பான் இந்தியாவில் கலக்கும்.. தமிழில் அரை டஜன் படங்களில் கமிட்டான.. பிக் பாஸ் பிரபலம்!

Nov 14, 2023,04:47 PM IST
- மஞ்சுளா தேவி

சென்னை: தமிழில் அரை டஜன் படங்களை கைவசம் வைத்துள்ளதால் பிக் பாஸ் பிரபலம் சாக்ஷி அகர்வாலுக்கு இந்த தீபாவளி பான் இந்தியா தீபாவளியாக அமைந்துள்ளது.

விஜய் டிவியில் புகழ்பெற்ற ரியாலிட்டி ஷோ மூலம் பிக்பாஸ் 3யில் கலந்து கொண்டு  பட்டி தொட்டி எங்கும் பிரபலமானவர் சாக்ஷி அகர்வால். அதற்கு முன்பே இவர் இன்ஸ்டாகிராமை சூடு பறக்க பரபரக்க வைத்துக் கொண்டிருந்தார். இவரது கவர்ச்சிகரமான போட்டோக்களுக்கு இன்று வரை தனி ரசிகர் பட்டாளமே உண்டு. எப்படித்தான் இப்படி டிசைன் டிசைனாக போஸ் கொடுக்கிறாரோ என்று ஆச்சரியப்படும் அளவுக்கு இவரது போஸ்கள் இருக்கும்.

தமிழில் காலா, விசுவாசம், ராஜா ராணி, போன்ற திரைப்படங்களில் சிறிய ரோல்களில் நடித்துள்ளார். சாக்ஷி அகர்வால் பிக் பாஸில் கலந்து கொண்ட பிறகுதான் பட வாய்ப்புகள் அதிகம் வர தொடங்கியது. இவர் சமூக வலைத்தளங்களில் எப்பவுமே ஆக்டிவாக இருந்து வருபவர். அவ்வப்போது இவர் கவர்ச்சியான புகைப்படங்களை சமூக வலைத்தளங்களில் வெளியிட்டு ரசிகர்கள் மனதை வென்றுள்ளார்.



மலையாளத்தில் சாக்ஷி அகர்வால்

தற்போது தமிழ் திரையுரையில் நாயகியாக வித்தியாசமான கதாபாத்திரங்களின் மூலமும் அனைவரின் மனதையும் கவர்ந்து வருகிறார். ஆக்சன், வில்லி, கிளாமர், கிராமத்து பெண் என வித்தியாசமான கதாபாத்திரங்களில் தனது நடிப்பின் திறமையை வெளிப்படுத்தி அசத்தி வருகிறார். தமிழ் மட்டுமல்லாது கன்னடம் ,மலையாளம், போன்ற மொழிகளிலும் நாயகியாக நடித்து வலம் வருபவர்.

தமிழில் அரை டஜன் படங்களில் நடிப்பது மட்டுமல்லாமல் மலையாளத்தில் மம்முட்டியின் தங்கை மகன் நடிக்கும் புதிய படத்தில் நாயகியாக நடிக்க இருக்கிறார்.இதில் கிராமத்து பெண்ணாகவும் நடிக்கிறார். மேலும் கன்னடத்தில் முன்னணி இசையமைப்பாளரான பி. அஜெனீஸ் லோக்நாத் தயாரிக்கும் புதிய படத்தில் வித்தியாசமான கதாபாத்திரத்திலும் நடிக்கிறார்.

பாலிவுட்டிலும் சாக்ஷி அகர்வாலுக்கு அழைப்பு




தற்போது தமிழில் பெண் கதாபாத்திரத்தை மையமாகக் கொண்டு இயக்குனர் ரஜித் கண்ணா, சாரா என்ற படத்தை இயக்குகிறார். திரில்லராக உருவாகும் இப்படத்திலும் நடித்து வருகிறார். மேலும் எட்டு தோட்டாக்கள் என்ற படத்தில் நடித்த புகழ் வெற்றியுடன் ஒரு படத்தில் ஜோடியாக நடித்து முடித்துள்ளார். அத்துடன் கெஸ்ட் 2 உட்பட ஆறு படங்களில் நடித்து வருகிறார்.

தமிழ் திரையுலகில் கலக்கி வரும் சாக்ஷி அகர்வாலுக்கு தென்னிந்தியா சினிமாவை தொடர்ந்து பாலிவுட்டிலும் அழைப்புகள் பல தொடங்கியுள்ளன. கூடிய சீக்கிரம் சாக்ஷி அகர்வாலை பாலிவுட்  படத்திலும் காணலாம் .இதனால் இந்த தீபாவளி நடிகை சாக்ஷி அகர்வாலுக்கு மிகப் பெரும் கொண்டாட்டமாக அமைந்துள்ளது.

சமீபத்திய செய்திகள்

news

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

news

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

news

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

news

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

news

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

news

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

news

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

news

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!

news

12 ராசிகளுக்குமான இன்றைய ராசிபலன் ஏப்ரல் 04, 2025...யாருக்கு என்ன பலன் காத்திருக்கு?

அதிகம் பார்க்கும் செய்திகள்