கனிமொழி கருணாநிதியை.. இதை விட சிறப்பாக அடையாளப்படுத்த முடியாது.. அசத்திய வர்ஷா!

Jan 29, 2023,11:27 AM IST

சென்னை: தான் வரைந்த கோலத்தை அகில உலகுக்கும் கொண்டு சென்று பெருமை சேர்த்த திமுக எம்.பி. கனிமொழி கருணாநிதியை வியப்பில் விழிகள் விரிய வைத்து, வாய் நிறைய புன்னகையையும், மனசு நிறைய மகிழ்ச்சியையும் கொடுத்து அசத்தியுள்ளார் டிசைனர் வர்ஷா (@dabaraset).

கனிமொழி கருணாநிதியின் உருவத்தை, அவரது சிறப்புகளை வைத்தே வரைந்து அசத்தலாக பிரேம் போட்டு கனிமொழியிடம் கொடுத்து வாழ்த்தும் பெற்றுள்ளார் வர்ஷா

சென்னையைச் சேர்ந்தா வர்ஷா ஒரு டிசைனர். உயிர்மெய் என்பது இவரது நிறுவனத்தின் பெயர். எழுத்துக்களை வைத்து வித்தியாசமாக டிசைன் செய்வது இவரது தனிச் சிறப்பு. இவர் சமீபத்தில் தமிழ்நாடு என்ற வார்த்தையை வைத்து ஒரு அழகான கோலம் தீட்டியிருந்தார்.

இந்தக் கோலத்தைக் கொண்டு பொங்கல் வாழ்த்து தெரிவித்திருந்தார் திமுக ராஜ்யசபா எம்.பி. கனிமொழி கருணாநிதி. மேலும், எங்களுக்காக இந்த வாழ்த்து கோலத்தை வடிவமைத்து தந்த வர்ஷா (@dabaraset) அவர்களுக்கு நன்றி என்றும் கூறியிருந்தார்.

இந்த நிலையில் தற்போது கனிமொழி உருவத்தையே சிறப்பாக வரைந்து அவரிடம் கொடுத்து அவரை மகிழ்வித்துள்ளார் வர்ஷா. கனிமொழியின் டிரேட் மார்க் புன்னகையுடன் கூடியதாக இந்த படம் அமைந்துள்ளது. அதில் ஆங்காங்கே கனிமொழியின் சிறப்புகளையே டிசைனாக புகுத்தியுள்ளார். தலையில் தனித்துவம், இலக்கியம், பகுத்தறிவு ஆகியவற்றைப் பொறித்துள்ளார். கண் இமையில் அடையாளம், கண்களில் சேவை இடம் பெற்றுள்ளது. காதில் கலை இடம் பிடித்துள்ளது. இதழில் கனிவும், சிரிப்பும் அடையாளமாக காட்டப்பட்டுள்ளது. வெற்றி கண்ட போராளி, தலைமை, தமிழ்நாட்டின் குரல் என்பதும் பிரதானப்படுத்தப்பட்டுள்ளது.

வித்தியாசமான முறையில் அமைந்துள்ள இந்த வரைபடத்தை கனிமொழியை நேரில் சந்தித்துக் கொடுத்து அவரை ஆச்சரியப்படுத்தியுள்ளார் வர்ஷா. இதுகுறித்து வர்ஷா கூறுகையில், எம்.பி. கனிமொழி அவர்களை நேரில் சந்தித்தேன். அவரது மொழிப் புலமையும், உலகளாவிய பார்வையும் அனைவருக்கும் ஒரு உந்து சக்தியாகும். எனது கலை மூலமாக எனது பிரியத்தை அவரிடம் பகிர்ந்தேன். மறக்கமுடியாத அருமையான அனுபவம் என்று சிலாகித்துள்ளார். இப்போது இந்தப் படமும் வைரலாகியுள்ளது.

சமீபத்திய செய்திகள்

ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்

மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!

ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?

பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!

சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!

வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி

என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!

அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!

நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!

கனிமொழி கருணாநிதியை.. இதை விட சிறப்பாக அடையாளப்படுத்த முடியாது.. அசத்திய வர்ஷா!

Comments

சமீபத்திய செய்திகள்

அதிகம் பார்க்கும் செய்திகள்