நான் குணமடைய வாழ்த்திய.. பிரதமர் மோடி டூ முதல்வர் ஸ்டாலின் வரை.. நன்றி சொன்ன ரஜினிகாந்த்

Oct 04, 2024,06:14 PM IST

சென்னை: தான் உடல் நலம் குணமடைய வாழ்த்திய பிரதமர் நரேந்திர மோடி, முதல்வர் மு.க.ஸ்டாலின், எதிர்க்கட்சித் தலைவர் எடப்பாடி பழனிச்சாமி உள்ளிட்டோருக்கு நடிகர் ரஜினிகாந்த் நன்றி தெரிவித்துள்ளார்.


சூப்பர் ஸ்டார் நடிகர் ரஜினிகாந்துக்கு சமீபத்தில் உடல் நல பாதிப்பு ஏற்பட்டது. இதை அடுத்து அவர் சென்னை அப்பல்லோ மருத்துவமனையில் அனுமதிக்கப்பட்டார். அங்கு அவருக்கு இதயத்திற்கு செல்லும் முக்கிய ரத்த நாளத்தில் வீக்கம் ஏற்பட்டிருப்பது கண்டுபிடிக்கப்பட்டது. இதையடுத்து அது சரி செய்யப்பட்டு அவருக்கு ஸ்டெண்ட் பொருத்தப்பட்டது. தற்போது உடல்நலம் குணமடைந்து நடிகர் ரஜினிகாந்த் வீடு திரும்பி உள்ளார். 




ரஜினிகாந்த் மருத்துவமனையில் இருந்தபோது அவர் விரைவில் குணமடைய வேண்டும் என்று பிரதமர் நரேந்திர மோடி, தமிழ்நாடு ஆளுநர் ரவி, முதல்வர் மு. க. ஸ்டாலின், தமிழக வெற்றிக் கழகம் தலைவர் நடிகர் விஜய், மக்கள் நீதி மய்யம் தலைவர் கமல்ஹாசன், நாம் தமிழர் தலைமை ஒருங்கிணைப்பாளர் சீமான் உள்ளிட்ட தலைவர்களும் திரையுலக பிரமுகர்களும் பல்துறை பிரமுகர்களும் வாழ்த்து தெரிவித்திருந்தனர். 


இந்த நிலையில் குணமடைந்து வீடு திரும்பியுள்ள ரஜினிகாந்த் அனைவருக்கும் நன்றி தெரிவித்து அறிக்கை விடுத்துள்ளார். நான் மருத்துவமனையில் இருக்கும்போது, எனது நலன் விசாரித்து, நான் சீக்கிரம் குணமடைய வாழ்த்திய, எனது அருமை நண்பர் தமிழக முதலமைச்சர் மாண்புமிகு மு.க.ஸ்டாலின் அவர்களுக்கு எனது மனமார்ந்த நன்றிகளை தெரிவித்துக்கொள்கிறேன் என்று தெரிவித்துள்ளார் ரஜினிகாந்த். 




அதேபோல அதிமுக பொதுச் செயலாளர் எடப்பாடி பழனிச்சாமிக்கு விடுத்துள்ள நன்றிச் செய்தியில், நான் விரைவில் குணமடைய வேண்டும் என்று மனதார வாழ்த்திய தமிழக எதிர்க்கட்சி தலைவர் நண்பர் எடப்பாடி பழனிசாமி அவர்களுக்கு எனது மனமார்ந்த நன்றி என்று கூறியுள்ளார்.


இதேபோல பிரதமர் நரேந்திர மோடி, ஆளுநர் ஆர். என். ரவி, நடிகர் அமிதாப் பச்சன்,  ஆந்திர முதல்வர் சந்திரபாபு நாயுடு ஆகியோருக்கும் நன்றி தெரிவித்துள்ளார் ரஜினிகாந்த். மேற்கண்ட தலைவர்களுக்கு தனித் தனியாக நன்றி தெரிவித்து்ள ரஜினிகாந்த், இதுதவிர தன்னை வாழ்த்தி தனக்காக பிரார்த்தித்த மற்றவர்களுக்கும் நன்றி தெரிவித்துள்ளார்.



செய்திகளை உடனுக்குடன் அறிய தென்தமிழ் வாட்ஸ் ஆப் சானலில் இணையவும்

சமீபத்திய செய்திகள்

news

வக்பு வாரிய சட்டத்திருத்த மசோதாவை எதிர்த்து நாளை தமிழகம் முழுவதும் தவெக போராட்டம்!

news

தமிழ்நாட்டில்..17 மாவட்டங்களில்.. இன்றும், நாளையும் கனமழைக்கு வாய்ப்பு..!

news

ரூ.10 கோடி மதிப்பீட்டில்.. 500 புதிய ஆவின் பாலகங்கள் தொடங்கப்படும்‌. சட்டசபையில் அறிவிப்பு!

news

சென்னை மெட்ரோ பணிகளை.. டில்லி மெட்ரோ நிறுவனத்திடம் ஒப்படைப்பது சமூக அநீதி: டாக்டர். ராமதாஸ்!

news

வக்பு சட்ட மசோதா - இஸ்லாமியர்கள் மீதான பாசிச தாக்குதல் : விசிக தலைவர் திருமாவளவன்

news

கார்ல் மார்க்ஸ் திருவுருவச் சிலை அமைக்கும் அரசின் முடிவு வரவேற்கத்தக்கது: டாக்டர் ராமதாஸ் வரவேற்பு!

news

வளர்பிறை சஷ்டி விரதம்... வியாழக்கிழமை வந்திருப்பது மிக மிக விசேஷமானது!

news

சட்ட மசோதாவுக்கு எதிர்ப்பு தெரிவித்து.. கருப்பு பட்டை அணிந்து சட்டசபைக்கு வந்த.. எம்எல்ஏக்கள்..!

news

Today gold rate:புதிய உச்சத்தில் தங்கம் விலை... சவரனுக்கு எவ்வளவு உயர்வு தெரியுமா?

அதிகம் பார்க்கும் செய்திகள்