"உங்களை சஸ்பெண்ட் பண்றோம்".. இந்திய மல்யுத்த சம்மேளனத்துக்கு "ஷாக்"!

Aug 24, 2023,06:46 PM IST

டெல்லி: இந்திய மல்யுத்த சம்மேளனம் இன்னும் தேர்தலே நடத்தாமல் இருப்பதால் அதை சஸ்பெண்ட் செய்வதாக சர்வதேச மல்யுத்த சம்மேளனம் அறிவித்துள்ளது.

ஏற்கனவே இந்திய மல்யுத்த சம்மேளனத் தலைவரும், பாஜக எம்பியுமான பிரிஜ்பூஷன் சரண் மீது பாலியல் மோசடிப் புகார்களை சுமத்தி இந்திய மல்யுத்த வீராங்கனைகள், வீரர்கள் தொடர் போராட்டத்தில் ஈடுபட்டதால் பெரும் சர்ச்சை நிலவி வருகிறது. இந்த அக்கப்போரில் தற்போது தேர்தலை மறந்து போனதால், சஸ்பெண்ட் நடவடிக்கையை இந்திய மல்யுத்த சங்கம் எதிர்கொண்டுள்ளது.

ஜூன் மாதமே தேர்தல் நடத்தப்பட்டிருக்க வேண்டும். ஆனால் தொடர் போராட்டங்கள் காரணமாக தேர்தலை நடத்த முடியாமல் போய் விட்டது. இதனால் சர்வதேச போட்டிகளில் இந்தியாவின் சார்பாக சம்மேளனத்திலிருந்து யாரையும் அனுப்ப முடியாத நிலை ஏற்பட்டுள்ளது.

செப்டம்பர் 16ம்தேதி தொடங்கும் ஒலிம்பிக் தகுதிச் சுற்று உலக சாம்பியன்ஷிப் போட்டிகளில் நியூட்ரல் வீரர்களாகவே இந்தியாவின் சார்பில் பங்கேற்போர் கலந்து கொள்ள முடியும்.

பிரிஜ்பூஷன் சரண் மீதான புகார்களைத் தொடர்ந்து அவர் பதவி விலகினார். அதன் பின்னர் இந்திய ஒலிம்பிக் சங்கம், பூபேந்தர் சிங் பஜ்வா தலைமையில் ஒரு இடைக்கால நிர்வாகக் குழுவை அமைத்தது. இந்தக் குழு 45 நாட்களில் தேர்தலை நடத்த வேண்டும் என்று அறிவுறுத்தப்பட்டிருந்தது. ஆனால் தேர்தல் நடக்கவில்லை.

தேர்தலை நடத்த வேண்டும். இல்லாவிட்டால் சஸ்பெண்ட் நடவடிக்கையை எதிர்கொள்ள நேரிடும் என்று சர்வதேச மல்யுத்த சங்கம் எச்சரிக்கை விடுத்திருந்தது. ஆனால் அதை இந்திய மல்யுத்த சம்மேளனம் கண்டு கொள்ளாமல் விட்டு விட்டது. இதனால் தற்போது சஸ்பெண்ட் நடவடிக்கையை சர்வதேச சங்கம் எடுத்து விட்டது.

இந்த ஆண்டு 3வது முறையாக இந்திய மல்யுத்த சம்மேளனம் சஸ்பெண்ட் நடவடிக்கையை எதிர்கொள்கிறது. முதலில் ஜனவரி மாதம் சஸ்பெண்ட் செய்யப்பட்டது. பின்னர் மே மாதம் சஸ்பெண்ட் நடவடிக்கை எடுக்கப்பட்டது. இந்த நிலையில் தற்போது 3வது முறையாக சஸ்பெண்ட் ஆகியுள்ளது.

சமீபத்திய செய்திகள்

நாயகன் மீண்டும் வர்றார்.. சென்னை சூப்பர் கிங்ஸ் அணியில் ரவிச்சந்திரன் அஸ்வின்.. செம கேட்ச்தான்!

CKS rocks.. அஸ்வின், ரச்சின் ரவீந்திரா, டேவன் கான்வே, ராகுல் திரிபாதி.. செம கேம் பிளான்தான்!

A R Rahman.. உலகிலேயே மிகவும் சிறந்த மனிதர் ஏ.ஆர். ரஹ்மான்.. உருக்கமான ஆடியோ வெளியிட்ட சாய்ரா பானு

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

"உங்களை சஸ்பெண்ட் பண்றோம்".. இந்திய மல்யுத்த சம்மேளனத்துக்கு "ஷாக்"!

Comments

சமீபத்திய செய்திகள்

அதிகம் பார்க்கும் செய்திகள்