தமிழக பாஜக தலைவர் நியமனம் எப்போது?.. 11 ஆம் தேதி அன்று தெரியும்!
சென்னை: தமிழக பாஜக மாநில தலைவர் தொடர்பான அறிவிப்புகளை வெளியிட தமிழக பாஜக தேர்தல் பொறுப்பாளரும், மத்திய இணை அமைச்சருமான கிஷன் ரெட்டி தமிழகத்திற்கு ஏப்ரல் ஒன்பதாம் தேதிக்கு பதிலாக, 11-ம் தேதி வருவதாக தகவல் வெளியாகி உள்ளது.
2026 ஆம் ஆண்டு தமிழக சட்டப்பேரவை தேர்தலை எதிர்கொள்வதற்காக பாஜக, கூட்டணி குறித்த முக்கிய ஆலோசனைகளை மேற்கொண்டு வருகிறது. ஏற்கனவே அதிமுகவுடன் கூட்டணி முறிவை சந்தித்த பாஜக, மீண்டும் பேச்சுவார்த்தையில் இணக்கம் ஏற்பட்டு பாஜக அதிமுக இடையான கூட்டணி உறுதியானதாக தெரிகிறது.
ஆனால் தமிழக மாநில தலைவர் அண்ணாமலை இதற்கு மறுப்பு தெரிவிப்பதாகவும், இதனால் இப்பதவியிலிருந்து தன்னை விலக்கிக் கொள்ள இருப்பதாகவும் அரசியல் வட்டாரத்தில் பரபரப்பாக பேசப்பட்டு வந்தது. இதனிடையே பாஜக மாநில தலைவர் அண்ணாமலை மாநில தலைமை பதவியில் இருந்து தன்னை விடுவிப்பதாக அறிவித்தார். இதனைத் தொடர்ந்து அந்த இடம் காலியானதாக இருந்த நிலையில், அந்த பதவிக்கு யார் பொருத்தமானவர் என்பது தொடர்பாக பேசப்பட்டு வருகிறது.
இந்த நிலையில் மாநில தலைமையில் மாற்றம் செய்ய பாஜக முடிவு செய்துள்ளது. அதன்படி தமிழக பாஜக புதிய தலைவரை தேர்வு செய்வது தொடர்பாக முக்கிய முடிவுகள் எடுக்க தமிழ்நாடு பாஜக தேர்தல் பொறுப்பாளரும் மத்திய இணை அமைச்சருமான கிஷன் ரெட்டி ஏப்ரல் ஒன்பதாம் தேதி தமிழகத்திற்கு வருகை தர இருப்பதாக ஏற்கனவே பாஜக தரப்பில் தெரிவிக்கப்பட்டிருந்தது. இந்த நிலையில் தற்போது கிஷன் ரெட்டியின் தமிழக வருகை தள்ளிப் போகிறது. அதாவது ஏப்ரல் 9 தேதிக்கு பதிலாக ஏப்ரல் 11ஆம் தேதி வர இருப்பதாக தகவல் வெளியாகியுள்ளது. இதனால் அடுத்து யார் தமிழக பாஜக மாநில தலைவர் என்ற எதிர்பார்ப்பு வலுத்துள்ளது.
சமீபத்திய செய்திகள்
Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!
மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!
தமிழ்நாட்டு மக்களின் கோரிக்கைகளை இலங்கை உறுதி செய்ய வேண்டும்: பிரதமர் மோடி இலங்கையில் பேச்சு!
நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்
தமிழ்நாட்டில்.. நேற்று போலவே இன்றும் மழை தொடரும்.. வெதர்மேன் தகவல்!
தமிழக பாஜக தலைவர் நியமனம் எப்போது?.. 11 ஆம் தேதி அன்று தெரியும்!
எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்
தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!
அதிரடியாக மாற்றம் செய்யப்பட்டார்.. சென்னை மாவட்ட உணவு பாதுகாப்புத் துறை அதிகாரி சதீஷ்குமார்!
{{comments.comment}}