ஒலிம்பிக்கில் கோட்டை விட்ட வெற்றியை.. ஹரியானா சட்டசபைத் தேர்தலில் அள்ளிய வினேஷ் போகத்!

Oct 08, 2024,03:01 PM IST

சண்டிகர்:   ஹரியானா சட்டசபைத் தேர்தலில் ஜூலானா தொகுதியில் போட்டியிட்ட இந்திய மல்யுத்த வீராங்கனை வினேஷ் போகத் அங்கு வெற்றி பெற்றுள்ளார்.


ஜம்மு காஷ்மீர் மற்றும் ஹரியானா மாநில சட்டமன்ற தேர்தலில் பதிவான வாக்குகள் இன்று  காலை முதலே எண்ணப்பட்டன. காலை 8 மணிக்கு தொடங்கிய வாக்கு எண்ணிக்கையில் முதற் கட்டமாக தபால் வாக்குகள் எண்ணப்பட்டன. வாக்கு எண்ணிக்கையில் பாஜக முன்னிலை வகித்து வருகிறது. காங்கிரஸ் கூட்டணிக்கு 2வது இடமே கிடைத்துள்ளது.




ஹரியானா மாநிலத்தில் உள்ள ஜூலானா சட்டமன்ற தொகுதியில் காங்கிரஸ் சார்பில் ஒலிம்பிக் வீராங்கனை வினேஷ் போகத் போட்டியிட்டார். பாரிஸ் ஒலிம்பிக் போட்டியில் 50 கிலோ எடைப் பிரிவு மல்யுத்தப் போட்டியில் இறுதிக்கு முன்னேறி வெள்ளிப் பதக்கத்தை உறுதி செய்திருந்தார் வினேஷ் போகத். இறுதிப் போட்டிக்கு முன்னதாக அவரது உடல் எடையில் 100 கிராம் அதிகம் இருந்த காரணத்தால் தகுதி நீக்கம் செய்யப்பட்டார். அப்போது பிரதமர் மோடி உட்பட அனைத்து தரப்பினரும் வினேஷ் போகத்திற்கு ஆதரவு குரல் எழுப்பினர். இந்தியா திரும்பிய அவருக்கு அனைவரும் உற்சாக வரவேற்பும் அளித்தனர். இந்தியா திரும்பிய நிலையில், வினேஷ் போகத் காங்கிரஸ் கட்சியில் இணைந்தார்.


வினேஷ் போகத் ஆரம்பத்தில் இருந்தே முன்னிலை பெற்று வந்தார். அவரை எதிர்த்து போட்டியிட்ட பாஜக வேட்பாளர் யோகேஷ் பைராகி குமார் பின்னடைவை சந்தித்து வந்தார். 14வது சுற்று வாக்கு எண்ணிக்கையில் பாஜக வேட்பாளர் யோகேஷ் குமாரை 6,015 வாக்குகள் வித்தியாசத்தில் வினேஷ் போகத் தோற்கடித்துள்ளார். கடந்த 19 ஆண்டுகளுக்குப் பிறகு தற்போது தான் ஜூலானா தொகுதியில் காங்கிரஸ் வெற்றி பெற்றுள்ளது குறிப்பிடத்தக்கது.


ஒலிம்பிக்கில் கோட்டை விட்ட வெற்றியை சட்டசபைத் தேர்தலில் பெற்றுள்ளார் வினேஷ் போகத்.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

பாஜக தலைவர் மாற்றம் உறுதி... அண்ணாமலையே சூசகமாக தகவல்!

news

நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!

அதிகம் பார்க்கும் செய்திகள்