இமாச்சல் பிரதேச கார் விபத்து.. சைதை துரைசாமி மகன் கார் ஆற்றில் விழுந்து மாயம்.. தேடும் பணி தீவிரம்!
சிம்லா: முன்னாள் சென்னை மாநகராட்சி மேயர் சைதை துரைசாமியின் மகன் வெற்றி பயணித்த கார், இமாச்சலப் பிரதேசத்தில் விபத்துக்குள்ளாகி சட்லெஜ் ஆற்றில் கவிழ்ந்து விட்டது. வெற்றியை தற்போது காணவில்லை. அவரைத் தேடும் பணி முடுக்கி விடப்பட்டுள்ளது.
சென்னை மாநகராட்சி முன்னாள் மேயராக இருந்தவர் அதிமுகவைச் சேர்ந்தவர் சைதை துரைசாமி. அதிமுகவின் மிக முக்கியத் தலைவர்களில் இவரும் ஒருவர். இவரது மகன் வெற்றி துரைசாமி. இவர் இயக்குநராகவும் இருந்து வருகிறார். இவர் தனது நண்பர் கோபிநாத்துடன் இமாச்சலப் பிரதேசத்தில் சுற்றுப்பயணம் மேற்கொண்டிருந்தார். இந்த நிலையில் அவர்கள் பயணித்த கார் விபத்துக்குள்ளாகி சட்லெஜ் ஆற்றில் விழுந்தது. இதில் காரை ஓட்டி வந்த டிரைவர் செந்தில் பலியானார். கோபிநாத் காயத்துடன் மீட்கப்பட்டு மருத்துவமனையில் அனுமதிக்கப்பட்டார்.
ஆனால் வெற்றியைக் காணவில்லை. அவர் ஆற்றில் அடித்துச் செல்லப்பட்டிருக்கலாம் என்று அஞ்சப்படுகிறது. அவரை தேடும் பணிகள் தீவிரமாக முடுக்கி விடப்பட்டுள்ளன.
வெற்றி துரைசாமி திரைப்பட இயக்குநராகவும் இருந்து வருகிறார். என்றாவது ஒரு நாள் என்ற படத்தை அவர் இயக்கியுள்ளார். அதில் விதார்த், ரம்யா நம்பீசன் உள்ளிட்டோர் நடித்துள்ளனர். பல்வேறு சர்வதேச பட விழாக்களில் அது விருது வாங்கியுள்ளது என்பது குறிப்பிடத்தக்கது.
சமீபத்திய செய்திகள்
மார்க்சிஸ்ட் கம்யூனிஸ்ட் கட்சியின் அகில இந்திய பொதுச் செயலாளராக .. எம்.ஏ. பேபி தேர்வு!
தமிழ்நாட்டு மண்ணில் பிரதமர் மோடி உறுதி தர வேண்டும்.. ஊட்டியிலிருந்து முதல்வர் மு.க.ஸ்டாலின் கோரிக்கை
நவீன பாம்பன் கடல் பாலம்.. நாட்டுக்கு அர்ப்பணித்தார் பிரதமர் மோடி.. புதிய ரயிலுக்கும் பச்சைக் கொடி!
அமைச்சர் நிர்மலா சீதாராமனை நான் சந்திச்சேனா.. நாம் தமிழர் தலைவர் சீமான் திட்டவட்ட மறுப்பு!
Tamil Nadu rains.. இன்னும் 10 நாட்களுக்கு மழைதான்.. தமிழ்நாடு வெதர்மேன் ஹேப்பி நியூஸ்!
அதிபர் டிரம்ப்புக்கு எதிராக அமெரிக்காவில் வெடித்தது பெரும் போராட்டம்.. வீதிகளில் இறங்கிய மக்கள்!
12 ராசிகளுக்குமான இன்றைய ராசிபலன் ஏப்ரல் 06, 2025...யாருக்கு என்ன பலன் காத்திருக்கு?
Chennai Super Kings no more a champion team?.. தொடர் சொதப்பல் + தோல்விகளால்.. ரசிகர்கள் அதிர்ச்சி!
மீண்டும் ஒரு மோசமான தோல்வியை சந்தித்த சென்னை சூப்பர் கிங்ஸ்.. ரசிகர்கள் கடும் அதிருப்தி!
{{comments.comment}}