ஆயிரக்கணக்கில் "மம்மி ஆட்டுத் தலைகள்".. கோவிலுக்குள் புதையுண்டிருந்த அதிசயம்!

Mar 27, 2023,04:58 PM IST

கெய்ரோ: எகிப்து நாட்டின் அபிடோஸ் என்ற நகரில் உள்ள ஒரு பழமையான கோவிலுக்குள் நடந்த அகழ்வாராய்ச்சியின்போது ஆயிரக்கணக்கான ஆட்டுத் தலைகள் புதையுண்டிருந்தது கண்டுபிடிக்கப்பட்டுள்ளது. அனைத்து ஆடுகளும் உடல் பதப்படுத்தப்பட்ட "மம்மி"களாக இருக்கின்றன

கிட்டத்தட்ட 2000 மம்மி ஆட்டுத் தலைகள் கண்டுபிடிக்கப்பட்டுள்ளன. 2ம் ராம்சேஸ் பாரோ மன்னர் ஆட்சிக்காலத்தில் கோவிலுக்கு நேர்த்திக்கடனாக கொடுக்கப்பட்ட ஆடுகளாக இவை இருக்கலாம் என்று தெரிகிறது.

ஆடுகள் மட்டுமல்லாமல், நாய்கள், பசுக்கள், குரங்குகள் என்று பல்வேறு வகையான விலங்குகளின் தலைகளும் மம்மியாக இங்கு காட்சி தருகின்றன. அமெரிக்காவின் நியூயார்க் பல்கலைக்கழக ஆய்வுக் குழுவின் ஆய்வின்போது இவை கண்டுபிடிக்கப்பட்டன. அபிடோஸ் நகரில் ஏராளமான புராதனக் கோவில்கள், சமாதிகள் உள்ளன என்பது குறிப்பிடத்தக்கது.

இதுகுறித்து அமெரிக்கக் குழுவின் தலைவரான சமே இஸ்கந்தர் கூறுகையில், இந்த விலங்குகள் எல்லாம் கோவிலுக்குக் காணிக்கையாக பலியிடப்பட்டவையாகும். 2ம் ராம்சேஸ் மன்னர் எகிப்தை கிட்டத்தட்ட 70 ஆண்டுகள் ஆட்சி புரிந்ததாக வரலாறு கூறுகிறது. அவரது காலமானது கிமு 1304 முதல் 1237 ஆகும். புதிய கண்டுபிடிப்பு மூலம் இந்தக் கோவிலின் வரலாறு மன்னர் ராம்சேஸின் ஆட்சி முறை குறித்து மேலும் பல புதிய தகவல்கள் கிடைக்கும் வாய்ப்பு கிடைத்துள்ளது என்றார் அவர்.

இதற்கிடையே, இதே பகுதியில் 4000 ஆண்டுகளுக்கு முந்தைய பழங்கால அரண்மனையின் சுவர் ஒன்றும் கண்டுபிடிக்கப்பட்டுள்ளது. அந்த சுவரின் அடர்த்தியானது 15 அடியாக உள்ளது. இதுதவிர ஏராளான புராதன சிலைகள், தோல் ஆடைகள், காலணிகள், பழங்கால மரங்களின் மிச்சங்களும் கிடைத்துள்ளன.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!