அடுத்து என்ன.. அடுத்து என்ன.. கேள்வி மனதை பிசைகிறதா..!?

Feb 06, 2023,04:41 PM IST

அடுத்து என்ன?? என்ற கேள்வி மனதை பிசைகிறதா..!! அடுத்து என்ன படிப்பது, அடுத்து என்ன வேலை பார்ப்பது, அடுத்து என்ன சாதிப்பது என்பது முதல் அடுத்த வேலை என்ன சமைப்பது அடுத்து அலமாரியின் எந்த அறையை அடுக்குவது என்பது வரை- அடுத்து என்ற வார்த்தையே நம்மை சிந்தனையில் தான் ஆழ்த்துகிறது..

சில நேரங்களில் அளவுக்கு அதிகமாக யோசனையில் ஆழ்ந்து குழம்பிவிடும் படி ஆகிறது.. அதன் இறுதியில் நிலையில்லா முடிவு கொண்டு, அதை நிறைவேற்ற முயன்று பாதியில் ஏன், எதற்கு போன்ற பல கேள்விகளுடன், மனதில் ஒரு வெற்றிடம் கொண்டு, அயர்ந்து.. இனி நம்மால் ஏதும் செய்ய இயலாது அந்த திறன் இனி இல்லை என்று தோன்றும் நிலை வரலாம்..

ஆனால் அவை உண்மை அல்ல.. அடுத்து என்ற கேள்வியை உடைத்து விட்டு, இன்று என் மன நிம்மதியும் நிறைவும் மட்டும் தான் முக்கியம் என்று உறுதி கொண்டு, மனதை ஒருநிலைப்படுத்த முயலுங்கள்.. முதலில் கடினமாக தோன்றினாலும் முயன்றால் நடக்கும்..

பின்பு ஒருநிலை கொண்ட மனதோடு உங்களுடைய "அடுத்து என்ன" என்ற கேள்விக்கு நிலையான பதில் காணுங்கள்.. முந்தைய குழப்ப நிலையில் கொண்ட பதிலில் "என்ன என்ன குறை நிறைகள்" உள்ளது என ஆராயுங்கள்.. அப்போது நிச்சயமாக நல்ல தெளிவு பிறக்கும்..

சூரியனை மேகம் மறைப்பதால் சூரியன் கறை பட போவதும் இல்லை, சூரிய ஒளியால் பச்சை பசேல் என வளரும் பயிர்கள் சோர்ந்து போவதும் இல்லை... அதே போல் தான், குழம்பிய முடிவு எடுத்து, அதனால் தோற்க நேரிடுவதால் வெற்றி கைக்கு எட்டா கனியாக போவதில்லை..!

செடிகளுக்கு மேகம் தரும் மழையும் வெயில் தரும் இதமும் ஈரண்டுமே தேவை படுவது போல.. குழப்பங்களும் நல்லதே.. அவை வராவிட்டால் நாம் தெளிவாக இருப்பதை எப்படி உணர முடியும்.

குழப்பம் தந்து நமது மூளையை குடைய செய்யும் அந்த தருணங்களுக்கு நன்றி சொல்லுங்கள்.. அவை இல்லாமல் ஒருநிலை கொண்ட மனதின் அருமையும், இன்னல் தாங்க வலு கொண்ட நமது மனதின் பலமும் நமக்கு தெரியாலே போகும்..

எனவே மனதைப் பிசையும் அடுத்து என்ற கேள்விக்கு நிதானமாக பதில் கொடுங்கள்.. தெளிவான நீரோடை போல சிந்தனைகளிலும், அதன் தொடர்ச்சியாக தீர்வுகளிலும் மனம் இயல்பாகப் பதியும்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?