நாடு முழுவதும் நாளை முதல் நம்ம கொடி பறக்கும்.. தமிழ்நாடு சிறக்கும்.. மாஸ் என்ட்ரி கொடுக்கும் விஜய்

Aug 21, 2024,04:43 PM IST

சென்னை : விஜய்யின் தமிழக வெற்றிக் கழகம் கட்சியின் கொடி அறிமுக நிகழ்ச்சி ஆகஸ்ட் 22ம் தேதி நடைபெற உள்ளது. இந்நிலையில் கொடி அறிமுகம் குறித்து அதிகாரப்பூர்வ அறிக்கை ஒன்றை விஜய் இன்று வெளியிட்டுள்ளார். அவரது அறிக்கையில் இடம் பெற்றுள்ள வாசகங்களால் ரசிகர்களிடையே அனல் பறக்க ஆரம்பித்துள்ளது.


நடிகர் விஜய் தமிழக வெற்றிக்  கழகம் என்ற கட்சியை சமீபத்தில் துவங்கினார். இந்த கட்சியின் கொடி அறிமுக நிகழ்ச்சி ஆகஸ்ட் 22ம் தேதி காலை 09.15 மணிக்கு சென்னை பனையூரில் உள்ள கட்சியின் தலைமை நிலையச் செயலகத்தில் நடைபெற உள்ளது. இது தொடர்பாக செம மாஸான அறிக்கை ஒன்றை விஜய் இன்று வெளியிட்டுள்ளார்.


அதில் அவர், என் நெஞ்சில் குடியிருக்கும் தோழர்களே...சரித்திரத்தின் புதிய திசையாகவும் புதிய விசையாகவும் ஒவ்வொரு நாளும் அமைந்தால் அது ஒரு பெரும் வரம். அப்படியான வரமாக இறைவனும் இயற்கையும் நமக்கு அமைத்துக் கொடுத்திருக்கும் நாள் தான் 2024, ஆகஸ்ட் 22. 




நம் தமிழக வெற்றிக் கழகத்தின் முக்கிய அடையாளமான கொடி அறிமுகமாகும் நாள். தமிழ்நாட்டின் நலனுக்காக உழைத்து, நம் மாநிலத்தின் அடையாளமாகவும் மாறப் போகும் நம் வீரக் கொடியை, வெற்றிக்கொடியை நாளை நம் தலைமை நிலையச் செயலகத்தில் அறிமுகப்படுத்தி, கழகக் கொடிப் பாடலை வெளியிட்டு, கழகக் கொடியை ஏற்றி வைக்கிறோம் என்பதை பெரு மகிழ்வுடன் அறிவிக்கிறேன். 


நாளை முதல் நாடெங்கும் நமது கொடி பறக்கும். தமிழ்நாடு இனி சிறக்கும். வெற்றி நிச்சயம் என குறிப்பிட்டு விஜய் அறிக்கை வெளியிட்டுள்ளார். கட்சி தலைவராக அவர் வெளியிட்டுள்ள இந்த அறிக்கை அரசியல் வட்டாரத்திலும், சினிமா வட்டாரத்திலும் செம டிரெண்டாகி வருகிறது.


கட்சியின் தீம் சாங்கை கவிஞர் விவேக் எழுதியிருப்பதாகவும் இசையமைப்பாளர் தமன் அதற்கு இசையமைத்திருப்பதாகவும் ஏற்கனவே தகவல் வெளியாகி ரசிகர்களை உற்சாகத்தில் மூழ்கடித்துள்ளது. இந்த நிலையில் நாளை முதல் நம்ம கொடி பறக்கும் என்று விஜய் தனது ஸ்டைலில் பன்ச்சாக கூறியிருப்பது ரசிகர்களை டபுள் மகிழ்ச்சியில் திளைக்க வைத்துள்ளது. நாளை பனையூர் பகுதி எப்படி கலங்கப் போகிறதோ.. பொறுத்திருந்து பார்ப்போம்.


செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

news

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்