வங்கக் கடல் காற்று சுழற்சி.. தமிழ்நாடு, இலங்கையை நோக்கி நகரக் கூடும்.. வானிலை மையம்

Nov 22, 2024,11:03 AM IST

சென்னை: வங்கக் கடலில் உருவான காற்று சுழற்சி   தமிழ்நாடு மற்றும் இலங்கையை நோக்கி நகரக்கூடும் என்பதால் தமிழகத்திற்கு மிக கன மழைக்கு வாய்ப்புள்ளது என இந்திய வானிலை ஆய்வு மையம் எச்சரிக்கை விடுத்துள்ளது.


தமிழ்நாட்டில் உருவாகும் காற்று சுழற்சிகளின் காரணமாக பருவ மழை தீவிரமடைந்து பரவலாக கன மழை பெய்து வருகிறது. குறிப்பாக டெல்டா மாவட்டங்களான நாகை, மயிலாடுதுறை, தஞ்சை உள்ளிட்ட பல்வேறு பகுதிகளிலும் கனமழை வெளுத்து வாங்குகிறது. மறுபக்கம் தென் மாவட்டங்களான ராமநாதபுரம், ராமேஸ்வரம், திருச்செந்தூர், தென்காசி, நெல்லை, தூத்துக்குடி, உள்ளிட்ட பல பகுதிகளிலும் கன மழை கொட்டி தீர்த்து வருகிறது. இதனால் தாழ்வான இடங்களில் மழைநீர் சூழ்ந்து போக்குவரத்திற்கு கடும் சிரமம் ஏற்பட்டுள்ளது. 




ராமேஸ்வரத்தில் அநேக இடங்களில் மழை நீர் சூழ்ந்துள்ளதால் தீவுகளை சுற்றி உள்ள பகுதிகளில் உள்ள மாணவர்கள் பள்ளிக்குச் செல்ல சிரமம் ஏற்பட்டுள்ளது. இதனை கருத்தில் கொண்டு அப்பகுதியில் உள்ள பள்ளிகளுக்கு மட்டும் இன்று விடுமுறை அளித்து ராமநாதபுரம் மாவட்ட ஆட்சியர் உத்தரவிட்டுள்ளார்.


இந்த நிலையில் தெற்கு அந்தமான் மற்றும் அதனை ஒட்டிய  பகுதிகளில் நேற்று உருவான வளிமண்டல மேலடுக்கு சுழற்சி   தமிழ்நாடு மற்றும் இலங்கையை நோக்கி நகரக்கூடும். இந்த வளிமண்டல மேலடுக்கு சுழற்சி நாளை காற்றழுத்த தாழ்வு பகுதியாக உருவாக உள்ளது.இதன் பின்னர் அடுத்த இரண்டு தினங்களில் ஆழ்ந்த காற்றழுத்த தாழ்வு மண்டலமாக வலுப்பெறும். இதன் காரணமாக தமிழ்நாட்டில் மிக கனமழை பெய்யக்கூடும் என இந்திய வானிலை ஆய்வு மையம் எச்சரிக்கை விடுத்துள்ளது.


இதனையொட்டி பருவமழையை எதிர்கொள்ள தேசிய, மற்றும் மாநில  பேரிடர் மீட்பு படையினர் தலா 15 பேர் கொண்ட குழுக்கள் தயாராக உள்ளன. மண்டல அளவிலான நிவாரண குழுக்கள் நியமிக்கப்பட்டு நிலைமை கண்காணிக்கப்பட்டு வருகிறது என வருவாய் மற்றும் பேரிடர் மேலாண் துறை அமைச்சர் கே கே எஸ் எஸ் ஆர் ராமச்சந்திரன் தெரிவித்துள்ளார்.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

news

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

news

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

news

சட்ட மசோதாவுக்கு எதிர்ப்பு தெரிவித்து.. கருப்பு பட்டை அணிந்து சட்டசபைக்கு வந்த.. எம்எல்ஏக்கள்..!

news

Today gold rate:புதிய உச்சத்தில் தங்கம் விலை... சவரனுக்கு எவ்வளவு உயர்வு தெரியுமா?

news

எதிர்க்கட்சிகளின் எதிர்ப்புக்கு மத்தியில்..மக்களவையில் நிறைவேறியது.. வக்பு வாரிய சட்ட திருத்த மசோதா

news

தமிழ்நாடு மின்சார வாரியம் சார்பாக.. ஏப்ரல் 5ல் மின் நுகர்வோருக்கான.. சிறப்பு முகாம் ஏற்பாடு..!

news

மேகம் கருக்குது மழை வர பாக்குது.. தமிழ்நாட்டில் இன்று முதல் 5 வரை கனமழைக்கு வாய்ப்பு..!

news

12 ராசிகளுக்குமான இன்றைய ராசிபலன் ஏப்ரல் 03, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்