உ.பி. முதல்வருடன் இன்று "Jailer" ரஜினிகாந்த் சந்திப்பு.. என்ன "பிளான்"?

Aug 19, 2023,10:40 AM IST

சென்னை: உத்தரப் பிரதேச முதல்வர் யோகி ஆதித்யநாத்துடன் நடிகர் ரஜினிகாந்த் இன்று சந்திப்பு மேற்கொள்ளவுள்ளார். இருவரும் இணைந்து ஜெயிலர் படம் பார்க்கப் போவதாக தகவல்கள் வெளியாகியுள்ளன.

நடிகர் ரஜினிகாந்த் நடித்த ஜெயிலர் படம் வெற்றிகரமாக ஓடிக் கொண்டிருக்கிறது. வசூல் சாதனை படைத்து வருவதாக தகவல்கள் கூறிக் கொண்டுள்ளன. இந்த நிலையில் பட ரிலீஸுக்கு முன்பாகவே ரஜினிகாந்த் இமயமலை போய் விட்டார். அங்கு பல்வேறு இடங்களுக்கும் சென்ற ரஜினிகாந்த் பின்னர் ஜார்க்கண்ட் மாநிலத்திற்குப் போனார். அங்கு மாநில ஆளுநராக இருக்கும் தமிழ்நாட்டைச் சேர்ந்த சி.பி.ராதாகிருண்ணனை சந்தித்துப் பேசினார்.

இந்த சந்திப்பைத் தொடர்ந்து லக்னோ சென்றார் ரஜினிகாந்த். அங்கு முதல்வர் யோகி ஆதித்யநாத்தை இன்று இரவு 7 மணியளவில் சந்தித்துப் பேசவுள்ளார். அந்த சந்திப்பைத் தொடர்ந்து இருவரும் இணைந்து ஜெயிலர் படம் பார்க்கத் திட்டமிட்டுள்ளனர்.

இதுதொடர்பாக லக்னோ விமான நிலையத்தில் செய்தியாளர்கள் அவரிடம் கேட்டபோது, யோகியுடன் இணைந்து ஜெயிலர் படம் பார்க்கவிருப்பதை உறுதி செய்தார் ரஜினிகாந்த். ஜெயிலர் படத்தின் வெற்றி குறித்து அவரிடம் செய்தியாளர்கள் கேட்டபோது, எல்லாம் கடவுளின் ஆசிர்வாதம் என்று இந்தியில் பதிலளித்தார்.

இதற்கிடையே, ரஜினிகாந்த் யோகி ஆதித்யநாத்தை சந்திக்கவிருப்பது அரசியல் ரீதியாக முக்கியத்துவம் பெறுமா என்ற எதிர்பார்ப்பும் எழுந்துள்ளது. பாஜகவின் முக்கியத் தலைவர்களில் ஒருவர் யோகி ஆதித்யநாத். 2வது முறையாக மிகப் பெரிய வெற்றியைப் பெற்று உ.பியின் முதல்வராக பதவி வகித்து வருகிறார். வருங்காலத்தில் பிரதமர் பதவிக்கும் கூட இவர் நிறுத்தப்படலாம் என்ற பேச்சும் உள்ளது. எனவே யோகி - ரஜினிகாந்த் சந்திப்பு, ஜெயிலர் படத்தைத் தாண்டி வேறு மாதிரியான எதிர்பார்ப்புகளையும் ஏற்படுத்தியுள்ளது.

ரஜினி ஒரு காலத்தில் அரசியலுக்கு வருவதாக கூறி வந்தார். அவரை அரசியலுக்கு இழுக்க பாஜகவும் தீவிரமாக முயன்று வந்தது. நீண்ட இழுவைக்குப் பிறகு தனிக் கட்சி தொடங்கப் போவதாக ரஜினிகாந்த்தே அறிவித்தார். ஆனால் இடையில் கொரோனா குறுக்கிட்டதால் அவர் அரசியலுக்கு முழுக்குப் போட்டு விட்டார். இருப்பினும் பலமுறை பாஜகவுக்கு சார்பான முறையில் ரஜினியின் செயல்பாடுகள் இருந்ததால், இன்னும் கூட அவரை பாஜகவுக்கு ஆதரவானவராகவே பலரும் பார்க்கிறார்கள். இந்த நிலையில்தான் யோகியை சந்திக்கவுள்ளார் ரஜினிகாந்த் என்பது குறிப்பிடத்தக்கது.

Dislike

Comments

{{comments.createdDate | dateToISO | date : "MMM dd, yyyy,hh:m a" }} IST

சமீபத்திய செய்திகள்

Rain alert: நவம்பர் 26, 27, 28.. தமிழ்நாட்டில் மிக கன மழை பெய்ய வாய்ப்பு.. வானிலை மையம் தகவல்

Political Talk.. எம்ஜிஆர் ஜெயலலிதா எழுதிய வரலாற்றை.. வலுக்கட்டாயமாக அழிக்கிறதா அதிமுக?

மாநாட்டில் விஜய் கலக்கிவிட்டார்.. இப்படி பேசுவார் என நினைச்சுக் கூட பார்க்கலை.. எஸ்.ஏ.சந்திரசேகர்

TVK.. மாவட்டச் செயலாளர்களாக யாரைப் போடலாம்.. தீவிரமாக களம் குதித்த விஜய்யின் தவெக!

AIADMK.. கள ஆய்வுக் கூட்டங்களில் தொடர்ந்து மோதல்.. வெடிக்கும் தொண்டர்கள்.. திகைப்பில் தலைமை!

Special Story: சிங்கம் கழுகு கூட்டணியா.. சிலாகிக்கும் NTK.. சீமான் விளக்கம்.. ரஜினி சந்திப்பு ஏன்?

ரஜினியை சீமான் சந்தித்து விட்டு வந்த மறு நாளே.. கோவை வடக்கு நாதக நிர்வாகிகள் கூண்டோடு விலகல்!

Kooran movie.. நாம எத்தனை வழக்கு போடறோம்.. ஒரு நாய் நம்ம மேல கேஸ் போட்டா எப்படி இருக்கும்!

Govt Holidays 2025: ஏப்ரல் 14ம் தேதி தமிழ்ப் புத்தாண்டு விடுமுறை.. எந்த மாதத்தில் அதிக லீவு?