பிரதமர் நரேந்திர மோடி முன்னிலையில்.. டெல்லி முதல்வராக பதவியேற்றார் ரேகா குப்தா.. பாஜகவினர் உற்சாகம்
டெல்லி: டெல்லியின் முதல்வராக பிரதமர் நரேந்திர மோடி முன்னிலையில் இன்று பதவியேற்றார் ரேகா குப்தா. இவருக்கு துணைநிலை ஆளுநர் வி.கே.சக்சேனா பதவிப்பிரமாணம் செய்து வைத்தார்.
70 தொகுதிகளை கொண்ட டெல்லி சட்டமன்ற தேர்தலில் கடந்த பிப்ரவரி 5ஆம் தேதி நடைபெற்றது. இதில் பாஜக பெரும்பான்மைக்கு அதிகமாக 48 இடங்களில் வெற்றி பெற்று ஆட்சியை கைப்பற்றியது. இதனைத் தொடர்ந்து முன்னாள் முதல்வர் அரவிந்த் கெஜ்ரிவாலை தோற்கடித்த பர்வேஷ் வர்மா, அடுத்த டெல்லியின் முதல்வராக வாய்ப்பு இருப்பதாக தகவல்கள் வெளிவந்தன. இருப்பினும் உடனடியாக முதல்வர் தேர்வு செய்யப்படாமல் இருந்து வந்தது.
இந்த நிலையில் டெல்லியில் நேற்று முதல்வரை தேர்வு செய்வதற்கான ஆலோசனை கூட்டம் நடைபெற்றது. இதில் பாஜகவின் மூத்த தலைவர்கள் மற்றும் எம்எல்ஏக்கள் பலர் கலந்து கொண்டனர். அப்போது எம்எல்ஏக்கள் ஒருமனதாக ஷாலிமார்பாக் தொகுதியில் வெற்றி பெற்ற ரேகா குப்தாவை முதல்வர் வேட்பாளராகத் தேர்வு செய்தனர். பாஜக சார்பில் சுஷ்மா சுவராஜுக்குப் பிறகு, ரேகா குப்தா, டெல்லி முதல்வராகும் 2வது பெண் தலைவர் என்பது குறிப்பிடத்தக்கது. அதேபோல் டெல்லியின் நான்காவது பெண் முதல்வர் என்பதும் குறிப்பிடத்தக்கது.
27 வருடங்களுக்குப் பிறகு டெல்லியில் மீண்டும் ஆட்சியை பிடித்த பாஜக சார்பில் முதல்வர் பதவிக்கு தேர்வு செய்யப்பட்ட ரேகா குப்தா இன்று பிரதமர் நரேந்திர மோடி, மத்திய உள்துறை அமைச்சர் அமித்ஷா, ஜே பி நட்டா, ஆகியோர் முன்னிலையில் டெல்லியின் முதல்வராக பதவியேற்றார். துணைநிலை ஆளுநர் வி.கே.சக்சேனா பதவிப்பிரமாணம் செய்து வைத்தார்.
இந்த நிகழ்ச்சியில் ஆயிரக்கணக்கான பாஜகவினர் கலந்து கொண்டு வாழ்த்து தெரிவித்து மகிழ்ந்தனர்.
சமீபத்திய செய்திகள்
புதிய கல்விக் கொள்கையை தமிழ்நாடும் அமல்படுத்த வேண்டும்.. மத்திய கல்வி அமைச்சர் தர்மேந்திர பிரதான்
உலக தாய் மொழி தினம்.. தமிழுக்கு எதிராக நிகழ்ந்து விட்ட தீமைகள் அனைத்தும் எங்கிருந்து தொடங்கின?
PMSHRI திட்டத்தில் இணைந்தால் தமிழக மாணவர்களின் எதிர்காலம் சிறக்கும்: பாஜக தலைவர் அண்ணாமலை
ஏழை பிள்ளைகளை கூலி தொழிலுக்கு அனுப்பும் திட்டமே புதிய கல்விக் கொள்கை திட்டம்.. சபாநாயகர் அப்பாவு
ஒரு நாட்டைக் கைப்பற்ற.. அதன் மொழியை அழிப்பதே சிறந்த வழி.. குடியரசு துணைத் தலைவர் ஜெகதீப் தங்கர்
Welcome To Tamil Nadu: நேற்று அந்த ஹேஷ்டேக்.. இன்று இந்த ஹேஷ்டேக்.. நடுவுல புகுந்த தவெக.. அடடே!
கூல் தோனி.. கிரிக்கெட் எதிர்காலம் குறித்து போட்ட சூப்பர் போஸ்ட்.. உற்சாக வெள்ளத்தில் ரசிகர்கள்!
உலக தாய்மொழி தினம் 2025.. தாயின் சிறந்த கோயிலும் இல்லை.. தாய்மொழிக்கிணை தரணியில் இல்லை!
மனைவியைப் பிரிந்தார் யுஸ்வேந்திர சாஹல்.. 4 வருடத்தில் கசந்து போன வாழ்க்கை.. ரசிகர்கள் ஷாக்!
{{comments.comment}}