தமிழ்நாட்டில் இன்று முதல்.. ஆகஸ்ட் 12 வரை மழை நீடிக்கும்.. வானிலை ஆய்வு மையம் அறிவிப்பு!
சென்னை: தமிழ்நாட்டில் ஒரு சில இடங்களில் இன்று முதல் ஆகஸ்ட் 12 வரை மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.
தமிழக கடலோரப் பகுதிகளின் மேல் நிலவும் வளிமண்டல கீழடுக்கு சுழற்சி காரணமாக நேற்று தமிழகத்தில் பரவலாக கன மழை கொட்டி தீர்த்தது. குறிப்பாக சென்னையில் தாம்பரம், ஜிஎஸ்டி சாலை, கிண்டி, பட்டினப்பாக்கம், அண்ணா சாலை, உள்ளிட்ட பல பகுதிகளில் மூன்றாவது நாளாக நல்ல மழை பெய்தது. பிற்பகல் 3 மணிக்கு மேல் பிடித்த மழை சுமார் ஒரு மணி நேரமாக நீடித்தது. இதனால் தமிழ்நாடு முழுவதும் வானம் ஓரளவு மேகமூட்டத்துடன் குளிர்ந்த காற்றுடன் இதமான சூழல் நிலவி வருகிறது.
நேற்று பெய்த கனமழை காரணமாக தமிழ்நாட்டில் பல பகுதிகளிலும் தாழ்வான இடங்களில் தண்ணீர் வெள்ளம் போல் பெருக்கெடுத்து ஓடியது.இதனால் போக்குவரத்து நெரிசல் ஏற்பட்டு வாகன ஓட்டிகள் சாலையில் ஊர்ந்து செல்லும் நிலை ஏற்பட்டது.
இந்த நிலையில் தமிழாக கடலோரப் பகுதிகளில் நீடிக்கும் வளிமண்டல கீழடுக்கு சுழற்சி காரணமாகவும், மேற்கு திசை காற்றியின் மேக வேறுபாடு காரணமாகவும் தமிழ்நாட்டில் ஒரு சில இடங்களிலும், புதுச்சேரி மற்றும் காரைக்கால் பகுதிகளில் இடி மின்னலுடன் கூடிய 30 முதல் 40 கிலோ மீட்டர் வேகத்தில் காற்றுடன் லேசானது முதல் மிதமான மழை பெய்ய வாய்ப்புள்ளது. இந்த மழை இன்று முதல் ஆகஸ்ட் 12ஆம் தேதி வரை பெய்யக்கூடும் என சென்னை வானிலை ஆய்வு மையம் தெரிவித்துள்ளது.
இன்று கனமழை:
கடலூர், அரியலூர், பெரம்பலூர், திருச்சி, நாகை, மயிலாடுதுறை, திருவாரூர், தஞ்சாவூர், புதுக்கோட்டை ஆகிய மாவட்டங்களில் ஒரு சில இடங்களில் கன மழை பெய்ய வாய்ப்புள்ளது.
சென்னையை பொறுத்தவரை அடுத்த 24 மணி நேரத்தில் மேகம் ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடியுடன் கூடிய லேசானது முதல் மிதமானது வரை மழை பெய்யக்கூடும் எனவும் தெரிவித்துள்ளது.
சமீபத்திய செய்திகள்
பெஞ்சல் புயல்: பாதிக்கப்பட்ட குடும்பங்களுக்கு ரேஷன் கார்டுக்கு ரூ.2000 நிவாரணம் .. முதல்வர் ஸ்டாலின்
உள்நோக்கத்தோடு அமைச்சர் பொன்முடி மீது சேறு வீசியுள்ளனர்.. அமைச்சர் பி.கே.சேகர்பாபு புகார்
சாத்தனூர் அணை திறப்பு.. குறை கூறும் அதி மேதாவிகளே இதைப் படிங்க.. துரைமுருகன் விரிவான அறிக்கை!
சாத்தனூர் அணை விவகாரம் .. தமிழ்நாடு அரசுக்கு.. டாக்டர் அன்புமணி ராமதாஸின் 7 கேள்விகள்!
புயல் பாதித்த குடும்பங்களை.. தவெக அலுவலகத்திற்கு அழைத்து வந்து.. உதவிகள் வழங்கிய விஜய்
Cooking Tips.. இட்லி, தோசை, சப்பாத்தியுடன் சாப்பிட மிகவும் சுவையான .. கடாய் காளான் கிரேவி!
அணையில் இருந்து அதிகளவு தண்ணீர் திறந்து விட்டதே பாதிப்பிற்கு காரணம்: அண்ணாமலை குற்றச்சாட்டு
ஃபெஞ்சல் புயலால் பாதிக்கப்பட்ட.. தமிழ்நாட்டு மக்களுக்கு எதிர்க்கட்சித் தலைவர் ராகுல் காந்தி ஆறுதல்!
கருத்து சுதந்திரம்.. சினிமா விமர்சனங்களை வெளியிட தடை விதிக்க முடியாது... சென்னை ஹைகோர்ட் அதிரடி
{{comments.comment}}