"வாங்கடேவுக்கு வந்த வேங்கை மவன்".. மனைவி, மச்சான் புடை சூழ.. குதூகலமாக மேட்ச் பார்த்த ரஜினிகாந்த்!
மும்பை: இந்தியா, நியூசிலாந்து இடையிலான உலகக் கோப்பை அரை இறுதிப் போட்டியை தனது மனைவி லதா ரஜினிகாந்த், மைத்துனர் ரவி ராகவேந்தர் ஆகியோருடன் நேரில் பார்த்து ரசித்தார் சூப்பர் ஸ்டார் ரஜினிகாந்த்.
இந்தியா நியூசிலாந்து அரை இறுதிக் கிரிக்கெட் போட்டியை இன்று ஏகப்பட்ட பிரபலங்கள் நேரில் வந்து பார்த்து ரசித்தனர். பாலிவுட் பிரபலங்கள் பலரும் போட்டியைக் காண குவிந்திருந்தனர். அதேபோல நம்ம ஊர் சூப்பர் ஸ்டார் ரஜினிகாந்த்தும் நேரில் சென்று போட்டியைப் பார்த்து ரசித்தார்.
ரஜினிகாந்த்துடன், அவரது மனைவி லதா ரஜினிகாந்த், மைத்துனர் ரவி ராகவேந்தர் (இசையமைப்பாளர் அனிருத்தின் தந்தை) ஆகியோரும் போட்டியைக் காண வந்திருந்தனர். இந்தியாவின் அதிரடி பேட்டிங்கைக் கண்டு மகிழ்ந்து கை தட்டி ரசித்துப் பார்த்தார் ரஜினிகாந்த்.
ரஜினிகாந்த் செம பிசியாக இருந்து வருகிறார். ஜெயிலர் படத்தை முடித்த கையோடு அடுத்த படத்தின் ஷூட்டிங்கில் பிசியாக இருக்கிறார். இடை இடையே பிற நடிகர்களின் படங்களையும் பார்த்து பாராட்டுகிறார். ஜிகர்தண்டா டபுள் எக்ஸ் படத்தைப் பார்த்து ரசித்ததோடு மட்டுமல்லாமல் நீண்டதொரு கடிதத்தையும் அந்தக் குழுவுக்கு அனுப்பி மகிழ வைத்தார். கூடவே டீமையும் அழைத்துப் பாராட்டிப் பேசினார். ஒவ்வொருவருடனும் தனித் தனியாக போட்டோவும் எடுத்துக் கொண்டு மகிழ்வித்தார்.
நேற்று விடுவிடுவென மும்பைக்குக் கிளம்பி வந்து இன்று போட்டியைப் பார்த்து மகிழ்கிறார். சூப்பர் ஸ்டார்னா சும்மாவா... சும்மா கலக்குறாருல்ல!
சமீபத்திய செய்திகள்
Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!
வங்கக் கடல் காற்று சுழற்சி.. தமிழ்நாடு, இலங்கையை நோக்கி நகரக் கூடும்.. வானிலை மையம்
ஏக்கம் (ஒரு பக்க சிறுகதை)
நிக்கோபார் தீவு அருகே.. காற்றழுத்தத் தாழ்வு உருவாக ஆரம்பித்து விட்டது.. தமிழ்நாடு வெதர்மேன்
நவம்பர் 22 - இன்றைய நல்ல நேரம், செய்ய வேண்டிய வழிபாடு
மங்களகரமான வெள்ளிக்கிழமையில் பண மழையில் நனையப் போகும் 2 ராசிக்காரர்கள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
{{comments.comment}}