தமிழ்நாட்டில் இன்று மழைக்கு பிரேக்.. சென்னையிலும் மழை இருக்காது.. தமிழ்நாடு வெதர்மேன் தகவல்!
சென்னை: தமிழ்நாட்டில் இன்று பெரிய அளவில் மழை இருக்காது. மழைக்கு பிரேக் என தமிழ்நாடு வெதர்மேன் பிரதீப் ஜான் தெரிவித்துள்ளார்.
தென்மேற்கு வங்க கடல் பகுதிகளில் நாளை காற்றழுத்த தாழ்வு பகுதி உருவாக இருக்கிறது. இதற்கிடையே தென்கிழக்கு அரபிக் கடல் மற்றும் அதனை ஒட்டிய லட்சத்தீவு பகுதிகளில் மேல் நிலவும் கீழடுக்கு சுழற்சி காரணமாக தமிழ்நாட்டில் பரவலாக மழை பெய்து வருகிறது. குறிப்பாக சென்னை மற்றும் அதன் சுற்றுவட்டார பகுதிகளில் தொடர்ந்து இரண்டு நாட்களாக மழை பெய்து வருகிறது.
அதேபோல் தென் மாவட்டங்களான மதுரை, ராமநாதபுரம், விருதுநகர், தூத்துக்குடி, தேனி, திண்டுக்கல், உள்ளிட்ட பகுதிகளிலும் நல்ல மழை பெய்தது. இது தவிர டெல்டா மாவட்டங்களான தஞ்சை நாகப்பட்டினம் மயிலாடுதுறை திருவாரூர் உள்ளிட்ட பகுதிகளிலும் பரவலாக மழை பெய்துள்ளது.
இந்த நிலையில் தமிழ்நாடு வெதர்மேன் பிரதீப் ஜான் தமிழ்நாடு மலை குறித்த அறிவிப்பை வெளியிட்டுள்ளார். அதில், தென் தமிழகம் மற்றும் காவிரி டெல்டா பகுதிகளிலும் கடந்த 24 மணி நேரத்தில் நல்ல மழை பெய்துள்ளது. தமிழ்நாட்டில் இன்று பெரிய அளவில் மழை இருக்காது. மழைக்கு விடுமுறை நாளாக இருக்கும். இருந்தாலும் டெல்டா மற்றும் கன்னியாகுமரி பகுதிகளில் ஒரு சில இடங்களில் கன மழை பெய்ய வாய்ப்புள்ளது.
அதேபோல் சென்னை, திருவள்ளூர், காஞ்சிபுரம், ராணிப்பேட்டை, ஆகிய மாவட்டங்களில் இன்று வெயில் அடிக்கும். மழைக்கு வாய்ப்பு இருக்காது என்ன தெரிவித்துள்ளார்.
கன்னியாகுமரி மாவட்டத்தில் கடந்த 24 மணி நேரத்தில் அடையாமலை மற்றும் தக்கலையில் தலா 88.8 மில்லி மீட்டர் மழையும், கோலிப்போர்விளையில் 88.2 மிமி மழையும் பதிவாகியுள்ளது.
செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்
சமீபத்திய செய்திகள்
இறுதி கட்டத்தில் பாஜக, அதிமுக பேச்சுவார்த்தை.. ஏப்., 6ல் பிரதமரை சந்திக்கிறார் எடப்பாடி பழனிச்சாமி
கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!
சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!
தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!
அண்ணன் ராம்குமாருக்கு உதவ முடியாது .. கைவிரித்த நடிகர் பிரபு!
வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!
ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும். சட்டசபையில் அறிவிப்பு!
வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்
வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!
{{comments.comment}}