"தெய்வமே நீங்க எங்கேயோ போய்ட்டீங்க" வசனத்தால் பிரபலமான நடிகர் ஆர்.எஸ். சிவாஜி மரணம்
சென்னை: பிரபல காமெடி நடிகர் ஆர்.எஸ்.சிவாஜி மரணமடைந்தார். அவருக்கு வயது 66 ஆகும்.
காமெடி நடிகராக, குணச்சித்திர நடிகராக ஏராளமான படங்களில் நடித்துள்ளார் ஆர்.எஸ்.சிவாஜி. கமல்ஹாசனின் தீவிர ரசிகர். தனது திரையுலக வாழ்க்கையே கமல்ஹாசன் கொடுத்த மிகப் பெரிய பரிசு என்று சொல்லக் கூடியவர். கமல்ஹாசன் மீது தீராத பக்தியும் கொண்டவர்.
அபூர்வ சகோதரர்கள் படத்தில் சிவாஜியும், ஜனகராஜும் இணைந்து நடிப்பில் கலக்கியிருப்பார்கள். கமல்ஹாசனுக்கு அடுத்து அதிகம் பேசப்பட்டது இவர்களது காமெடிதான். அந்த அளவுக்கு இருவரும் பிரித்து மேய்ந்திருப்பார்கள். குறிப்பாக ஜனகராஜின் செயல்களைப் பார்த்து வியந்து வியந்து, "நீங்க எங்கேயே போய்ட்டீங்க சார்" என்று சிவாஜி சொல்லும் வசனம் மிக மிக பிரபலமானது.
அந்தப் படத்திற்குப் பிறகு ஏராளமான படங்களில் நடித்தார் சிவாஜி. காமெடி மட்டுமல்லாமல் குணச்சித்திர பாத்திரங்களிலும் நிறைய நடித்துள்ளார் சிவாஜி. தீவிர சாய் பக்தரான சிவாஜி, உடல் நலமில்லாமல் இருந்து வந்தார். இன்று அவரது வாழ்க்கை முடிவுக்கு வந்தது.
ஆர்.எஸ். சிவாஜி மரணத்திற்கு திரையுலகினர் அஞ்சலியும், இரங்கலும் தெரிவித்து வருகின்றனர். தமிழ் திரையுலகில் அடுத்தடுத்து காமெடி நடிகர்கள் இறந்து வருகின்றனர். மயில்சாமி மறைந்தார், மனோபாலா மறைந்தார். தற்போது ஆர். எஸ்.சிவாஜி விடை பெற்றுள்ளார்.
சமீபத்திய செய்திகள்
நல்லவன் வந்தா எரிச்சல்தானே வரும்.. இது பண்ணையார்களுக்கான கட்சி கிடையாது ப்ரோ.. விஜய் அதிரடி
விஜய் தமிழ்நாட்டின் நம்பிக்கை.. அடுத்த ஆண்டு ஆட்சியைப் பிடிப்பார்.. பிரஷாந்த் கிஷோர் பேச்சு
யார் பண்ணையார்?... விமர்சனங்களை அப்படியே திருப்பிப் போட்டு.. விஜய் கொடுத்த நச் பதில்!
பொய் சொல்லி தமிழ்நாட்டு மக்களுக்கு துரோகம் செய்கிறார் முதல்வர் ஸ்டாலின்.. உள்துறை அமைச்சர் அமித் ஷா
என்னை ஆஸ்தான பாடகியாக விஜய் அறிவிக்கட்டும்.. அப்புறம் பாருங்க.. கிடாக்குழி மாரியம்மாள் உற்சாகம்!
இனி என் செயல்பாடுகளும் கோட்பாடுகளும் தளபதி வழியில்.. தவெகவில் இணைந்த ரஞ்சனா நாச்சியார்!
தவெக ஆண்டு விழாவில் பிரசாந்த் கிஷோர்... இதை யாருமே எதிர்பார்க்கலியே... என்னவா இருக்கும்?
அனைத்துக் கட்சிக் கூட்டம்.. அதிமுக, தவெக, நாதக உள்பட 45 கட்சிகளுக்கு தமிழ்நாடு அரசு அழைப்பு!
தவெகவின் முதலாண்டு விழா கோலாகல தொடக்கம்.. பிரஷாந்த் கிஷோருடன் மேடை ஏறிய விஜய்
{{comments.comment}}