நிர்மலா சீதாராமன் சொன்ன "குறை".. பளிச்சென பதில் கொடுத்த சின்மயி!

Aug 11, 2023,02:51 PM IST

சென்னை: மத்திய நிதியமைச்சர் நிர்மலா சீதாராமன் நாடாளுமன்றத்தில் பேசும்போது தமிழ்நாட்டில் இந்தி, சமஸ்கிருதம் படிக்க விடாமல் தடுத்து விட்டதாக குமுறல் வெளியிட்டிருந்தார். இதற்கு பிரபல பாடகி சின்மயி புள்ளிவிவரத்துடன் சூப்பராக பதிலளித்துள்ளார்.

தமிழ்நாட்டில் நீண்ட காலமாகவே இந்தி கற்றுக் கொள்வோர் இருக்கத்தான் செய்கிறார்கள். இந்தி மாஸ்டர்களும் தெருவுக்கு ஒருத்தர் இருக்கவே செய்கிறார்கள். அவர்களிடம் போய் இந்தி கற்கும் குழந்தைகளும் ரொம்ப காலமாகவே இருந்து கொண்டுதான் இருக்கிறார்கள். இந்தி கற்பது என்பது தமிழ்நாட்டைப் பொறுத்தவரை தீண்டத்தகாததாக ஒரு காலத்திலும் இருந்ததில்லை. இந்தி கற்பதை யாரும் தடுத்ததும் கிடையாது.

அதை விட முக்கியமாக, அந்தக் காலத்தில் எல்லாம் (அதாவது திராவிடம் இப்போது உள்ளதை விட அதிகமாக வலுவாக இருந்த காலத்தில்) காலாண்டு விடுமுறை, அரையாண்டு விடுமுறை, முழு ஆண்டு விடுமுறைகளின்போது பிள்ளைகளை சும்மா உட்கார விட மாட்டார்கள். மாறாக போய் இந்தி கத்துக்கோ, டை��்பிங் கத்துக்கோ என்று அனுப்பி விடுவார்கள். ஆக மொத்தம் தமிழ்நாட்டு மக்களுக்கும், இந்திக்கும் நிறைய நெருக்கம் தான் இருந்துள்ளதே தவிர விலக்கம் இருந்ததில்லை.

என்ன ஒரு விஷயம்னா.. இதை நீ செஞ்சே ஆகணும், கத்துக்கிட்டே ஆகணும் அப்படின்னு யாராவது கட்டாயப்படுத்தினால் தமிழ்நாட்டுக்காரர்கள் கேட்க மாட்டார்கள்.. ஏன் என்று எதிர்கேள்வி கேட்பார்கள். அப்படித்தான் இந்தியை கட்டாயப்படுத்தியபோதும் கேட்டார்கள்.. அதுதான் இந்தி எதிர்ப்பு போராக, போராட்டமாக, மனோபாவமாக மாறியது. இப்போது வரை தமிழ்நாட்டு மக்கள் இந்திக்கு எதிரானவர்கள் கிடையாது. இன்னும் தெளிவாகச் சொன்னால், இந்தி பேசுவோர் மிக மிக மகிழ்ச்சியுடன் வந்து போக விரும்பும் மாநிலமாக தமிழ்நாடு முதன்மை இடத்தில் உள்ளது. இதிலிருந்தே தெரிந்து கொள்ளலாம், தமிழ்நாடும், இந்தியும் எவ்வளவு நெருக்கமாக இருக்கிறார்கள் என்பதை.

இந்த நிலையில்தான் இந்தி, சமஸ்கிருதம் கற்றுக் கொள்ள விடாமல் தடுத்து விட்டதாக லோக்சபாவில் கூறியுள்ளார் நிர்மலா சீதாராமன். அவரது கூற்றை தமிழ்நாட்டைச் சேர்ந்த பல்வேறு பிரபலங்களும் மறுத்து வருகிறார்கள். அந்த வகையில், பாடகி சின்மயியும் பதிலளித்துள்ளார். இதுதொடர்பாக அவர் போட்டுள்ள டிவீட்:

சென்னையோ அல்லது தமிழ்நாட்டில் வேறு பகுதியிலோ, ஒருவர் எந்த பாஷையை கற்க விரும்புகிறாரோ அதை அவரால் தாராளமாக கற்க முடியும். உண்மையில் தமிழ்நாட்டில்தான் இந்தி கற்போர் அதிக அளவில் உள்ளனர். இதை தென்னிந்திய இந்தி பிரசார சபையின் புள்ளிவிவரத்திலிருந்து அறிந்து கொள்ளலாம். இது ஆண்டுக்கு ஆண்டு உயர்ந்து கொண்டேதான் போகிறது. மேலும் இந்தியில் உயர்ந்த இடத்தில் தேர்ச்சி பெறுவோரும் தமிழ்நாட்டில்தான் அதிகம்.

நான் 2வது மொழியாக தெலுங்கு, இந்தி கற்றுக் கொண்டேன், சமஸ்கிருதம் கற்றுக் கொண்டேன். ஏன் ஜெர்மன், பிரெஞ்சு கூட கற்றுக் கொண்டேன். எல்லாமே சென்னையில்தான் கற்றுக் கொண்டேன். எனது முதல் கசின் படகா மொழி பேசுவார், துளு பேசுவார். தமிழ், இந்தியுடன் இவையும் பேசுவார்.

மெட்ராஸ் சமஸ்கிருத கல்லூரி 1906ம் ஆண்டிலிருந்தே இருக்கிறது. சமஸ்கிருதம் கற்பதற்குக் கடினமான மொழி. மற்ற மொழிகளைக் கூட எளிமையாக கற்றுக் கொண்டு விட முடியும். இந்தியைத் தாய் மொழியாகக் கொண்ட எனது வகுப்புத் தோழிகள் பலரும் கூட சமஸ்கிருதம் கடினம் என்பார்கள்.

மக்கள் கற்க விரும்புவதை, பேச விரும்புவதை, சாப்பிட விரும்புவதை, வழிபட விரும்புவதை ஏன் செய்ய முடியாது.. யார் அதைத் தடுப்பார்கள்? என்று கூறியுள்ளார் சின்மயி.

சமீபத்திய செய்திகள்

Most Expensive player in IPL history.. டேவன் கான்வே, ராகுல் திரிபாதி.. வாங்கியது சென்னைஅணி!

A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

மகாராஷ்டிராவில் மீண்டும் பாஜக கூட்டணி ஆட்சி.. ஜார்க்கண்ட் ஆட்சியை தக்க வைத்தது ஜேஎம்எம் காங் கூட்டணி

நிர்மலா சீதாராமன் சொன்ன "குறை".. பளிச்சென பதில் கொடுத்த சின்மயி!

Comments

சமீபத்திய செய்திகள்

அதிகம் பார்க்கும் செய்திகள்