மீண்டும் பாஜகவில் திருச்சி சூர்யா.. சஸ்பென்ஷனை ரத்து செய்தார் அண்ணாமலை!
சென்னை: திருச்சி சூர்யா சிவா மீதான சஸ்பெண்ட் நடவடிக்கையை ரத்து செய்துள்ளார் தமிழ்நாடு பாஜக தலைவர் அண்ணாமலை.
திமுக எம்.பி. திருச்சி சிவாவின் மகன்தான் சூர்யா சிவா. இவர் திமுகவிலிருந்து விலகி அண்ணாமலை முன்னிலையில் பாஜகவில் இணைந்தார். இணைந்தது முதல் அதிரடியாக செயல்பட்டு வந்தார். டிவி விவாதங்களில் பங்கேற்பது, பேட்டிகள் தருவது, சமூக வலைதளங்களில் களமாடுவது என தீவிரமாக செயல்பட்டு வந்தார்.
இந்த நிலையில், கடந்த ஆண்டு 24ம் தேதி இவரை கட்சியின் அனைத்துப் பொறுப்புகளிலிருந்தும் ஆறு மாதத்திற்கு நீக்கி வைத்து மாநிலத் தலைவர் அண்ணாமலை உத்தரவிட்டார். கட்சியின் சிறுபான்மைப் பிரிவு தலைவர் டெய்சிக்கும், இவருக்கும் இடையே ஏற்பட்ட வாய்ச்சண்டை தொடர்பான ஆடியோ வெளியாகி பெரும் பரபரப்பை ஏற்படுத்தியதால் திருச்சி சிவா மீது நடவடிக்கை எடுக்கப்பட்டது.
இந்த நிலையில் அவர் அதிமுகவுக்கு போகப் போவதாக செய்திகள் வெளியாகின. இந்தப் பின்னணியில் தற்போது திடீரென சிவாவின் சஸ்பெண்ட் நடவடிக்கையை பாஜக தலைவர் அண்ணாமலை ரத்து செய்துள்ளார். இதுதொடர்பாக அவர் விடுத்துள்ள அறிக்கையில், சூர்யாசிவா அவர்கள் கட்சியின் ஒழுங்கு நடவடிக்கைக்கு உட்பட்டதால், ஒழுங்கு நடவடிக்கை குழுவானது விசாரணை செய்து அறிக்கை சமர்ப்பித்ததின் அடைப்படையில் 24.11.2022 முதல் கட்சியின் அனைத்து பொறுப்புகளில் இருந்தும் 6 மாத காலத்திற்கு நீக்கம் செய்யப்பட்டிருந்தார்.
அவருடைய வேண்டுகோளுக்கிணங்க திரு. சூர்யாசிவா அவர்கள், தான் வகித்து வந்த பதவியில் மீண்டும் தொடருமாறு அறிவுறுத்தப்படுகிறார். தங்களுடைய பணி சிறக்க வாழ்த்துக்கள் என்று கூறியுள்ளார் அண்ணாமலை.
இதன் மூலம் சூர்யா சிவா, அதிமுகவுக்குப் போவது தடுக்கப்பட்டிருப்பதாக கூறப்படுகிறது.
சமீபத்திய செய்திகள்
கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!
'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!
தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
{{comments.comment}}