கண்ணீரை வரவழைக்கும் தக்காளி விலை.. ரூ.250ஐ தாண்டிருச்சு!

Aug 04, 2023,12:54 PM IST

டெல்லி : தக்காளி விலை ரூ. 250 ஐத் தொட்டு விட்டதால் மக்கள் அதிர்ச்சி அடைந்துள்ளனர். என்ன சமைப்பது என்று தெரியாமல் அப்படியே அதிர்ச்சியில் சமைந்து போயுள்ளனர்.

தக்காளி விலை நாடு முழுவதும் நாளுக்கு நாள் அதிகரித்து கொண்டே செல்கிறது. கடந்த ஒரு மாதத்திற்கு மேலாக தக்காளி விலை தொடர்ந்து உச்சத்திலேயே இருந்து வருகிறது. தக்காளி விலை ஏற்றத்தை பார்த்து அதற்கு "சிவப்பு தங்கம்" என்றே பெயர் வைத்து விட்டனர்.

பெட்ரோல், டீசல் விலையை தாண்டி, தற்போது தங்கத்துடன் போட்டி போடும் அளவிற்கு தான் தக்காளி விலை சென்று கொண்டிருக்கிறது. தலைநகர் டில்லியின் பல பகுதிகளில் ஒரு கிலோ தக்காளியின் விலை ரூ.250 யும் கடந்து விட்டது. இன்னும் இரண்டு வாரங்களுக்கு இதே ரேஞ்சில் தான் இருக்கும் என சந்தை வட்டாரங்கள் தெரிவிக்கின்றன. தக்காளி விலையை கட்டுப்படுத்த மத்திய அரசு ஒரு புறம் நடவடிக்கை எடுத்து வந்தாலும், மற்றொரு புறம் டில்லியில் கூட்டுறவு விற்பனை நிலையங்கள் மூலம் குறைந்த விலைக்கு தக்காளி விற்பனை செய்ய ஏற்பாடு செய்யப்பட்டுள்ளது.

தக்காளி விலை குறையாமல் தொடர்ந்து உச்சத்திலேயே இருந்து வருவதற்கு பல காரணங்கள் சொல்லப்படுகின்றன. குறிப்பாக அரியானா மற்றும் இமாச்சல பிரதேசத்தில் பெய்த தொடர் கனமழை, கோலாரில் செடிகளில் புதிய நோய் பரவுவது போன்றவற்றால் தக்காளி விளைச்சல் மிக கடுமையாக பாதிக்கப்பட்டுள்ளது. இதனால் தான் விலை குறையாமல் இருந்து வருவதாக சொல்லப்படுகிறது.

மத்திய அரசின் வாடிக்கையாளர் விகாரங்களுக்கான அமைச்சகம் கண்காணித்த விலை ஏற்றத்தின் அடிப்படையில் நாடு முழுவதும் தக்காளி உள்ளிட்ட 22 அத்தியாவசிய பொருட்களின் விலை மிக கடுமையாக உயர்ந்துள்ளது. இந்த பொருட்களில் உச்சத்தில் இருப்பது தக்காளி விலை தான் என சொல்லப்படுகிறது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?