சிகிச்சை பணம் இல்லாமல் கஷ்டபடுறேனா? .. வதந்திகளுக்கு முடிவுகட்டிய சமந்தா

Aug 06, 2023,09:29 AM IST

சென்னை : நடிகை சமந்தா தனது சிகிச்சைக்கு பணம் இல்லாமல் கஷ்டப்படுவதாகவும், ரூ.25 கோடி உதவி கேட்டு காத்திருப்பதாகவும் சோஷியல் மீடியாவில் பரவி வரும் வதந்திகளுக்கு நடிகை சமந்தா தனது லேட்டஸ்ட் இன்ஸ்டாகிராம் பதிவின் மூலம் முற்றுப்புள்ளி வைத்துள்ளார்.

தமிழ், தெலுங்கு ஆகிய மொழிகளில் டாப் ஹீரோயினாக வலம் வருபவர் சமந்தார். நடிகை நாகசைதன்யாவை விவாகரத்து செய்த பிறகு சினிமாவிலும், சோஷியல் மீடியாவிலும் செம பிஸியாக இருந்து வந்த சமந்தா, தான் மயோசிடிஸ் என்ற நோய் எதிர்ப்பு சக்தி தானாக குறையும் வினோத நோயால் பாதிக்கப்பட்டிருப்பதாகவும், அதற்காக சிகிச்சை பெற்று வருவதாகவும் கடந்த ஆண்டு அறிவித்தார். இருந்தாலும் தான் கமிட்டான படங்களை முழுவதுமாக நடித்து முடித்தார்.

இந்நிலையில் தான் சிகிச்சை எடுத்துக் கொண்டு, உடல்நிலையில் கவனம் செலுத்த உள்ளதால் சினிமாவில் இருந்த ஓராண்டிற்கு பிரேக் எடுத்துக் கொள்ள போவதாக சமீபத்தில் அறிவித்தார் சமந்தார். இதனால் தான் ஏற்கனவே ஒப்புக் கொண்ட படங்களக்காக வாங்கிய அட்வான்சை திருப்பி செலுத்தி வந்தார். தற்போது ஓய்வு, தியானம், யோகா என ஈடுபட்டு வரும் சமந்தா, தனது அன்றாட நடவடிக்கைகளை இன்ஸ்டாகிராம் மூலம் ரசிகர்களுடன் பகிர்ந்து வருகிறார். விரைவில் இவர் அமெரிக்கா சென்று சிகிச்சையை துவக்க உள்ளதாக சொல்லப்பட்டது.

இந்நிலையில் சமந்தா தனது சிகிச்சைகாக ரூ.25 கோடி பண உதவி கேட்டு காத்திருப்பதாக சோஷியல் மீடியாவில் வதந்தி பரவியது. இந்த தகவலை மறுத்துள்ள சமந்தா, இது பற்றி தனது இன்ஸ்டாகிராமில் அவரே விளக்கமும் அளித்துள்ளார். அதில், மயோசிடிஸ் சிகிச்சைக்கு 25 கோடியா? யாரோ உங்களை தவறாக குழப்பி உள்ளார்கள். அதில் சிறிதளவு தொகையை மட்டுமே நான் சிகிச்சைக்காக செலவிடுகிறேன். நான் செய்த வேலைகளுக்கு மிக குறைவாக நான் சம்பளம் வாங்கியதாக நான் நினைக்கவில்லை. அதனால் என்னை நான் எளிதாக கவனித்துக் கொள்வேன்.

மயோசிடிஸ் என்பது ஒரு பாதிப்பு நிலை. ஆயிரக்கணக்கானவர்கள் இதனால் பாதிக்கப்பட்டுள்ளனர். தயவு செய்து பொறுப்புடன் தகவல்களை பகிருங்கள். என்னுடைய சிகிச்சை பற்றிய தகவல்களை நானே தருவேன் என குறிப்பிட்டுள்ளார். சிகிச்சைக்கு பிறகு அந்த நோய் இருந்து மீண்டு வர உள்ளதாகவும் அவர் நம்பிக்கை தெரிவித்துள்ளார்.

சமந்தா நடித்து கடைசியாக வெளியான சாகுந்தலம் படம் தோல்வி படமாக அமைந்தது. அடுத்ததாக சிடேடல் இந்தியா, குஷி ஆகிய படங்களில் நடித்து முடித்துள்ளார். இந்த படங்கள் விரைவில் ரிலீசாக உள்ளன.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Summer Rains.. தமிழ்நாட்டில்.. அடுத்த ஒரு வாரத்திற்கு வெயில் + மழை.. இதாங்க நிலவரம்..!

Election of new Pope: புதிய போப்பாண்டவர் எப்படி தேர்ந்தெடுக்கப்படுவார்?

மறைந்தார் போப்பாண்டவர் பிரான்சிஸ்.. வாடிகன் திருச்சபை அதிகாரப்பூர்வ அறிவிப்பு

2026 சட்டப்பேரவை தேர்தல்: டிசம்பருக்கு பின்னரே கூட்டணி குறித்து தவெக முடிவு?

Summer Jokes: மே முதல் கத்தரி வெயில்.. ம்க்கும்.. இப்ப மட்டும் வெண்டைக்காய் வெயிலா அடிக்குது...!

தொடர் சாதனை உச்சத்தில் தங்கம் விலை... அதிர்ச்சியில் இருந்து மீளமுடியாமல் மக்கள் தவிப்பு!

அர்ஜென்டினாவில் ரயில்வே தொழிலாளியின் மகனாக பிறந்து.. போப்பாண்டவராக உயர்ந்த.. பிரான்சிஸ்!

Monday Motivation... ஹாய் பிரண்ட்ஸ்.. நீங்க காலைல கண் விழிச்சதும் முதல்ல எதைத் தேடுவீங்க?

கோவையில் வரும் 26,27 தவெக கட்சியின் பூத் கமிட்டி கூட்டம்... விஜய் பங்கேற்பு!