ஸ்ரீரங்கம் கோவில் பார்க்கிங் அருகே.. ஓட ஓட விரட்டி வெட்டிக் கொல்லப்பட்ட ரவுடி அன்பு!
திருச்சி: ஸ்ரீரங்கம் கோவில் பார்க்கிங் பகுதியில் பிரபல ரவுடி அன்பு என்பவரை, ஆறு பேர் கொண்ட கும்பல் ஓட ஓட விரட்டி கொலை செய்த சம்பவம் பக்தர்களிடையே பெரும் அதிர்ச்சியை ஏற்படுத்தி உள்ளது.
திருச்சி ஸ்ரீரங்கம் லட்சுமி நகர் பகுதியை சேர்ந்த அன்பு என்பவர் பிரபல ரவுடி திலீபின் கூட்டாளி என கூறப்படுகிறது. இவர் மீது பல்வேறு வழக்குகள் நிலுவையில் உள்ளது.
பிரபல ரவுடி அன்பு ஸ்ரீரங்கம் மேலூர் பகுதியில் உள்ள ஜிம்மிற்கு தினமும் செல்வதை வழக்கமாகக் கொண்டுள்ளார். அதன்படியே இன்றைய தினம் ஜிம்மிற்கு சென்று விட்டு, மீண்டும் வீட்டிற்கு திரும்பி வந்து கொண்டிருந்தார். அப்போது ஸ்ரீரங்கம் கோவில் பார்க்கிங் பகுதியில் ஆறு பேர் கொண்ட கும்பல் அவரை வழி மறைத்தனர்.
அவர்களை அடையாளம் கண்டு கொண்டு அதிர்ச்சி அடைந்த அன்பு தன்னைக் கொல்ல ஸ்கெட்ச் போட்டு விட்டதை அறிந்து சுதாரித்து அங்கிருந்து ஓட்டம் பிடித்தார். ஆனால் அந்தக் கும்பல் விடவில்லை, அன்புவைத் துரத்தினர். ஒரு கட்டத்தில் அன்புவால் ஓட முடியவில்லை. அந்தக் கும்பல் அவரை மடக்கி விட்டது. பின்னர் சரமாரியாக அரிவாளால் வெட்டி படுகொலை செய்தனர். சம்பவ இடத்திலேயே அன்பு பிணமானார்.
இதனை அறிந்த போலீசார் சம்பவ இடத்திற்கு விரைந்து வந்து உடலைக் கைப்பற்றி பரிசோதனைக்காக அரசு மருத்துவமனைக்கு அனுப்பி வைத்தனர். இதைத் தொடர்ந்து திருச்சி அரசு மருத்துவமனை முன்பாக உறவினர்கள் சாலை மறியலில் ஈடுபட்டனர் .இதனால் அப்பகுதியில் பரபரப்பு நிலவியது. இதனையடுத்து போலீசார் வழக்கு பதிவு செய்து கொலைக்கான காரணம் குறித்து தீவிர விசாரணை மேற்கொண்டு வருகின்றனர்.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
யுஜிசி வரைவு நெறிமுறைகளை திரும்பப் பெறக் கோரி.. டெல்லியில் பிப். 6ம் தேதி திமுக போராட்டம்!
பனையூரில் வெளியான த.வெ.கவின் 2வது மா.செக்கள் லிஸ்ட்.. விஜய் சொன்ன அந்த ஒற்றை வார்த்தை!
21 ஆண்டுக்கு பிறகு தமிழகம் வரும் ஜெயலலிதா நகைகள்.. பெட்டியோடு வாங்க.. பெங்களூர் கோர்ட் உத்தரவு!
தினம் ஒரு கவிதை.. காலத்தின் குரல் .. அன்றும் இன்றும்!
இடையில் கொஞ்சம் காணாமல் போன ஆதவ் அர்ஜூனா.. தேர்தல் உத்தி வகுப்பாளராக.. விஜய்யுடன் இணைகிறாரா?
மகா கும்பமேளா கூட்ட நெரிசலில் சிக்கி உயிரிழந்தோருக்கு பிரதமர் நரேந்திர மோடி இரங்கல்!
அரைக்கீரை புளி கடையல் .. சத்தானது, சுவையானது.. கர்ப்பிணிகளுக்கு மிக மிக உகந்தது!
ஈசிஆர் சாலையில்.. காரில் பெண்களை அச்சுறுத்தும் வகையில் துரத்திய இளைஞர்கள்.. காரணம் இதுதானாம்!
Gold rate.. மீண்டும் புதிய உச்சத்தில் தங்கம் விலை... இன்று எவ்வளவு உயர்வு தெரியுமா?
{{comments.comment}}