Cooking.. இன்ஸ்டன்ட் பொடியில் இத்தனை சமையலா!

Aug 21, 2023,04:55 PM IST

- மீனா

"இன்ஸ்டன்ட்" என்ற பெயரை கேட்டாலே நமக்கு எல்லாம் சந்தோஷம்தான். ஏனென்றால் நம்முடைய வேலை நேரத்தை குறைத்து கண் இமைக்கும் நொடியில் சமையலை முடிப்பதற்கு இந்த இன்ஸ்டன்ட் நமக்கு உதவியாக இருக்கும்.ஒரு மிக்சை வைத்து பலவித சமையல் செய்ய முடியும் என்றால் நம்ப முடிகிறதா உங்களால்.

அட ஆமாங்க! இந்த இன்ஸ்டன்ட் மிக்ஸை நாம் ரெடி பண்ணி வைத்துக் கொண்டால் சீக்கிரம் சமையல் முடிக்க வேண்டிய கட்டாயம் உள்ள நேரத்தில் இது நமக்கு கைகொடுக்கும். அதுமட்டுமல்ல வீட்டிற்கு யாராவது திடீர் விருந்தாளிகள் வந்தால் கூட அய்யோ எதுவுமே வீட்ல இல்லையே ,என்ன செய்வது என்று பதற்றம டைய தேவையில்லை. இந்த மிக்ஸை வைத்து பலகாரங்களும் செய்து அவர்களுக்கு கொடுத்து அசத்தி விடலாம். அதுலயும் சமையல் சீக்கிரம் முடிக்க வேண்டும் என்றால் நமக்கு யாருக்கு தான் பிடிக்காது. அப்படி நம்ம சமையலை சீக்கிரம் முடிகிறதுக்கும் இந்த ஒரு மிக்ஸ் போதும்.

சமையலும் சீக்கிரம் முடியனும் அதே நேரத்தில் சத்தானதாகவும் இருக்கணும்னா அதுக்கு இந்த மிக்ஸ் போதும். இவ்வளவு விஷயங்கள் இருக்கிற ஒரு இன்ஸ்டன்ட் மிக்ஸ் இப்ப உங்களுக்கு சொல்ல போறேன். முதலில் இதற்கு தேவையான பொருள்கள்

துவரம் பருப்பு-1 கப்

கடலைப்பருப்பு-1 கப்

பாசிப்பருப்பு-3/4 கப்

உளுந்தம் பருப்பு-1கப்

அரிசி-1 கப்

காய்ந்த மிளகாய்-15

சீரகம்-2 ஸ்பூன்

வெந்தயம்-1/4 ஸ்பூன்

பெருங்காயம் பொடி-1 ஸ்பூன்

சுக்குப்பொடி-1 ஸ்பூன்

கருவேப்பிலை-சிறிதளவு

இதில் உள்ள பருப்புகள் அனைத்தையும் நிறம் மாறாமல் பாத்திரத்தில் போட்டு நன்கு வறுக்க வேண்டும் . பிறகு அரிசி சீரகம், வெந்தயம், கருவேப்பிலை போட்டு வறுத்த பிறகு அடுப்பை அணைத்துவிட்டு அதே பாத்திரத்திலேயே பெருங்காய பொடியையும் சேர்த்து கிளறி விட வேண்டும்.

வறுத்த இவையெல்லாம் நன்கு ஆறிய உடன் மிக்ஸி ஜாரில் போட்டு சுக்கு பொடி மற்றும் மூன்று ஸ்பூன் உப்பு சேர்த்து ரவை பதத்திற்கு அரைத்து எடுத்துக் கொள்ளவும் .இப்போது இன்ஸ்டன்ட் மிக்ஸ் ரெடி. இதை அப்படியே ஒரு வாரம் முழுவதும் வெளியில் வைக்கலாம், கெட்டுப் போகாது .மேலும் அதிகமாக செய்து வைத்துக் கொண்டால் அதை பிரிட்ஜில் ஸ்டோர் பண்ணி ஒரு மாதம் முழுவதும் வைத்து பயன்படுத்தலாம். இப்போது இதை வைத்து ஒரு ரெசிபி மட்டும் பார்க்கலாம்.

இந்த மிக்ஸி இரண்டு கப் அளவு மாவு எடுத்து அதை ஒரு பாத்திரத்தில் போட்டு சிறிது தண்ணீர் ஊற்றி கரைத்துக் கொள்ளவும். அதனுடன் சிறிது சோடா உப்பு, தேவைப்பட்டால் சிறிது உப்பு சேர்த்து 1/4 மணி நேரம் ஊற வைத்து விட்டால் போதும். இந்த மாவை எடுத்து இட்லி பாத்திரத்தில் ஊற்றி ஆவியில் வேக வைத்து எடுத்தால் ரவை இட்லி வடிவத்தில் நமக்கு காலை டிபன் இட்லி ரெடி .

இந்த பருப்புகளில் எல்லாம் அதிக புரோட்டின் இருப்பதினால் நமக்கு இது ஒரு சத்தானதாகவும் இருக்கும் .அதே நேரத்தில் அதிகப்படியான பருப்புகள் இருக்கும் பட்சத்தில் செரிமான பிரச்சனை வராமல் இருப்பதற்கு பெருங்காயம் மற்றும் சுக்கு பொடி இவற்றையும் நாம் பயன்படுத்தி செய்வதால் இதை தாராளமாக சாப்பிடலாம் .அதுவும் நாம் நினைத்த நேரத்தில் சீக்கிரம் செய்து சாப்பிடுவதற்கு இது மிகவும் பயனுள்ளதாக இருக்கும்.

இந்த மிக்ஸை வைத்து வேற என்ன செய்யலாம் என்பதை அடுத்த கட்டுரையில் பார்க்கலாம். அதுக்கு முன்னாடி இந்த மிக்ஸை ரெடி பண்ணி வைங்க.. போய்ட்டு வந்துர்றேன்!

சமீபத்திய செய்திகள்

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Drumsticks price.. என்னடா இது.. முருங்கைக்கு வந்த கிராக்கி.. விர் விலை உயர்வு.. இல்லத்தரசிகள் கவலை!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Cooking.. இன்ஸ்டன்ட் பொடியில் இத்தனை சமையலா!

Comments

சமீபத்திய செய்திகள்

அதிகம் பார்க்கும் செய்திகள்