60 கோடி ஆண்டுகளுக்கு முன்பு பூமி எப்படி இருந்துச்சு தெரியுமா.. கேட்கக் கேட்க.. சொல்லாத இடம் கூட குளிர்கின்றதே!

Jan 25, 2025,04:11 PM IST

பூமிப் பந்து எப்போதுமே பல்வேறு ஆச்சரியங்களை தன்னுடன் சுமந்து கொண்டுதான் இருக்கிறது. பூமியைப் பற்றி நமக்கு இப்போது தெரிந்திருக்கும் விஷயங்கள் எல்லாமே விரல் நுனிக்குத்தான் சமம். நமக்குத் தெரியாமல் இருப்பதோ ஏராளம் ஏராளம்.. அந்த வகையில் தற்போது ஒரு புதிய சுவாரஸ்யமான விஷயத்தை விஞ்ஞானிகள் கூறியுள்ளனர். அதாவது கிட்டத்தட்ட 600 மில்லியன் ஆண்டுகளுக்கு முன்பு அதாவது 60 கோடி ஆண்டுகளுக்கு முன்பு இந்த பூமிப் பந்தை முழுக்க முழுக்க பனிப் படலம் போர்த்தியிருந்ததாம். கேட்கவே ஜில்லுன்னு நடுங்குதுல்ல!

1 / 6
Share

Image Courtesy: Wikipedia

63 முதல் 72 கோடி ஆண்டுகளுக்கு முன்பு இந்த பூமிப் பந்து முழுக்க முழுக்க பனியால் சூழப்பட்டிருந்ததாம். இந்த சமயத்தில் பூமியின் வெப்ப நிலை அடியோடு குறைந்து காணப்பட்டதாக விஞ்ஞானிகள் கூறுகிறார்கள். கிட்டத்தட்ட மொத்தப் பூமிப் பந்துமே ஒரு பெரிய பிரமாண்ட ஐஸ் கட்டி போலத்தான் இருந்துள்ளதாம்.

2 / 6
Share

Image Courtesy: Wikipedia

கொலராடோவில் கிடைத்துள்ள கற்களை வைத்து நடந்த ஆய்வின்போதுதான் இந்த கூற்று உண்மையாக இருக்கலாம் என்ற முடிவுக்கு விஞ்ஞானிகள் வந்துள்ளனர். கொலராடோவின் மலைப் பகுதியில் கிடைத்த கற்கள் விஞ்ஞானிகளின் ஆர்வத்தை அதிகரித்துள்ளன. அவற்றின் மீது தொடர் ஆய்வுகள் நடந்து வருகின்றன.

3 / 6
Share

Image Courtesy: Wikipedia

பூமிப் பந்து குளிர்ந்து போயிருந்த காலகட்டத்தில் தற்போதைய கொலராடோ மலைப் பகுதியானது தற்போது உள்ள இடத்தில் இல்லை. மாறாக பூமத்திய ரேகை தற்போது உள்ள இடத்தில் இருந்துள்ளது. மேலும் அந்த இடத்தில் இப்போது உள்ளது போல மலைகளும் இல்லை. நிலப்பரப்புதான் இருந்துள்ளது. எனவேதான் கொலராடோ மலைப் பகுதியில் கிடைத்துள்ள கற்கள் ஆய்வின்போது புதுப் புதுத் தகவல்களை நமக்கு தருகின்றன.

4 / 6
Share

Image Courtesy: Wikipedia

பனிப் படலமாக பூமிப் பந்து மாறியிருந்தபோது உயிர்கள் அனைத்தும் பூமத்திய ரேகைப் பகுதியில்தான் ஜீவித்திருக்கும் என்றும் அனுமானிக்கப்படுகிறது. கொலராடோ பகுதியானது அப்போது இருந்த இடமானது, அந்த சமயத்தில் இருந்த லாரன்ஸியா என்ற கண்டத்தைச் சேர்ந்ததாக இருந்துள்ளது. இப்போது உள்ள மலைப் பகுதியானது, அந்தக் காலத்தில் இருந்த பனிப் படலத்துக்குக் கீழே இருந்தவை என்றும் விஞ்ஞானிகள் கூறுகிறார்கள்.

5 / 6
Share

Image Courtesy: Wikipedia

தற்போது ஆய்வுக்காக எடுக்கப்பட்டுள்ள பாறைப் பகுதியானது தாவா மலைப் பகுதியைச் சேர்ந்தது. இந்த கற்களில் இரும்பு ஆக்சைடு அதிக அளவில் உள்ளது. லேசர் கதிர்வீச்சு மூலம் இங்கு ஆய்வுகள் நடத்தப்பட்டன. தற்போது ஆய்வுக்குட்படுத்தப்பட்ட பாறைப் பகுதியானது, 66 முதல் 69 கோடி ஆண்டுகளுக்கு முன்பு பனிப் ப��லமாக இருந்தவை என்று தெரிய வந்துள்ளதாம்.

6 / 6
Share

Image Courtesy: Wikipedia

இந்தப் பகுதியில் நடைபெறும் ஆய்வுகளை மேலும் விரிவுபடுத்தினால், பூமியின் வரலாறு குறித்து மேலும் பல ஆச்சரியகரமான தகவல்கள் கிடைக்கலாம் என்று விஞ்ஞானிகள் நம்புகிறார்கள். பூமியின் சுற்றுச்சூழல், காலநிலை மாற்றம் எப்போது நிகழ்ந்தது என்பதும் கூட தெரிய வரலாம் என்பது விஞ்ஞானிகளின் கருத்தாகும். இதையெல்லாம் கேட்க கேட்க நமக்கு.. சொல்லாத இடம் கூட குளிர்கின்றதே!

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

எடப்பாடி பழனிச்சாமி, நயினார் நாகேந்திரன் திடீர் ஆலோசனைக் கூட்டம்.. என்னவாக இருக்கும்..?

Today gold price: இதுக்கு ஒரு என்டு கார்டே இல்லையா... 1 கிராம் ரூ.10,000த்தை நெருங்கும் தங்கம் விலை!

அடிக்கிற வெயிலுக்கு லெமன் ஜூஸை குடிக்க நினைத்தால்.. எலுமிச்சை விலை அதிரடி உயர்வு..!

98 வது ஆஸ்கர் விருது விழா எப்போது நடைபெறும்..? தேதி குறிச்சாச்சு!

பிளாஸ்டிக் வேண்டாம்.. வேண்டவே வேண்டாமே.. கிரிஷ் சொல்லியாச்சு.. அப்ப நீங்க?.. கதையல்ல நிஜம்!

Today is Earth Day.. நம்மைக் காக்கும் அன்னை.. பூமியைக் காக்க விழித்துக்கொள்வோம்!

போப் ஆண்டவர் பிரான்சிஸ் மறைவையொட்டி.. மூன்று நாட்கள் துக்கம் அனுசரிப்பு.. மத்திய அரசு!

Summer Rains.. தமிழ்நாட்டில்.. அடுத்த ஒரு வாரத்திற்கு வெயில் + மழை.. இதாங்க நிலவரம்..!

Election of new Pope: புதிய போப்பாண்டவர் எப்படி தேர்ந்தெடுக்கப்படுவார்?

60 கோடி ஆண்டுகளுக்கு முன்பு பூமி எப்படி இருந்துச்சு தெரியுமா.. கேட்கக் கேட்க.. சொல்லாத இடம் கூட குளிர்கின்றதே!

சமீபத்திய செய்திகள்

அதிகம் பார்க்கும் செய்திகள்