வருது வருது.. காத்திருந்த காற்று மெல்ல வருது.. சின்னதாக மழை இருக்கும்!
சென்னை: வட கிழக்குப் பருவ மழை எப்போது தொடங்கும் என்று தமிழ்நாட்டு மக்கள் ஆவலோடு காத்துள்ள நிலையில் அதுகுறித்த அறிகுறிகள் வெளி வர ஆரம்பித்திருப்பதாக தமிழ்நாடு வெதர்மேன் கூறியுள்ளார்.
இதை வட கிழக்குப் பருவ மழைக்கான அறிகுறியாக எடுத்துக் கொள்ள முடியாது என்றாலும் கூட ஆவலுடன் காத்திருந்த காற்று வீச்சு தொடங்குவதற்கான அறிகுறியாக எடுத்துக் கொள்ள முடியும் என்றும் அவர் தெரிவிததுள்ளார்.
இதுதொடர்பாக வெதர்மேன் போட்டுள்ள டிவீட்டில், சென்னை நகரை நோக்கி கடலிலிருந்து மேகக் கூட்டங்கள் நகர ஆரம்பித்துள்ளன. இதுதான் முதல் மேகக் கூட்டம். இதற்குத்தான் நாம் காத்திருந்தோம். இதை பருவ மழைக்காலத்தின் தொடக்கம் என்று கூற முடியாது. ஆனால் மாற்றம் நடக்க ஆரம்பித்து விட்டது. காற்றின் போக்கில் மாற்றம் தெரிகிறது. 10 மணிவாக்கில் சென்னை நகரில் சின்னதாக ஒரு மழை இருக்கும் என்று கூறியுள்ளார்.
தமிழ்நாட்டைப் பொறுத்தவரை வட கிழக்குப் பருவ மழைக்காலம்தான் மாநிலம் முழுமைக்கும் நல்ல மழைப் பொழிவு கிடைக்கும். குறிப்பாக சென்னைக்கு. இந்த முறை தமிழ்நாட்டில் தென் மேற்குப் பருவ மழையே கூடுதலாக பொழிந்திருக்கிறது. குறிப்பாக சென்னைக்கு 8 சதவீதத்திற்கும் கூடுதலான மழை கிடைத்துள்ளது. ஏற்கனவே பெரும்பாலான நீர் நிலைகள் நிறைந்துள்ளன. இந்த நிலையில் வட கிழக்குப் பருவ மழைக்காலத்திலும் இயல்பான அளவில் மழை பெய்தாலே போதும் மக்களுக்கு தண்ணீர்ப் பஞ்சம் வராமல் தப்பி விடுவார்கள்.
மழை வருதோ இல்லையோ மாற்றம் வர ஆரம்பித்து விட்டது. அது ஏமாற்றம் தராமல் நல்ல மழைப் பொழியைும் கொடுத்து மனங்களையும், மண்ணையும் நிறைத்துச் சென்றால் மகிழ்ச்சிதான்.
சமீபத்திய செய்திகள்
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
பாஜக தலைவர் மாற்றம் உறுதி... அண்ணாமலையே சூசகமாக தகவல்!
நெருப்புடா.. நெருங்குடா.. இன்று முதல் விஜய்க்கு ஒய் பிரிவு பாதுகாப்பு அமல்..!
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
.jpg)
உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!
கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!
{{comments.comment}}