விரைவில் பிக்பாஸ் சீசன் 7... அடுத்த அதிரடிக்கு தயாராகும் விஜய் டிவி

May 09, 2023,03:33 PM IST

சென்னை : பிக்பாஸ் நிகழ்ச்சியின் 6 வது சீசன் ஜனவரி மாததத்தில் நிறைவடைந்த நிலையில், சீசன் 7 விரைவில் துவங்கப்பட உள்ளதாக தகவல் வெளியாகி உள்ளது. இதற்கான ஆரம்ப கட்ட பணிகள் விறுவிறுப்பாக நடைபெற்று வருவதாக சொல்லப்படுகிறது.

விஜய் டிவியில் ஒளிபரப்பாகும் ரியாலிட்டி ஷோக்களில் அதிகமான ரசிகர்களைக் கொண்ட நிகழ்ச்சி பிக்பாஸ். 2017 ம் ஆண்டு துவங்கப்பட்ட இந்த நிகழ்ச்சியின் 6 சீசன்கள் நிறைவடைந்து விட்டது. இந்த 6 சீசன்களையும் நடிகரும், மக்கள் நீதி மய்ய கட்சி தலைவருமான கமலஹாசன் தான் தொகுத்து வழங்கி வந்தார். வழக்கமாக பிக்பாஸ் நிகழ்ச்சி ஜூன் - ஜூலை மாதங்களில் தான் துவங்கப்படும். ஆனால் 2020 ம் ஆண்டு கொரோனா பரவலுக்கு பிறகு அக்டோபர் மாதத்தில் துவங்கப்பட்டு வந்தது.

இதன் படி பிக்பாஸ் சீசன் 6 இந்த ஆண்டு ஜனவரி மாதம் தான் நிறைவடைந்தது. இந்த நிகழ்ச்சி முடிந்து 4 மாதங்களே ஆகும் நிலையில், சீசன் 7 வருகிற ஜூலை மாதமே துவங்கப்பட உள்ளதாகவும், அதற்கான ஆரம்ப கட்ட பணிகளும், போட்டியாளர்கள் குறித்த தேர்வும் நடத்தப்பட்டு வருவதாக சொல்லப்படுகிறது. இந்த நிகழ்ச்சியையும் கமலஹாசனே தொகுத்து வழங்க உள்ளதாக சொல்லப்படுகிறது.

கடந்த சீசனில் பிரபலம் அல்லாத சாமானியர் என்ற அடையாளத்துடன் தனலட்சுமி மற்றும் ஷிவின் ஆகியோர் கலந்து கொண்டனர். இது மக்களிடம் நல்ல வரவேற்பை பெற்றது. இதனால் இந்த சீசனில் சாமானியர் போட்டியாளர்களின் எண்ணிக்கை நான்காக அதிகரிக்கப்பட உள்ளதாகவும், இந்த சீசனில் பல புதிய விதிமுறைகள் கொண்டு வரப்பட உள்ளதாகவும் தகவல் வெளியாகி உள்ளது.

பரபரப்பு, சர்ச்சைகளுக்கு பஞ்சமில்லாத பிக்பாஸ் நிகழ்ச்சி மூலம் அடுத்த அதிரடிக்கு விஜய் டிவி தயாராகி வருகிறது. வழக்கமாக ஒவ்வொரு சீசனிலும் சர்ச்சைக்குரிய போட்டியாளர் ஒருவரை களமிறக்குவதை விஜய் டிவி வாடிக்கையாக வைத்துள்ளது. அப்படி இந்த சீசனில் களமிறங்க போகும் அந்த சர்ச்சை போட்டியாளர் யார் என்பதை தெரிந்து கொள்ள ரசிகர்கள் இப்போதே ஆர்வமாக காத்திருக்கிறார்கள்.

இந்த சீசனிலாவது எச். ராஜாவை களம் இறக்கலாமே.. ரொம்ப நாளாக அவரைத்தான் எல்லோரும் விரும்பி கேட்டு வருகிறார்கள்.. சூடும் ஜாஸ்தியா இருக்கும்.. அனலும் அதிரடியாக இருக்கும்.. யோசிங்க பாஸ்!

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?