில் ஒரு சில இடங்களில் ஏப்ரல் 28 வரை மிதமான மழைக்கு வாய்ப்பு..!

நகையைப் போட்டா.. பதிலுக்கு பணம் வரும்.. சீனாவில் அறிமுகமான கோல்ட் ஏடிஎம்.. சூப்பர்ல!

100 விளையாட்டு வீரர்களுக்கு அரசு வேலை வழங்கப்படும்: துணை முதல்வர் உதயநிதி ஸ்டாலின்!

பாரதிதாசன் பிறந்த நாள்... ஒரு வாரத்திற்கு தமிழ் வார விழா கொண்டாட்டம்... முதல்வர் மு.க.ஸ்டாலின்!

சனம் ஷெட்டிக்கு ஒரு குழப்பம்.. நிறைய ஆபர் வருதாம்.. நீங்க ஆலோசனை சொல்லுங்களேன்!

எடப்பாடி பழனிச்சாமி, நயினார் நாகேந்திரன் திடீர் ஆலோசனைக் கூட்டம்.. என்னவாக இருக்கும்..?

Today gold price: இதுக்கு ஒரு என்டு கார்டே இல்லையா... 1 கிராம் ரூ.10,000த்தை நெருங்கும் தங்கம் விலை!

அடிக்கிற வெயிலுக்கு லெமன் ஜூஸை குடிக்க நினைத்தால்.. எலுமிச்சை விலை அதிரடி உயர்வு..!

98 வது ஆஸ்கர் விருது விழா எப்போது நடைபெறும்..? தேதி குறிச்சாச்சு!

அறிவோம் வரலாறு.. மெய்ப்பொருள் நாயனார்!

சமீபத்திய செய்திகள்

அதிகம் பார்க்கும் செய்திகள்