சென்னை: இரண்டு மிகப்பெரிய ஸ்டார்கள் நடிப்பில் உருவான படங்களில் இடம் பெற்ற சின்ன சின்ன கண்கள் மற்றும் கேலண்டர் பாடல்கள் சோசியல் மீடியா முழுவதும் பட்டையை கிளப்பி வருகிறது. இந்த இரண்டு பாடல்களும் youtube இணையதளத்தில் முதல் இரண்டு இடங்களை பிடித்துள்ளதாம். இதனால் ரசிகர்கள் இதனை கொண்டாடி மகிழ்ந்து வருகின்றனர்.
அதை விட முக்கியம் இந்த இரண்டு பாடல்களையும் எழுதியவர் கபிலன் வைரமுத்து. தனது இரு பாடல்கள் ஒரு சேர உச்சத்தில் இருப்பதால் கபிலன் வைரமுத்துவும் பெரும் மகிழ்ச்சி அடைந்துள்ளார்.
தமிழ் சினிமாவில் தனது நடிப்பாலும், அன்பாலும் ரசிகர்களை கட்டிப்போடும் நடிகர் விஜய் தற்போது நடித்து வரும் கோட் படம் மற்றும் அடுத்து வரப்போகும் படத்துடன் சினிமா வாழ்க்கைக்கு முழுக்குப்போட உள்ளார். ஏனெனில் இவர் கடந்த பிப்ரவரி மாதம் இரண்டாம் தேதி தமிழக வெற்றிக் கழகம் என்ற கட்சியை தொடங்கி அதற்கான மேம்பாட்டுப் பணிகளை தீவிரமாக செய்து வருகிறார். இதனால் ரசிகர்கள் நடிகர் விஜய் நடிக்கும் கோட் படத்தின் வெளியிட்டிற்க்காக மிகவும் எதிர்பார்த்து காத்து வருகின்றனர்.
மேலும் ரசிகர்களையும் திருப்தி படுத்த அவ்வப்போது கோட் படத்தின் அப்டேட்டுகளையும் பட குழுவினர் வெளியிட்டு வருகின்றனர். அந்த வரிசையில் கடந்த சில மாதங்களுக்கு முன்பு கோட் படத்தின் முதல் பாடல் வெளியிடப்பட்டது. இது மக்களிடையே நல்ல வரவேற்பை பெற்றது. இதனைத் தொடர்ந்து சமீபத்தில் சின்ன சின்ன கண்கள் என்ற இரண்டாவது பாடல் வெளியானது. இந்தப் பாடலில் ஏ ஐ என சொல்லக்கூடிய செயற்கை நுண்ணறிவு மூலம் மறைந்த பவதாரணியின் குரல் பயன்படுத்தப்பட்டது.
நடிகர் விஜயின் நடிப்பில் யுவன் சங்கர் ராஜா இசையில் பவதாரணி மற்றும் விஜய் குரலில் இப்பாடல் மிகப்பெரிய வரவேற்பு பெற்றுள்ளது. ஏனெனில் தொடர்ந்து ராப் போன்ற பாடல்களை கேட்டு கேட்டு, தற்போது 90ஸ் கிட்ஸ்களுக்கு பிடித்தது போல் மனதை வருடக்கூடிய, இதமான பாடல் என்று சின்ன சின்ன கண்கள் பாடலை ரசிகர்கள் கொண்டாடி மகிழ்ந்து வருகின்றனர். நீண்ட நாட்களுக்குப் பிறகு பழைய ஞாபகங்களை நினைவுபடுத்தும் விதமாக இப்பாடல் அமைந்துள்ளதாக கருத்து தெரிவித்தும் வருகின்றனர்.
இந்தியன் 2 படம்:
கடந்த 28 வருடங்களுக்கு முன்பு ஷங்கர் இயக்கத்தில் உலகநாயகன் கமல் நடித்த இந்தியன் படம் மக்களிடையே பேராதரவை பெற்றது. இப்படத்தை இன்று பார்த்தால் கூட சலிக்கவே சலிக்காது.அந்த அளவிற்கு இப்படத்தின் கதைக்களம், வசனம், கமலுடைய மேக்கப் நடிப்பு போன்றவை பட்டைய கிளப்பியது. அதேபோல் தற்போது மீண்டும் ஷங்கர் இயக்கத்தில் கமல் நடிக்கும் இந்தியன் 2 படம் வரும் ஜூலை 12ஆம் தேதி வெளியாக உள்ள நிலையில், இந்தியன் படத்தைப் போன்றே இப்படமும் மிகப்பெரிய வரவேற்பு பெரும் என ரசிகர்களிடையே எக்கச்சக்க எதிர்பார்ப்பு எகிறி உள்ளது.
இந்த நிலையில் தான் நேற்று அனிருத் இசையில் இந்தியன் 2 படத்தில் கேலண்டர் என்ற பாடல் வெளியானது. இதில் முன்னாள் அழகி டெமி நடனமாடி இருக்கிறார். இப்பாடல் வெளியாகி தற்போது சோசியல் மீடியா முழுவதும் பட்டையை கிளப்பிக் கொண்டு வருகிறது. பாடலை படமாக்கப்பட்ட விதம் சும்மா மாஸ் என ரசிகர்கள் கருத்து தெரிவித்து வருகின்றனர்.
இந்த நிலையில் யுவன் சங்கர் ராஜா இசையில் சின்ன சின்ன கண்கள் பாடலும், அனிருத் இசையில் கேலண்டர் பாடலும் youtube இணைய தளத்தில் உலக அளவில் சக்கை போடு போட்டு வருகிறது. மேலும் சோசியல் மீடியாவில் இந்த இரண்டு பாடல்களும் முதல் இரண்டு இடத்தை பிடித்து வைரலாகி வருகிறதாம்.
எழுத்தாளரும் பாடலாசிரியருமான கபிலன் வைரமுத்து தான் இந்த இரண்டு பாடல்களையும் எழுதியவர். இவர் இந்தியன் 2 திரைப்படத்தில் வசனமும் எழுதி இருக்கிறார் என்பது குறிப்பிடத்தக்கது.
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
தமிழாசிரியர் பணி.. இந்தி, சமஸ்கிருதம் எப்படி விரும்பத்தக்க தகுதியாக முடியும்?... சு.வெங்கடேசன்
என்னா சேட்டை பாருங்க.. சத்துணவு முட்டையை வைத்து ஆம்லேட் போட்ட திருச்சி ஹோட்டல்!
{{comments.comment}}