- -வர்ஷினி
சென்னை: இயக்குனர் சீனு ராமசாமி நடிகராக அவதாரம் எடுத்துள்ளார். பாதிக்கப்பட்டவர்கள் பக்கம் நிற்பதே சமூக நீதி என்பது அனைத்து சமூகத்திற்கும் பொருந்தும் என்பதை உரக்கச் சொல்லும் புதிய திரைப்படத்தில் நடிகராக அறிமுகமாகிறார் சீனு ராமசாமி.
சென்னையில் இப்படத்தின் ஷூட்டிங் தொடங்கியுள்ளது. தங்கம் சினிமாஸ் தயாரிப்பில் உருவாகும் இப்படத்தில் முக்கிய வேடத்தில் நடிக்கிறார் சீனு ராமசாமி. விஜய் கார்த்திக் எழுதி இயக்குகிறார். இப்படத்தின் ஒளிப்பதிவை ஏ எஸ் சூர்யா கவனிக்க படத்தொகுப்பை விபி வெங்கட் கையாளுகிறார். எஸ் ஆர் ஹரி இசையமைக்கிறார்.
தேசிய விருது பெற்ற வெற்றி பட இயக்குனரான சீனு ராமசாமி பல்வேறு கலைஞர்களை வெற்றி நாயகர்களாக மாற்றிய பெருமைக்குரியவர். விஜய் சேதுபதி, விஷ்ணு விஷால், சுனைனா என பலரை இதில் சொல்லலாம். தென் மேற்குப் பருவக் காற்று, நீர்ப்பறவை, இடம் பொருள் ஏவல், தர்மதுரை, மாமனிதன் ஆகியவை இவரது இயக்கத்தில் வெளியான சில அற்புதமான படங்கள்.
தர்மதுரை படத்தில் ஒரு காட்சியில் வந்து போயிருப்பார் சீனு ராமசாமி. இப்போது முக்கியாமான பாத்திரத்தில் அவர் நடிக்கவுள்ளார். இப்படத்தின் கதாநாயகனாக அருண் நடிக்க அவரது ஜோடியாக நிரஞ்சனா நடிக்கிறார். இவர்களுடன் யூடியூப் புகழ் விஜய் டியோ ஹிமோர் ரூஸ்வெல்ட் மற்றும் பலர் நடிக்கின்றனர்.
சென்னையில் தொடங்கிய படப்பிடிப்பில் நூற்றுக்கணக்கான துணை நடிகர், நடிகைகள் பங்கு பெற்ற முக்கிய காட்சிகள் படமாக்கப்பட்டன. தொடர்ந்து விழுப்புரம், கோவை ,பொள்ளாச்சி உள்ளிட்ட இடங்களில் படப்பிடிப்பு நடைபெற உள்ளது.
புதிய சமுதாய மாற்றத்திற்கான வழிகாட்டியாக இப்படம் அமையும் என்று இயக்குனர் விஜய் கார்த்திக் நம்பிக்கையுடன் தெரிவிக்கிறார். மேலும் இப்படம் பாதிக்கப்பட்டவர்களின் பக்கம் நிற்பதே சமூகம் நீதி என்ற கருத்தையும் ஆழமாகவும், அழுத்தமாகவும் பதிவு செய்யும் என கூறினார்
ஒரே நாடு ஒரே தேர்தல் சாத்தியமற்றது.. கூட்டாட்சி தத்துவத்தை சிதைக்கும்.. முதல்வர் மு.க.ஸ்டாலின்
மகாத்மா காந்தி பிறந்த மாதத்தில்.. புதிய மதுபானக் கொள்கையை அறிமுகப்படுத்தும் ஆந்திர அரசு!
ஐபிஎல் 2025 வருது வருது.. நவம்பரில் வீரர்கள் ஏலம்.. துபாயா, தோஹாவா இல்லாட்டி அபுதாபியா?
பெண் உதவியாளரை நாசப்படுத்தியதாக.. அரபி குத்து, காவாலா பாடல் புகழ் ஜானி மாஸ்டர் கைது!
சபாஷ் பாஸ்கர்.. மாற்றுத் திறனாளி பயணியிடம் காட்டிய கனிவு.. வேற லெவல் மாற்றத்தில் சென்னை எம்டிசி!
வங்கதேசத்துடன் கிரிக்கெட் போட்டி கூடாது.. சென்னையில் போராட்டத்தில் குதித்த இந்து மக்கள் கட்சி
என்ன தலைவா.. கடைசியில நீயும் அரசியல்வாதி ஆகிட்டியே?.. விஜய் போட்ட டிவீட்.. கதறும் கட்சிகள்!
அதீத பணிச்சுமை.. வீடு திரும்பிய இளம் பெண்.. படுக்கையில் சரிந்து பரிதாப மரணம்!
நவராத்திரி விற்பனை கண்காட்சி.. சென்னையில்.. செப்டம்பர் 21 முதல் கோலாகல தொடக்கம்!
{{comments.comment}}