இ.ந்.தி.யா கூட்டணியில் மீண்டும் உரசல்.. காங்கிரஸ் - ஆம் ஆத்மி இடையே மோதல்!

Aug 05, 2023,10:31 AM IST

டெல்லி : எதிர்க்கட்சிகள் ஒன்று சேர்ந்து அமைத்துள்ள இ-ந்-தி-யா கூட்டணி ஆரம்பித்த 2 மாதங்களுக்குள் புதிய சிக்கலைச் சந்தித்துள்ளது. காங்கிரஸ் - ஆம் ஆத்மி இடையே பூசல் வெடித்துள்ளது.

பாஜக.,வை எதிர்ப்பதற்காக தேசிய அளவிலான எதிர்க்கட்சிகள் ஒன்று சேர்ந்து இ-ந்-தி-யா என்ற பெயரில் கூட்டணியை உருக்கி உள்ளன. டில்லி அவசர சட்ட விவகாரம் தொடர்பாக ஜூன் மாதம் பாட்னாவில் நடந்த எதிர்க்கட்சிகளின் முதல் ஆலோசனை கூட்டத்திலேயே காங்கிரஸ் - ஆம் ஆத்மி கட்சிகளுக்கு இடையே முட்டிக் கொண்டது. பிறகு மம்தா பானர்ஜி உள்ளிட்ட மற்ற கட்சி தலைவர்கள் தலையிட்டு சமாதானம் செய்து வைத்தனர்.

நீண்ட யோசனை, இழுபறிக்கு பிறகு தான் டெல்லி அவசர சட்ட விவகாரத்தில் ஆம்ஆத்மிக்கு ஆதரவு தர காங்கிரஸ் ஒப்புக் கொண்டது. இந்நிலையில் தற்போது மொகல்லா கிளினிக் விவகாரத்தில் இரு கட்சிகள் இடையே மோதல் போக்கு ஏற்பட்டுள்ளது.

மொகல்லா கிளினிக் எனப்படும் ஆரம்ப சுகாதார மையங்களில் மக்களுக்கு இலவசமாக மருத்துவ பரிசோதனை, சிகிச்சை ஆகியவை வழங்கப்பட்டு வருகின்றன. இது டில்லி, பஞ்சாப் உள்ளிட்ட மாநிலங்களில் இயங்கி வருகிறது. சமீபத்தில் டில்லி சென்ற கர்நாடக சுகாதாரத்துறை அமைச்சர் தினேஷ் குண்டு ராவ், டில்லியில் உள்ள மொகல்லா கிளினிக்குகளை பார்வையிட்டார்.

இந்த போட்டோக்களை தன்னுடைய ட்விட்டர் பக்கத்தில் பகிர்ந்த டில்லி முதல்வர் அரவிந்த் கெஜ்ரிவால், டில்லி மொகல்லா கிளினிக்கை பார்வையிட வந்த கர்நாடக அமைச்சரை வரவேற்கிறேன். இரு அரசுகளும் ஒருவரிடம் இருந்து மற்றவர் கற்றுக் கொள்ள வேண்டும். கர்நாடகா அரசிடம் இருந்து டில்லியும் கற்றுக் கொள்ளும் என குறிப்பிட்டிருந்தார்.

இந்நிலையில் டில்லி சென்று திரும்பிய கர்நாடக அமைச்சர் தினேஷ் குண்டு ராவ், சுகாதார திட்டங்களை எப்படி செயல்படுத்துகிறார்கள் என்பதை தெரிந்து கொள்ளும் ஆர்வத்துடன் டில்லி மொகல்லா கிளினிக்வை பார்வையிட சென்றிருந்தேன். ஆனால் அது எனக்கு ஏமாற்றமளிக்கிறது. இதை விட அதிகமான வசதிகள் கர்நாடகாவில் நாங்கள் மக்களுக்காக செய்திருக்கிறோம் என குறிப்பிட்டிருந்தார். இதனால் ஆம்ஆத்மி - காங்கிரஸ் இடையே மீண்டும் மோதல் ஏற்பட்டுள்ளது.

ஏற்கனவே மம்தா பானர்ஜி, டில்லி அவசர சட்ட விவகாரத்தில் எதிர்க்கட்சிகள் குறித்து அமித்ஷா பேசியது சரி தான் என பேசியது கூட்டணிக்குள் சலசலப்பை ஏற்படுத்தி உள்ளது. இந்த நிலையில் ஆம்ஆத்மி -காங்கிரஸ் மோதல் வேறு. இதனால் இ-ந்-தி-யா., கூட்டணியே உடையும் நிலை ஏற்பட்டுள்ளது. இந்த கூட்டணி லோக்சபா தேர்தல் தேதி அறிவிப்பு வரையாவது தாங்குமா என சோஷியல் மீடியாவில் பலர் கலாய்த்து வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

கிண்டி அரசு மருத்துவமனை டாக்டரைக் கத்தியால் குத்திய விக்னேஷுக்கு.. ஜாமீன் மறுப்பு!

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Lunch box recipe: கோவக்காய் வேர்க்கடலை பொறியல்.. ஒரு விசில்.. ஒரு பொறியல்.. ஓஹோ டேஸ்ட்!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Drumsticks price.. என்னடா இது.. முருங்கைக்கு வந்த கிராக்கி.. விர் விலை உயர்வு.. இல்லத்தரசிகள் கவலை!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!