படிச்சவங்களுக்கு ஓட்டுப் போடுங்கன்னு சொன்ன வாத்தியார் டிஸ்மிஸ்!

Aug 18, 2023,09:40 AM IST

டெல்லி: படித்தவர்களுக்கு மட்டுமே வாக்களியுங்கள் என்று மாணவர்களுக்குப் போதித்த ஆசிரியரை வேலையை விட்டு நீக்கியுள்ளது அன்அகாடமி நிறுவனம்.

அன்அகாடமி என்பது நீட் உள்ளிட்ட பல்வேறு போட்டித் தேர்வுகளுக்கான கோச்சிங் கொடுக்கும் ஆன்லைன் கல்வி நிறுவனம் ஆகும். இதில் ஆசிரியராகப் பணியாற்றி வந்தவர் கரண் சங்வான். இவர் தான் வகுப்பு எடுத்தபோது அங்கிருந்த மாணவர்களிடம், தேர்தலின்போது படித்த , தகுதி வாய்ந்த வேட்பாளர்களுக்கு மட்டுமே வாக்களியுங்கள் என்று அறிவுரை கூறியதாக தெரிகிறது.

இதைத் தொடர்ந்து தற்போது சங்க்வானை வேலையை விட்டு நீக்கியுள்ளது அன்அகாடமி நிறுவனம். இதுதொடர்பாக அது வெளியிட்டுள்ள டிவீட்டில், தரமான கல்வியைக் கொண்டு சேர்க்க வேண்டும் என்பதை மட்டுமே நோக்கமாக கொண்ட கல்வி நிறுவனம் இது. இந்த இடத்தில் எங்களது அனைத்து போதனையாளர்களும் ஒழுங்கை கண்டிப்பாக கடைப்பிடிக்க வேண்டும் என்று விரும்புகிறோம். பயில வரும் மாணவர்களுக்கு பாரபட்சமில்லாத அறிவைப் புகட்ட வேண்டும் என்று விரும்புகிறோம்.

வகுப்பறை என்பது தனிப்பட்ட அரசியல் கருத்துக்களைப் பகிரும் இடம் இல்லை. அது மாணவர்களை தவறான பாதைக்கு இட்டுச் சென்று விடும். இந்த நிலையில், ஆசிரியர் கரண் சங்க்வானை அவரது விதிமுறை மீறலுக்காக நீக்கும் முடிவை எடுக்கும் நிலைக்கு நாங்கள் தள்ளப்பட்டுள்ளோம் என்பதைத் தெரிவித்துக் கொள்கிறோம் என்று கூறியுள்ளது.

கெஜ்ரிவால் கண்டனம்

அன்அகாடாமியின் இந்த செயலுக்கு டெல்லி முதல்வரும், ஆம் ஆத்மி தலைவருமான அரவிந்த் கெஜ்ரிவால் கண்டனம் தெரிவித்துள்ளார். படித்த வேட்பாளரை தேர்ந்தெடுங்க என்று சொல்வது குற்றச் செயலா என்றும் அவர் ஆச்சரியத்துடன் கேட்டுள்ளார்.

அன்அகாடமியின் செயலை பலரும் கூட கண்டித்து வருகின்றனர். வேட்பாளர்களுக்கு குறைந்தபட்ச தகுதியை நிர்ணயிக்க வேண்டும் என்று பலரும் குரல் கொடுத்து வரும் நிலையில் ஒரு ஆசிரியர், படித்த வேட்பாளரை தேர்வு பண்ணுங்க என்று கூறுவது எந்த வகையில் தவறானது என்றும் பலர் அன்அகாடமிக்கு கேள்வியை முன்வைத்துள்ளனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Deepavali Special Story: இப்பெல்லாம் யாருங்க துணி எடுத்து தைக்கிறாங்க.. நலிவடையும் சிறு டெய்லர்கள்!

உதயநிதி ஸ்டாலின் நிகழ்ச்சியில் தவறாக பாடப்பட்ட தமிழ்த்தாய் வாழ்த்து.. எல். முருகன் கேள்வி

மீண்டும் சர்ச்சை.. 3 முறை பாடப்பட்ட தமிழ்த்தாய் வாழ்த்து.. விளக்கமளித்த துணைமுதல்வர் உதயநிதி ஸ்டாலின

மதுரையில் இன்றும் இடி மின்னலுடன் வெளுத்தடுத்த கன மழை.. பகலே இருளாய் மாறிய அதிசயம்!

TVK Flag: 5 வருடத்திற்கு பட்டொளி வீசிப் பறக்கப் போகும்.. விக்கிரவாண்டியில் ஏற்றப்படும் தவெக கொடி!

எங்களுக்கு டைமெல்லாம் கிடையாது.. உணர்வுப்பூர்வமா வேலை பண்றோம்.. தவெக நிர்வாகிகள் அசத்தல்!

ஆரம்பமே அமர்க்களமா இருக்கே.. விஜய் கட்சியின் கட் அவுட்கள் ஒரு நல்ல தொடக்கம்.. செல்வப்பெருந்தகை

வி. சாலை எல்லையில்.. இரு கைகளையும் விரித்தபடி.. இதய வாசல் திறந்து வைத்து காத்திருப்பேன்.. விஜய்

Sprituality: வீட்டில் செல்வம் சேர.. விளக்கேற்றி வழிபடும்போது.. தவறாமல் இந்த மந்திரத்தை சொல்லுங்க!