அது யாரு?.. அட.. நம்ம "சூப்பர் ஸ்டாரு".. பரபரப்பாகிப் போன புதுச்சேரி பழைய துறைமுகம்!

Jan 12, 2024,09:58 AM IST

புதுச்சேரி: சூப்பர் ஸ்டார் ரஜினிகாந்த் நடித்து வரும் வேட்டையன் படப்பிடிப்பு விறுவிறுப்பாகி வருகிறது. புதுச்சேரி பழைய துறைமுகம் பகுதியில் நடந்த ஷூட்டிங்கின்போது, ரஜினிகாந்த்தைக் காண பெரும் திரளாக ரசிகர்கள் திரண்டு வந்திருந்தனர்.

ஜெயிலர் என்ற மாபெரும் வெற்றிப் படத்தைக் கொடுத்த ரஜினிகாந்த் அதன் பிறகு இரு படங்களில் நடித்து வருகிறார். அதில் ஒரு படம் லால் சலாம். இதை அவரது மகள் ஐஸ்வர்யார ரஜினிகாந்த் இயக்கியுள்ளார். இதில் கேமியோ ரோல்தான் செய்துள்ளார் ரஜினிகாந்த். இந்தப் படத்தில் கிரிக்கெட் சூப்பர் ஸ்டார் கபில் தேவும் இணைந்து நடித்துள்ளார்.

அனைவரும் எதிர்பார்க்கும் இன்னொரு படம் வேட்டையன். இது ரஜினிகாந்த்தின் 170வது படமாகும். இதை த. செ. ஞானவேல் இயக்கி வருகிறார். ஜெய்பீம் படத்துக்குப் பிறகு ஞானவேல் இயக்கும் படம் இது என்பதால் எதிர்பார்ப்பு ஏகமாக உள்ளது.

வேட்டையன் படத்தில் ஏகப்பட்ட ஸ்டார்கள் குவிந்து கிடக்கின்றனர். அமிதாப் பச்சன் நடிக்கிறார். பஹத் பாசில், மஞ்சு வாரியர், துஷாரா விஜயன், ரித்திகா சிங், ராணா உள்ளிட்ட பலரும் இடம் பெற்றுள்ளனர். லால் சலாம் படத்தைத் தயாரிக்கும் லைக்கா நிறுவனம்தான் வேட்டையனையும் தயாரிக்கிறது. வழக்கம் போல அனிருத் இசையமைக்கிறார்.

கேரளாவில் ஆரம்பித்து அப்படியே நாகர்கோவில், நெல்லை, மும்பை என்று நடந்து வந்த படப்பிடிப்பு தற்போது புதுச்சேரி பக்கம் திரும்பியுள்ளது. பழைய துறைமுகம் பகுதியில் ஷூட்டிங் நடந்தபோது ரஜினி படம் என்று தெரிந்து பெரும் கூட்டம் கூடி விட்டது. ரஜினியும் ரசிகர்களை ஏமாற்றவில்லை. கேரவன் வேனிலிருந்தபடி ரசிர்களைப் பார்த்து கைகூப்பி வணங்கியும், கை அசைத்தும் மகிழ்வித்தார்.

வேட்டையன் என்பது, சந்திரமுகி படத்தில் வரும் ஒரு கேரக்டர். அந்த கேரக்டரில் ரஜினிகாந்த் அசத்தியிருப்பார். இப்போது அதையே படத்தில் தலைப்பாக வைத்திருப்பதால் டபுள் எதிர்பார்ப்புடன் ரசிகர்கள் உள்ளனர்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

அது யாரு?.. அட.. நம்ம "சூப்பர் ஸ்டாரு".. பரபரப்பாகிப் போன புதுச்சேரி பழைய துறைமுகம்!

Comments

சமீபத்திய செய்திகள்

அதிகம் பார்க்கும் செய்திகள்