சென்னை: தமிழ்நாட்டில் இன்று அதிகபட்சமாக வெப்பநிலை 100 முதல் 104 டிகிரி வரை அதிகரிக்கும் என தமிழ்நாடு வெதர்மேன் பிரதீப் ஜான் எச்சரிக்கை விடுத்துள்ளார்.
அதேபோல் தமிழ்நாட்டில் 10 மாவட்டங்களில் இன்று முதல் ஐந்து நாட்களுக்கு வெயில் சதத்தை தாண்டும் என்று டெல்டா வெதர்மேன் ஹேமச்சந்தரும் எச்சரிக்கை விடுத்துள்ளார்.
தமிழ்நாட்டில் கடந்த மார்ச் மாத தொடக்கத்திலேயே கோடை காலம் துவங்கி வெயிலின் தாக்கம் நாளுக்கு நாள் அதிகரித்து வந்தது. இதனைத் தொடர்ந்து மத்தியில் தமிழக முழுவதும் பரவலாக மழை பெய்தது. இதனால் குளுமையான சூழல் நிலவியது. தற்போது மார்ச் இறுதிக் கட்டத்தில் மீண்டும் வெயில் அதிகரிக்க தொடங்கியுள்ளது. அதே சமயத்தில் மதிய வேலைகளில் வெப்ப அலையும் வீசுவதால் புழுக்கம் அதிகரித்துள்ளது. இதனால் மக்கள் வெளியே செல்ல முடியாமல் கடும் சிரமத்தை சந்தித்து வருகின்றனர்.
இந்த நிலையில் தமிழ்நாட்டில் இன்று அதிகபட்சமாக 104 டிகிரி வரை வெப்பநிலை அதிகரிக்கும் என தமிழ்நாடு வெதர்மேன் பிரதீப் ஜான் அறிவிப்பை வெளியிட்டுள்ளார். அதன்படி, ஆந்திர கடற்கரைக்கு அருகிலுள்ள வடக்கு மாவட்டங்களான வேலூர்,ராணிப்பேட்டை,திருவள்ளூர், காஞ்சிபுரம் ஆகிய பகுதிகளில் இன்று வெப்பமான நாளாக இருக்கும். கடலிலிருந்து வெகு தொலைவில் உள்ள சென்னையின் உட்புறப் பகுதிகளும் கொந்தளிப்பாக இருக்கும்.
இதனால் சென்னை, செங்கல்பட்டு, காஞ்சிபுரம், திருவள்ளூர், ஆகிய மாவட்டங்களில் வெயில் 100 டிகிரி ஃபாரன்ஹீட்டை தாண்டும் என எதிர்பார்க்கப்படுகிறது. சென்னையில் கடலோரப் பகுதிகளை தவிர மற்ற பகுதிகளில் வெயிலின் தாக்கம் அதிகமாக இருக்கும்.
குறிப்பாக வேலூரில் இன்றோ அல்லது நாளையோ வெயில் 104° பாரன்ஹீட் வரை பதிவாகும். மதுரை, சேலம், ஈரோடு, கரூர், ஆகிய நான்கு மாவட்டங்களில் வெப்பநிலை 100 முதல் 102 டிகிரி பாரன்ஹீட் வரை பதிவாகும்.
திருச்சி மற்றும் கோவையில் வெப்பநிலை 99 டிகிரி ஃபாரன்ஹீட் வரை பதிவாகலாம் என கூறியுள்ளார்.
அதேபோல் தமிழ்நாட்டில் 10 மாவட்டங்களில் இன்று முதல் ஐந்து நாட்களுக்கு வெயில் சதத்தை தாண்டும் எனவும் டெல்டா வெதர்மேன் ஹேமச்சந்தர் தெரிவித்துள்ளார்.
கச்சத்தீவை மீட்க வேண்டும்.. முதல்வர். மு.க.ஸ்டாலின் தனி தீர்மானம்.. ஒரு மனதாக நிறைவேற்றம்!
அடுத்தடுத்த என்கவுண்டர்.. அதிரடி காட்டும் தமிழ்நாடு போலீஸ்.. பதற்றத்தில் கிரிமினல்கள்!
பாகிஸ்தான் ஜனாதிபதி ஆசிப் அலி சர்தாரி உடல் நலம் பாதிப்பு.. கராச்சி மருத்துவமனையில் அனுமதி
கோடை காலத்தை முன்னிட்டு.. சென்னையிலிருந்து.. 206 சிறப்பு விமானங்கள் இயக்கம்..!
சுற்றுலா பயணிகளின் பாதுகாப்பு கருதி..ஏற்காடு பகுதிகளில் கேம்ப் ஃபயருக்கு தடை..!
மகனுங்களா.. இப்படியே வம்பு பண்ணிட்டிருந்தீங்கன்னா.. வச்சார் பாருங்க நித்தியானந்தா ஆப்பு!
தமிழ்நாடு பாஜக தலைவராக அண்ணாமலையே தொடர வேண்டும்.. கருத்துக் கணிப்பில் பலரும் ஆதரவு!
எச்சரிக்கும் கண் மருத்துவர்கள்.. மெட்ராஸ் ஐ பாதிப்பு.. வழக்கத்தை விட 20 சதவீதம் அதிகரிப்பு..!
அதிர்ச்சி ரிப்போர்ட்.. பெங்களூரில்.. ஐஸ்கிரீம், குளிர்பானத்தில் கலப்படம் செய்யப்படுவதாக புகார்..!
{{comments.comment}}