சென்னை: 2026 சட்டசபைத் தேர்தல் தொடர்பான ஒரு ஒருங்கிணைப்புக் குழுவை முதல்வரும், திமுக தலைவருமான மு.க.ஸ்டாலின் அறிவித்துள்ளார்.
திமுக தலைவராக மு.க.ஸ்டாலின் பதவியேற்றது முதல் தொடர்ந்து ஒவ்வொரு தேர்தல்களிலும் திமுக வெற்றியைப் பதித்து வருகிறது. நடந்து முடிந்த லோக்சபா தேர்தலில் தமிழ்நாடு, புதுச்சேரியில் மொத்தம் உள்ள 40 தொகுதிகளையும் திமுக தலைமையிலான இந்தியா கூட்டணி வென்று அசத்தியது. அதைத் தொடர்ந்து நடந்த விக்கிரவாண்டி இடைத் தேர்தலிலும் திமுக பிரமாண்டமான வெற்றியைப் பெற்றது.
இந்த நிலையில் அடுத்து மிகப் பெரிய தேர்தலாக வரவிருப்பது 2026 சட்டசபைத் தேர்தல்தான். அதற்காக இப்போதே திமுக தயாராக ஆரம்பித்து விட்டது. வருகிற 27ம் தேதி டெல்லிக்கு முதல்வர் மு.க.ஸ்டாலின் சென்று நிதி ஆயோக் கூட்டத்தில் பங்கேற்கிறார். மேலும் பிரதமர் மோடியையும் சந்திக்கவுள்ளார். இந்த நிலையில் இன்று இரவு முக்கிய அறிவிப்பை வெளியிட்டுள்ளது திமுக.
அதாவது 2026ம் ஆண்டு நடைபெறவுள்ள சட்டசபைத் தேர்தலுக்கான ஒருங்கிணைப்புக் குழுவை திமுக அறிவித்துள்ளது. இதுதொடர்பாக முதல்வர் மு.க.ஸ்டாலின் வெளியிட்டுள்ள அறிக்கை:
2024 நாடாளுமன்ற தேர்தலுக்கு முன்பாக திமுக பணிகளை ஒருங்கிணைக்கவும் மேற்பார்வையிடவும் அமைக்கப்பட்ட ஒருங்கிணைப்பு குழு தனது பணிகளை மிகச் சிறப்பாக செய்தது. அதே வகையில் வரவிருக்கும் 2026 சட்டசபை தேர்தலை எதிர்கொள்ளும் பொருட்டு கழகத்தில் மேற்கொள்ள வேண்டிய மாறுதல்கள் அமைப்பு ரீதியான சீரமைப்புகளை கழகத் தலைவருக்கும் தலைமைக்கும் பரிந்துரைக்கவும் தேவையான நடவடிக்கைகளை மேற்கொள்ளவும் ஒருங்கிணைப்பு குழு பின்வருமாறு அமைக்கப்படுகிறது.
கே.என்.நேரு, ஆர்.எஸ்.பாரதி, எ.வ.வேலு, தங்கம் தென்னரசு, உதயநிதி ஸ்டாலின் என்று முதல்வர் ஸ்டாலின் தெரிவித்துள்ளார்.
தமிழ்நாட்டுக் கட்சிகளிலேயே முதல் ஆளாக திமுக சட்டசபைத் தேர்தல் பணிகளைத் தொடங்கியிருப்பது அரசியல் களத்தில் பரபரப்பை ஏற்படுத்தியுள்ளது. திமுக பல்வேறு தேர்தல் தொடர்பான பணிகளை முன்கூட்டியே முடித்து விடவும் திட்டமிட்டிருப்பதாக கூறப்படுகிறது. குறிப்பாக கூட்டணி உள்ளிட்ட விவகாரங்களையும் அடுத்தடுத்து இறுதி செய்யவும் திமுக திட்டமிட்டிருப்பதாக ஒரு பேச்சு உள்ளது. எல்லாப் பணிகளையும் சீக்கிரமே முடித்து விட்டு மக்களிடம் செல்லும் பணிகளில் திமுக தீவிரம் காட்டவுள்ளதாகவும் கூறப்படுகிறது.
மதுரையை வச்சு செய்யும் வெயில்.. மேலும் சில நாட்கள் வெளுக்குமாம்.. அதிகரிக்கவும் வாய்ப்பு.. கேர்ஃபுல்
காட்டுத் தீயாய் பரவிய துணை முதல்வர் வதந்தி.. சிரித்துக் கொண்டே பதிலளித்த உதயநிதி ஸ்டாலின்!
ஜிம்பாப்வேயை உலுக்கும் பஞ்சம்.. அதை விரட்ட அரசு எடுத்த முடிவு.. .. அதிர்ச்சியில் நாடுகள்!
ஒரே நாடு ஒரே தேர்தல்.. ராம்நாத் கோவிந்த் குழு பரிந்துரைகளை ஏற்றது மத்திய அமைச்சரவை!
அழகாய் பூத்தது.. நீலகிரியில் 12 ஆண்டுகளுக்கு ஒரு முறை மலரும் நீலக்குறிஞ்சி சீசன் தொடங்கியது!
Thalaivettiyan Palayam: ஜிபி முத்து கொடுத்த சூப்பர் ஐடியாஸ்.. கூலாக கேட்டுக் கொண்ட அபிஷேக் குமார்!
"பாட்டி கதியே உங்களுக்கும்".. ராகுல்காந்திக்கு பாஜக தலைவர் மிரட்டல்.. முதல்வர் மு.க.ஸ்டாலின் கண்டனம்
தீபாவளி ரஷ்ஷை சமாளிக்க.. தனியார் பேருந்துகளை வாடகைக்கு எடுக்கும் தமிழக அரசு!
மீன்வளப் பல்கலைக்கழக பட்டமளிப்பு விழா.. அமைச்சர் அனிதா ராதாகிருஷ்ணன் புறக்கணித்தார்!
{{comments.comment}}