சகோதரர் சீமான்.. பிறந்த நாள் வாழ்த்துகள் கூறி நாம் தமிழர் கட்சிக்கு சர்ப்ரைஸ் கொடுத்த விஜய்!

Nov 08, 2024,05:54 PM IST

சென்னை: நாம் தமிழர் கட்சியின் தலைமை ஒருங்கிணைப்பாளர் சீமானுக்கு பிறந்த நாள் வாழ்த்துகள் கூறி அக்கட்சியினரை நெகிழ வைத்துள்ளார் தமிழக வெற்றிக் கழகம் கட்சியின் தலைவர் விஜய். இந்த வாழ்த்துச் செய்தியை தவெக கட்சியினரும் கொண்டாடி மகிழ்கின்றனர்.

நாம் தமிழர் கட்சி தலைவர் சீமான், விஜய்யை வாய்க்கு வாய் தம்பி தம்பி என்று கூறி வந்தார். இதெல்லாம் தவெக கட்சியின் மாநில மாநாடு நடக்கும் வரைக்கும்தான். அந்த மாநாட்டில் விஜய் பேசிய பேச்சுக்குப் பிறகு நாம் தமிழர் கட்சியினரின் போக்கே மாறி விட்டது. குறிப்பாக சென்னையில் நடந்த தமிழ்நாடு நாள் கூட்டத்தில் சீமான் பேசியது அனைவரையும் அதிர வைத்து விட்டது.

விஜய்யை கடுமையாக விமர்சனம் செய்து அதில் பேசியிருந்தார் சீமான். குறிப்பாக ஒன்னு அந்தப் பக்கம் நில்லு. இல்லைன்னா இந்தப் பக்கம் நில்லு. நடு ரோட்டுல நின்னா லாரி அடிச்சு செத்துப் போய்ருவே என்று அவர் பேசியது பலரையும் அதிர்ச்சிக்குள்ளாக்கியது. இருப்பினும் சீமான் உள்பட யார் நம்மை விமர்சித்தாலும் அவர்களை தரக்குறைவாக விமர்சிக்கக் கூடாது. ஆதாரத்துடன் மட்டுமே நமது பதில்களை வைக்க வேண்டும் என்று விஜய் உத்தரவிட்டதால் சீமானை அநாகரீகமாக விமர்சிக்காமல் தவெகவினர் தவிர்த்து வருகின்றனர்.

இந்த நிலையில் சீமான் இன்று தனது பிறந்தநாளைக் கொண்டாடுகிறார். இதையொட்டி பல்வேறு தலைவர்களும் அவருக்கு வாழ்த்து தெரிவித்து வருகின்றனர். அந்த வகையில் விஜய்யும் வாழ்த்து தெரிவித்துள்ளார். இதுதொடர்பாக அவர் விடுத்துள்ள வாழ்த்துச் செய்தியில், நாம் தமிழர் கட்சியின் தலைமை ஒருங்கிணைப்பாளர் சகோதரர் திரு.சீமான் அவர்களுக்கு இனிய பிறந்தநாள் நல்வாழ்த்துகளைத் தெரிவித்துக்கொள்கிறேன் என்று விஜய் வாழ்த்தியுள்ளார்.

அவரது வாழ்த்துச் செய்தியை தவெகவினர் கொண்டாடி வருகின்றனர். மேன்மக்கள் எந்நாளும் மேன்மக்களே, தலைவன் எப்பவும் தங்கம் தான் டா, இன்னாசெய் தாரை ஒறுத்தல் அவர்நாண நன்னயஞ் செய்து விடல் என்பது உள்பட பல்வேறு கருத்துக்களை விஜய் கட்சித் தொண்டர்கள் பகிர்ந்து வருகின்னர். அதேசமயம், ரொம்ப நல்லவரா இருக்காதிங்க அண்ணா என்ற கமெண்ட்டையும் பார்க்க முடிந்தது.

செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

சகோதரர் சீமான்.. பிறந்த நாள் வாழ்த்துகள் கூறி நாம் தமிழர் கட்சிக்கு சர்ப்ரைஸ் கொடுத்த விஜய்!

Comments

சமீபத்திய செய்திகள்

அதிகம் பார்க்கும் செய்திகள்