தெற்காலே சூப்பர் மழை இருக்கு.. குறிப்பா தூத்துக்குடியில்.. மதுரை பக்கமும் கொஞ்சம் பெய்யலாம்!
சென்னை: தமிழ்நாட்டின் தென் மாவட்டங்களில் இன்றும் நாளையும் நல்ல மழை இருக்கும் என்று தமிழ்நாடு வெதர்மேன் கூறியுள்ளார்.
தமிழ்நாட்டில் வட கிழக்குப் பருவ மழை சில நாட்களுக்கு முன்பு அனல் பறக்க ஆரம்பித்தது. தமிழ்நாடு முழுவதும் பரவலாக கன மழை பெய்து தீர்த்தது. தற்போது வடக்கில் மழை அடங்கியுள்ளது. அதேசமயம், மன்னார் வளைகுடாவில் மேகக் கூட்டங்கள் திரண்டு வியாபித்து நிற்பதால், தென் மாவட்டங்களில் மழை பெய்ய ஆரம்பித்துள்ளது.
இந்த நிலையில் இன்றும் நாளையும் தமிழ்நாட்டின் தென் மாவட்டங்களில் நல்ல மழைக்கு வாய்ப்பிருப்பதாக வெதர்மேன் தெரிவித்துள்ளார். இதுதொடர்பாக அவர் போட்டுள்ள பதிவு:
மன்னார் வளைகுடாவில் மேகக் கூட்டங்கள் திரண்டு நிற்கின்றன. இதனால் ராமநாதபுரம், தூத்துக்குடி, கன்னியாகுமரி, நெல்லை, தென்காசி மாவட்டங்களில் இன்றும் நாளையும் கன மழைக்கு வாய்ப்புள்ளது. குறிப்பாக தூத்துக்குடியில் இந்த சீசனின் முதல் பெரிய மழை பெய்யும்.
அதேபோல நாகப்பட்டனம், புதுக்கோட்டை, சிவகங்கை, விருதுநகர், மதுரை, மயிலாடுதுறை மாவட்டங்களிலும் பரவலாக மழைக்கு வாய்ப்புண்டு.
சென்னை முதல் கடலூர் வரையிலான பகுதிகளில் நாளை முதல் மழையை எதிர்பார்க்கலாம். அடுத்த 15 நாட்கள் கொஞ்சம் சுவாரஸ்யமானவை. வெயில் அடிக்கும், திடீரென மழை பெய்யும்.. எனவே இந்தப் பகுதிகளில் வசிப்போர், வெயில் அடிக்குதேன்னு அப்படியே வெளியில் போயிராதீங்க.. கையில் குடையும், ரெயின்கோட்டும் இருக்கட்டும்.
இதேபோல தமிழ்நாட்டின் உட்புற மாவட்டங்களிலும் நாளை முதல் அவ்வப்போது மழையை எதிர்பார்க்கலாம் என்று தெரிவித்துள்ளார்.
சமீபத்திய செய்திகள்
Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!
ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி
அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்
விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!
தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!
கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!
ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்
Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!
Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!
{{comments.comment}}