என்னது ராகுல் காந்திக்கு கல்யாணமா?.. யாரு பார்த்த வேலை இது?.. தீயாய் பரவும் இன்விடேஷன்!

Apr 25, 2023,12:15 PM IST

டில்லி : இந்தியாவின் most eligible bachelor என வர்ணிக்கப்படும் காங்கிரஸ் தலைவர் ராகுல் காந்தியின் போட்டோ உடன் அச்சிடப்பட்டுள்ள நான்கு பக்க திருமண வரவேற்பு அழைப்பிதழ் இணையத்தில் தீயாய் பரவி வருகிறது. என்னது ராகுல் காந்திக்கு கல்யாணமா? என அனைவரும் ஆர்வமாக கேட்டு வருகின்றனர்.

காங்கிரஸ் தலைவர் ராகுல் காந்திக்கு 52 வயதாகிறது. இதுவரை அவர் திருமணம் செய்து கொள்ளவில்லை. அரசியலில் பிஸியாக இருப்பதால் தான் திருமணம் செய்து கொள்ளவில்லை என பலரும் கூறி வருகின்றனர். இதை வைத்தே எதிர்க்கட்சிகள் ராகுலை கிண்டலும் செய்து வந்தன. இந்நிலையில் நான்கு பக்கத்திற்கு அச்சிடப்பட்ட ராகுல் காந்தியின் சிரித்த முகத்துடனான போட்டோ உடன் கூடிய திருமண வரவேற்பு அழைப்பிதழ் செம வைரலாகி வருகிறது.

இந்த நான்கு பக்க அழைப்பிதழின் முதல் பக்கத்தில் ராகுல் காந்தியின் போட்டோவும், இரண்டாவது பக்கத்தில் காங்கிரஸ் தலைவர் மல்லிகார்ஜூன கார்கேவின் போட்டோவும், மூன்றாவது பக்கத்தில் சோனியா காந்தியின் போட்டோவும், நான்காவது பக்கத்தில் பிரியங்கா வதேராவின் போட்டோடும் இடம்பெற்றுள்ளது. அழைப்பிதழின் பின்புறத்தில் தமிழக முன்னாள் முதல்வர் காமராஜரின் போட்டோவும் அச்சிடப்பட்டுள்ளது.

இதை முழுவதுமாக பார்த்தவர்கள், அப்போது ராகுலின் திருமண அழைப்பிதழ் இல்லையா என ஏமாற்றத்துடன் கேட்டு வருகிறார். விசாரித்ததில் இது தமிழக காங்கிரஸ் தலைவர் கே.எஸ்.அழகிரியின் மகள் காஞ்சனாவின் திருமண வரவேற்பு அழைப்பிதழாம். இவர் வினோத் ரங்கநாதன் என்பவரை மணந்து கொள்ள போகிறார். இவர்களின் திருமண வரவேற்பு அழைப்பிதழில் தான் முதல் பக்கத்தில் மணமக்கள் பெயர் எதுவும் இல்லாமல், ராகுலின் போட்டோ மட்டும் அச்சிடப்பட்டு, திருமண வரவேற்பு அழைப்பிதழ் என குறிப்பிடப்பட்டுள்ளது.

இதில் கே.எஸ்.அழகிரியின் போட்டோ மிக சிறியதாக ராகுல் காந்தியின் போட்டோவுக்கு கீழ் அச்சிடப்பட்டுள்ளது. ஆனால் பெரிதாக இருக்கும் ராகுலின் போட்டோ மட்டுமே எல்லோருக்கும் பளிச்சென தெரிவதால் அனைவரும் அவருக்கு தான் திருமணம் என நினைத்ததால் இந்த அழைப்பிதழ் வைரலாகி வருகிறது.

சமீபத்தில் எம்பி., பதவியில் இருந்து தகுதிநீக்கம் செய்யப்பட்டதால் எம்பி பதவியும் இல்லாமல், அரசு பங்களாவையும் காலி செய்து விட்டு, தனது அம்மா சோனியா காந்தியின் பங்களாவில் வசித்து வருகிறார் ராகுல் காந்தி. தனது தகுதி நீக்கத்தை எதிர்த்து அவர் தாக்கல் செய்த மேல்முறையீட்டு மனுக்களும் தொடர்ந்து நிராகரிக்கப்பட்டு வருகின்றன. இதனால் அடுத்த 8 ஆண்டுகளுக்கு ராகுலால் தேர்தலில் போட்டியிட முடியாது. இதனால் திருமண வாழ்க்கையில் இறங்க முடிவு செய்து விட்டாரோ என நினைத்து தான் அனைவரும் ஆர்வமாக இந்த அழைப்பிதழை வைரலாக்கி வருகின்றனர்.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!

நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்

நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து

வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக

எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!

சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!

தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!

தமிழ்நாட்டில் இன்றும் .. 17 மாவட்டங்களில்‌.. கன மழைக்கு வாய்ப்பு.. சென்னை வானிலை ஆய்வு மையம்!

உங்கள் வாழ்வில் இருந்து ஒருவரை நீக்கும்போது.. அதன் மதிப்பை உடனடியாக அறிய மாட்டீர்கள்.. செல்வராகவன்!