உறைய வைத்த அமெரிக்க துப்பாக்கிச் சூடு.. மாஜி ராணுவ அதிகாரியின் வெறி.. யார் இந்த ரிச்சர்ட் கார்ட்?

Oct 26, 2023,05:33 PM IST

லெவிஸ்டன், மெய்ன்: அமெரிக்காவின் மெய்ன் மாகாணத்தில் உள்ள லெவிஸ்டன் நகரில் நடந்த அதிர வைக்கும் துப்பாக்கிச் சூடு சம்பவத்தில் தொடர்புடைய ராபர்ட் கார்ட் குறித்த அதிர்ச்சிகரமான தகவல்கள் வெளியாகியுள்ளன.

40 வயதான ராபர்ட் கார்ட் என்பவர்தான் லெவிஸ்டன் துப்பாக்கிச் சூட்டுக்குக் காரணம் என்று காவல்துறை அறிவித்துள்ளது. அவர் தானியங்கித் துப்பாக்கியுடன் காணப்படும் காட்சி அடங்கிய புகைப்படத்தையும் அது வெளியிட்டுள்ளது. இவர் தொடர்ந்து பிடிபடாமல் இருப்பதால் பொதுமக்கள் வீடுகளை விட்டு வெளியே வர வேண்டாம் என்றும் காவல்துறை எச்சரித்துள்ளது.

ராபர்ட்டைப் பிடிக்க மிகப் பெரிய அளவிலான தேடுதல் வேட்டையை எப்பிஐ மற்றும் காவல்துறை மேற்கொண்டுள்ளன.

யார் இந்த ராபர்ட் கார்ட்?

போலீஸார் தேடி வரும் ராபர்ட் கார்ட், ராணுவத்தில் பணியாற்றிய அதிகாரி ஆவார். ஓய்வு பெற்று விட்ட அவருக்கு சமீப காலமாக மன நல பாதிப்பு ஏற்பட்டுள்ளது. தன்னிடம் யாரோ பேசுவதாக அடிக்கடி கூறுவாராம். காதில் வந்து ஏதோ சொல்வதாக அவர் கூறி வந்துள்ளார். மேலும் சாகோவில் உள்ள ராணுவப் பயிற்சி முகாமைத் தாக்கப் போவதாகவும் அடிக்கடி கூறி வந்துள்ளார்.

இதையடுத்து அவரை மன நல மருத்துவமனையில் அனுமதித்து 2 வார காலம் சிகிச்சையும் அளித்துள்ளனர். அங்கிருந்து வெளியே வந்த நிலையில்தான் இந்த துப்பாக்கிச் சூட்டில் இறங்கியுள்ளார் ராபர்ட் கார்ட். துப்பாக்கிச் சூடு சம்பவத்திற்குப் பிறகு வெள்ளை நிற சுபரு காரில் ஏறி அவர் தப்பிப் போயுள்ளார். இதுதொடர்பான புகைப்படங்களும் கிடைத்துள்ளன.

மெய்ன் மாகாணத்தில் உள்ள நகரம்தான் லெவிஸ்டன். இங்குதான் இந்த துப்பாக்கிச் சூடு சம்பவங்கள் நடந்துள்ளன. 22 பேர் உயிரிழந்துள்ளனர். ஏராளமான பேர் காயமடைந்துள்ளனர். ஒரு பவுலிங் மையத்தில்தான் முதலில் துப்பாக்கிச் சூடு நடந்துள்ளது. அடுத்து ஒரு ஹோட்டல் பாருக்குள் புகுந்து சுட்டுள்ளார்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

உறைய வைத்த அமெரிக்க துப்பாக்கிச் சூடு.. மாஜி ராணுவ அதிகாரியின் வெறி.. யார் இந்த ரிச்சர்ட் கார்ட்?

Comments

சமீபத்திய செய்திகள்

அதிகம் பார்க்கும் செய்திகள்