ஆர் எஸ் எஸ் பேரணியில் பங்கேற்போருக்கு அறிவுரை கூறுவது ஏனோ?.. பாஜக கேள்வி

Apr 15, 2023,03:17 PM IST

சென்னை: யாரை காரணம் காட்டி அனுமதி மறுத்தீர்களோ, அவர்களை மறந்து விட்டு, காரணமே இல்லாமல் ஆர் எஸ் எஸ் பேரணியில் பங்கேற்போருக்கு அறிவுரை கூறுவது ஏனோ? என்று தமிழ்நாடு டிஜிபி சைலேந்திர பாபுவுக்கு தமிழ்நாடு பாஜக துணைத் தலைவர் நாராயணன் திருப்பதி கேள்வி எழுப்பியுள்ளார்.

தமிழ்நாட்டில் ஆர்எஸ்எஸ் அமைப்பு பேரணி நடத்த உச்சநீதிமன்றம் அனுமதி அளித்துள்ளது. இதையடுத்து தமிழ்நாடு காவல்துறையும் பேரணி நடத்த அனுமதி கொடுத்துள்ளது. அதேசமயம், பல்வேறு கடும் கட்டுப்பாடுகளையும் காவல்துறை விதித்துள்ளது.

லத்தி போன்ற ஆயுதங்களை எடுத்துச் செல்லக் கூடாது, பொதுமக்களுக்கு இடையூறு செய்யக் கூடாது, தடை செய்யப்பட்ட அமைப்புகளுக்கு ஆதரவாக கோஷமிடக் கூடாது, திட்டமிட்ட பாதையில் மட்டுமே செல்ல வேண்டும், எந்த மதத்திற்கு எதிராகவும் முழக்கமிடக் கூடாது என்பது உள்பட பல்வேறு கட்டுப்பாடுகளை காவல்துறை விதித்துள்ளது.

இதுகுறித்து நாராயணன் திருப்பதி கருத்து தெரிவித்துள்ளார். இதுதொடர்பாக அவர் போட்டுள்ள டிவீட்:

ஆர் எஸ் எஸ் பேரணியில் பங்கேற்போர் லத்தி, காயமேற்படுத்தும் ஆயுதங்களை கொண்டு செல்லக்கூடாது. சாதி, மதம் உள்ளிட்டவை தொடர்பான பாடவோ, கோஷமிடவோ கூடாது. பொது மக்களுக்கு இடையூறு ஏற்படுத்தாமலும், வாகன நெரிசல் ஏற்படாத வகையிலும் பேரணி நடத்த வேண்டும் - தமிழக டி ஜி பி ஷைலேந்திரபாபு.

"ஆர் எஸ் எஸ் பேரணி நடந்தால் தடை செய்யப்பட்ட மத அடிப்படைவாத பி எஃப் ஐ அமைப்பினால் சட்டம் ஒழுங்கு சீர்குலைய வாய்ப்புள்ளதாலும், சில சமூக விரோத தீய சக்திகள் பேரணிக்கு எதிர்ப்பு தெரிவித்து அமைதியை குலைத்து, பொது சொத்துக்களுக்கு சேதம் விளைவிக்க வாய்புள்ளதாலும்" பேரணி நடக்க அனுமதி மறுத்தது காவல்துறை. ஆனால், பேரணியை அனுமதிக்க வேண்டும் என்ற உயர்நீதிமன்ற உத்தரவை எதிர்த்து மேல்முறையீடு செய்த அரசின் மனுவை உச்சநீதி மன்றம் தள்ளுபடி செய்ததோடு, அனுமதியை உறுதி செய்தது.

அதன்படி, தடை செய்யப்பட்ட பி எஃப் ஐ அமைப்பை சேர்ந்தவர்கள், சமூக விரோத தீய சக்திகள் லத்தி, காயமேற்படுத்தும் ஆயுதங்களை கொண்டு சென்று பேரணிக்குள் ஊடுருவி விடாமல், ஆர் எஸ் எஸ் பேரணியை எதிர்க்கும் அடிப்படை மதவாத, சாதிய சக்திகள், சனாதன எதிர்ப்பு, ஹிந்து எதிர்ப்பு உள்ளிட்டவை தொடர்பாக பேரணி நடக்கும் இடங்களில் கோஷமிட அனுமதிக்காமல், பேரணிக்கு இடையூறு ஏற்படுத்தாமல் கண்காணிக்க வேண்டியது, பாதுகாப்பு கொடுக்க வேண்டியது காவல்துறையின் கடமை என்றே காவல்துறை தலைவரின் அறிக்கை இருந்திருக்க வேண்டும்.

யாரை காரணம் காட்டி அனுமதி மறுத்தீர்களோ, அவர்களை மறந்து விட்டு, காரணமே இல்லாமல் ஆர் எஸ் எஸ் பேரணியில் பங்கேற்போருக்கு அறிவுரை கூறுவது ஏனோ?

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

IPL Auction 2025.. ஐபிஎல் மெகா ஏலம்.. திக் திக் காத்திருப்பில் 577 வீரர்கள்.. செம கிராக்கி யாருக்கு?

அதிமுகவின் பிரம்மாஸ்திரம் இரட்டை இலை.. தெளிவான முடிவெடுத்த தலைவர் ஜானகி அம்மாள்.. ரஜினிகாந்த்

இந்தியாவில் எப்படி ஓட்டுக்களை எண்ணுறாங்க பாருங்க.. அமெரிக்க மானத்தை.. முடிச்சு விட்ட எலான் மஸ்க்!

இலவச வாக்குறுதிகள்.. மகாராஷ்டிராவை பாஜக வெல்ல முக்கியக் காரணம்.. இன்னொன்று.. பலவீனமான காங். கூட்டணி!

பொங்கல் நாளன்று தேர்வு.. தமிழ்ப் பண்பாட்டை அவமதிக்கிறீர்களா.. மத்திய அரசுக்கு சு. வெங்கடேசன் கேள்வி

12 ராசிகளுக்குமான இன்றைய ராசிபலன் - நவம்பர் 24, 2024.. யாருக்கு என்ன பலன் காத்திருக்கு?

மகாராஷ்டிராவில் மீண்டும் பாஜக கூட்டணி ஆட்சி.. ஜார்க்கண்ட் ஆட்சியை தக்க வைத்தது ஜேஎம்எம் காங் கூட்டணி

வங்ககடலில் உருவானது.. புதிய காற்றழுத்த தாழ்வு பகுதி.. தமிழ்நாட்டில் மிக கன மழைக்கு வாய்ப்பிருக்கா?

வளர்ச்சிக்கும், நல்லாட்சிக்கும் கிடைத்த பெரும் வெற்றி .. மகாராஷ்டிரா மக்களுக்கு பிரதமர் மோடி நன்றி