லியோ ஃபீவர் ஓவர்.. அடுத்து "தளபதி 68".. பாங்காக் பறப்பட்டார் விஜய்!
சென்னை: வெங்கட் பிரபு இயக்கத்தில் தளபதி 68வது படத்தின் படப்பிடிப்புக்காக பாங்காக் புறப்பட்டுச் சென்றார் நடிகர் விஜய்.
விஜய்யின் லியோ படம் ஏகப்பட்ட தட்டுமுட்டு சிக்கல்களுக்கு மத்தியில் வெளியாகி ஒரு வழியாக வசூலையும் வாரிக் குவித்து விட்டு.. விஜய்யும் பட வெற்றி விழாவை தடபுடலாக முடித்து விட்டார். இப்போது அடுத்த வேலையில் அவர் மும்முரமாகியுள்ளார்.
வெங்கட் பிரபு இயக்கத்தில் ஏஜிஎஸ் நிறுவனம் தயாரிக்கும் தளபதி 68 படத்தின் வேலைகளில் தற்போது விஜய் பிசியாகி விட்டார். இந்தப் படத்துக்கு யுவன் ஷங்கர் ராஜா இசையமைக்கிறார். விஜய் நடிக்கும் 68வது படத்திற்கு தற்காலிகமாக தளபதி 68 என்று பெயரிடப்பட்டுள்ளது.
தளபதி 68 படத்திற்கு விஜயதசமி அன்று பூஜை போடப்பட்டது. இப்படத்தில் பிரசாந்த், மோகன், பிரபுதேவா, சினேகா, லைலா, ஜெயராம், மீனாட்சி செளத்ரி, யோகி பாபு, அஜ்மல், வைபவ், பிரேம்ஜி, அரவிந்த் ஆகாஷ் உள்ளிட்டோர் முக்கிய கதாபாத்திரங்களில் நடிக்கின்றனர்.
இப்படத்தின் கிராபிக்ஸ் பணிகளுக்காக விஜய், வெங்கட் பிரபு உள்ளிட்ட படக்குழு ஏற்கனவே அமெரிக்கா சென்றிருந்தனர் என்பது குறிப்பிடத்தக்கது. இந்த படத்தின் படப்பிடிப்பு வெளிநாட்டில் நடைபெறுகிறது. ஏற்கனவே தளபதி 68 படக்குழுவினர் கடந்த 31ம் தேதி பாங்காக் சென்றனர். லியோ படத்தின் வெற்றி விழா கொண்டாட்டத்திற்காக விஜய் போகவில்லை.
நேற்று முன்தினம் சென்னையில் லியோ படத்தின் வெற்றி விழா சென்னை நேரு உள்விளையாட்டு அரங்கத்தில் பிரம்மாண்டமாக நடந்து முடிந்தது. இதனையடுத்து இன்று அதிகாலை தளபதி 68 படத்தின் படப்பிடிப்பிற்காக சென்னையில் இருந்து விமானம் மூலம் பாங்காக் புறப்பட்டார் விஜய்.
தாய்லாந்து தலைநகர் பாங்காக்கில் படத்தின் முக்கிய காட்சிகள் அங்கு படமாக்கப்பட உள்ளதாக தகவல்கள் தெரிவிக்கின்றன.
சமீபத்திய செய்திகள்
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!
ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
.jpg)
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
.jpg)
{{comments.comment}}