விமானப் பணியாளரை.. இழுத்துப் பிடித்து முத்தமிட்ட பயணி.. நடுவானில் அக்கப்போர்!

Apr 23, 2023,10:00 AM IST

மின்னசோட்டா: அமெரிக்காவில் ஓடும் விமானத்தில் ஆண் விமானப் பணியாளரை இழுத்துப் பிடித்து கழுத்தில் முத்தமிட்ட ஆண் பயணியை போலீஸார் கைது செய்தனர்.

அந்த பயணியின் பெயர் டேவிட் ஆலன் பர்க். 61 வயதாகிறது. இவர் மின்னசோட்டாவிலிருந்து அலாஸ்காவுக்கு டெல்டா ஏர்லைன்ஸ் விமானத்தில் போய்க் கொண்டிருந்தார். தனது இறந்து போய் விட்ட நண்பரின் பண்ணையை இவர்தான் பார்த்துக் கொண்டிருந்தார். அதை செட்டில் செய்யும் விஷயமாக போய்க் கொண்டிருந்தபோதுதான் புத்தி தடுமாறி இப்படி பண்ணி விட்டார்.

முதல் வகுப்பில் டேவிட் பயணித்துக் கொண்டிருந்தார். மின்னபோலிஸ் நகரிலிருந்து விமானம் கிளம்பியபோது அவர் மது அருந்த விரும்பியுள்ளார். ஆனால் மது பரிமாறுவதற்கான டைம் முடிந்து விட்டதாக விமானப் பணியாளர் கூறியுள்ளார். அதன் பிறகு விமானம் கிளம்பிய பிறகு டேவிட்டுக்கு அந்த விமானப் பணியாளர் ஒயின் ஊற்றிக் கொடுத்துள்ளார். டேவிடும் சந்தோஷமாக வாங்கிக் கொடுத்தார். அதேபோல சாப்பாடும் வந்தது. அதையும் சாப்பிட்டார். சாப்பிட்ட தட்டை எடுக்க வந்த அதே விமானப் பணியாளருக்கு ஜாலியாக கைகுலுக்கவும் செய்தார் டேவிட்.

10 நிமிடம் கழித்து ரெஸ்ட் ரூம் போவதற்காக எழுந்து சென்றார் டேவிட். போகும் வழியில் அந்த விமானப் பணியாளர் அமர்ந்திருப்பதைப் பார்த்த டேவிட் அவரிடம் சென்றார். அருகே போய் நீ ரொம்ப அழகா இருக்கியே.. எனக்கு ஒரு முத்தம் தர்றியா என்று கேட்டுள்ளார். அதைக் கேட்டு ஜெர்க் ஆன அந்த ஊழியர், "நோ, தேங்க்ஸ்" என்று சொல்லி விலகியுள்ளார். ஆனால் "No means NO" என்ற "அஜீத் பட வசனத்தை" மறந்த டேவிட் முரட்டுத்தனமாக அந்தப் பணியாளரை இழுத்து கழுத்தில் முத்தம் கொடுக்க முயன்றார். என்னடா இது வம்பாப் போச்சே என்று மிரண்டு போன அந்த ஊழியர், டேவிட்டிடம் இருந்து கஷ்டப்பட்டு விலகினார்.

அதன் பின்னர் அந்த இடத்தைக் காலி செய்த ஊழியர் விமானத்தின் பின் பகுதிக்குப் போய் விட்டார். பயணம் முடியும் வரை அதாவது கிட்டத்தட்ட ஆறு மணி நேரமும் அவர் முன் பகுதிக்கு வரவே இல்லை. விமானம் தரையிறங்கிய பின்னர் விமான ஊழியர் கொடுத்த புகாரின் பேரில் டேவிட் கைது செய்யப்பட்டார். விமானப் பணியாளருக்கு முத்தம் கொடுத்தது மட்டுமல்லாமல் சில சாப்பாட்டுத் தட்டுக்களையும் உடைத்துள்ளார் டேவிட். எல்லாவற்றுக்கும் சேர்த்து அவர் மீது வழக்குத் தொடரப்பட்டது. பின்னர் அவர் ஜாமீனில் விடுவிக்கப்பட்டார்.

சமீபத்திய செய்திகள்

நல்லவன் வந்தா எரிச்சல்தானே வரும்.. இது பண்ணையார்களுக்கான கட்சி கிடையாது ப்ரோ.. விஜய் அதிரடி

விஜய் தமிழ்நாட்டின் நம்பிக்கை.. அடுத்த ஆண்டு ஆட்சியைப் பிடிப்பார்.. பிரஷாந்த் கிஷோர் பேச்சு

யார் பண்ணையார்?... விமர்சனங்களை அப்படியே திருப்பிப் போட்டு.. விஜய் கொடுத்த நச் பதில்!

பொய் சொல்லி தமிழ்நாட்டு மக்களுக்கு துரோகம் செய்கிறார் முதல்வர் ஸ்டாலின்.. உள்துறை அமைச்சர் அமித் ஷா

என்னை ஆஸ்தான பாடகியாக விஜய் அறிவிக்கட்டும்.. அப்புறம் பாருங்க.. கிடாக்குழி மாரியம்மாள் உற்சாகம்!

இனி என் செயல்பாடுகளும் கோட்பாடுகளும் தளபதி வழியில்.. தவெகவில் இணைந்த ரஞ்சனா நாச்சியார்!

தவெக ஆண்டு விழாவில் பிரசாந்த் கிஷோர்... இதை யாருமே எதிர்பார்க்கலியே... என்னவா இருக்கும்?

அனைத்துக் கட்சிக் கூட்டம்.. அதிமுக, தவெக, நாதக உள்பட 45 கட்சிகளுக்கு தமிழ்நாடு அரசு அழைப்பு!

தவெகவின் முதலாண்டு விழா கோலாகல தொடக்கம்.. பிரஷாந்த் கிஷோருடன் மேடை ஏறிய விஜய்

விமானப் பணியாளரை.. இழுத்துப் பிடித்து முத்தமிட்ட பயணி.. நடுவானில் அக்கப்போர்!

Comments

சமீபத்திய செய்திகள்

அதிகம் பார்க்கும் செய்திகள்