"பாரத்" என்று நாமும் மாற்றலாம்.. எதிர்க்கட்சிகளுக்கு சசி தரூர் ஐடியா!

Sep 06, 2023,06:18 PM IST

டெல்லி: நாட்டின் பெயரை பாஜக அரசு பாரத் என்று மாற்றினால், எதிர்க்கட்சிகளின் கூட்டணி பெயரையும் நாம் பாரத் என்று மாற்றி விடலாம் என்று காங்கிரஸ் எம்.பி. சசி தரூர் யோசனை தெரிவித்துள்ளார்.

பாரத் என்ற பெயருக்கான விரிவாக்கத்தையும் கூட அவர் பரிந்துரைத்துள்ளார். இதனால் இந்தியா - பாரத் விவகாரம் சூடு பிடித்துள்ளது.

எதிர்க்கட்சிகள் இணைந்து மிகப் பெரிய கூட்டணியை உருவாக்கியுள்ளன. நாட்டில் உள்ள முக்கிய எதிர்க்கட்சிகள் இதில் இணைந்துள்ளன. இதுவரை 3 முறை இவை கூடி ஆலோசித்துள்ளன. மூன்று முறையும் கூட்டணியில் புதிய கட்சிகள் இணைவது அதிகரித்துள்ளது. இதனால் பாஜக தரப்பு இதை சமாளிக்கும் நடவடிக்கைகளில் இறங்கியுள்ளது.

எதிர்க்கட்சிகளின் கூட்டணிக்கு இந்தியா என பெயரிடப்பட்டுள்ளது. இதனால் பாஜக தலைவர்கள் பலரும், பாஜக முதல்வர்கள் பலரும் இந்தியா என்ற பெயரைப் பயன்படுத்துவதில்லை. மாறாக பாரத் என்று சொல்லி வருகின்றனர். இதன் உச்சமாக குடியரசுத் தலைவர் மாளிகையும், பிரதமர் அலுவலகமும் சமீபத்தில் வெளியிட்ட சில அழைப்பிதழ்களில் பாரத் என்ற பெயரே இடம் பெற்றுள்ளது.

இது பெரும் விவாதமாக மாறியுள்ளது. இந்த நிலையில் சசி தரூர் எதிர்க்கட்சிகள் கூட்டணிக்கு ஒரு யோசனையை தெரிவித்துள்ளார்.

இந்தியா என்ற பெயரை மாற்ற மத்திய அரசு முடிவு செய்யுமானால் எதிர்க்கட்சிகளும் நமது கூட்டணியின் பெயரை சற்றும் தயங்காமல் பாரத் என்று மாற்ற வேண்டும். பாரத் என்றால், "Alliance for Betterment, Harmony And Responsible Advancement for Tomorrow (BHARAT) என்பதாகும் என்றும் சசி தரூர் கூறியுள்ளார்.

இதுதொடர்பாக அவர் போட்டுள்ள டிவீட்டில், நமது கூட்டணியின் பெயரை பாரத் என்று தாராளமாக மாற்றலாம். அப்படி செய்தால்தான் இந்த நேம் கேமிலிருந்து ஆளும் கட்சி சற்று விலகி நிற்கும் என்று அவர் கூறியுள்ளார்.

இந்தியா என்ற பெயரை பாஜகவினர் தவிர்த்து பாரத் என்று சொல்ல ஆரம்பித்ததிலிருந்தே எதிர்க்கட்சிகளின் கூட்டணியும் கூட பாரத் என்ற பெயரையும் இணைத்தே பேசி வருகின்றன என்பது குறிப்பிடத்தக்கது.

இந்த பெயர் விளையாட்டு எங்கு போய் முடியும் என்று அப்பாவி மக்கள் தலை மேல் கைவைத்து கவலையுடன் வேடிக்கை பார்த்து வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Deepavali Special Story: இப்பெல்லாம் யாருங்க துணி எடுத்து தைக்கிறாங்க.. நலிவடையும் சிறு டெய்லர்கள்!

உதயநிதி ஸ்டாலின் நிகழ்ச்சியில் தவறாக பாடப்பட்ட தமிழ்த்தாய் வாழ்த்து.. எல். முருகன் கேள்வி

மீண்டும் சர்ச்சை.. 3 முறை பாடப்பட்ட தமிழ்த்தாய் வாழ்த்து.. விளக்கமளித்த துணைமுதல்வர் உதயநிதி ஸ்டாலின

மதுரையில் இன்றும் இடி மின்னலுடன் வெளுத்தடுத்த கன மழை.. பகலே இருளாய் மாறிய அதிசயம்!

TVK Flag: 5 வருடத்திற்கு பட்டொளி வீசிப் பறக்கப் போகும்.. விக்கிரவாண்டியில் ஏற்றப்படும் தவெக கொடி!

எங்களுக்கு டைமெல்லாம் கிடையாது.. உணர்வுப்பூர்வமா வேலை பண்றோம்.. தவெக நிர்வாகிகள் அசத்தல்!

ஆரம்பமே அமர்க்களமா இருக்கே.. விஜய் கட்சியின் கட் அவுட்கள் ஒரு நல்ல தொடக்கம்.. செல்வப்பெருந்தகை

வி. சாலை எல்லையில்.. இரு கைகளையும் விரித்தபடி.. இதய வாசல் திறந்து வைத்து காத்திருப்பேன்.. விஜய்

Sprituality: வீட்டில் செல்வம் சேர.. விளக்கேற்றி வழிபடும்போது.. தவறாமல் இந்த மந்திரத்தை சொல்லுங்க!