"நந்தினிதான் பெஸ்ட்".. நச்சுன்னு சொன்ன ராகுல் காந்தி!

Apr 17, 2023,09:49 AM IST

பெங்களூரு: நந்தினி பாலா.. அமுல் பாலா என்ற அனல் பறக்கும் விவாதத்தில் தனது நிலைப்பாட்டை சூப்பராக சொல்லியுள்ளார் ராகுல் காந்தி.

குஜராத்தைச் சேர்ந்த கூட்டுறவு பால் ஒன்றியத்தின் அமுல் தயாரிப்புகள் நாடு முழுவதும் பிரபலமானவை. அதிலும் அமுல் நிறுவனம் அவ்வப்போது நாட்டு நடப்புக்கேற்ப போடும் மீம்களும், கார்ட்டூன்களும் ரொம்பப் பிரபலம். சமீப காலமாக அமுல் நிறுவனம் தனது பிசினஸை விரிவாக்க ஆரம்பித்துள்ளது. அதில் ஒரு பகுதியாக கர்நாடகத்தில் அமுல் பால் விற்பனையை அது கொண்டு வந்துள்ளது.

அமுல் நிறுவனத்தின் இந்த செயல் கர்நாடகத்தில் கடும் எதிர்ப்பை சம்பாதித்துள்ளது. காரணம் இருக்கிறது.. அமுல் நிறுவனம், கர்நாடக கூட்டுறவு பால் சம்மேளனத்தை கையகப்படுத்த முயல்வதாக எதிர்க்கட்சிகள் குற்றம் சாட்டி வருகின்றன. இந்த சம்மேளனம் மூலம் தயாரித்து விற்கப்படும் நந்தினி பால், கர்நாடக மக்களிடம் மிகவும் பிரபலமானது.

அமுல் நிறுவனம் கர்நாடகத்திற்குள் காலடி எடுத்து வைத்தால் நந்தினி அழிந்து விடும் என்று அங்கு கடும் எதிர்ப்பு கிளம்பியது. இது அரசியல் பிரச்சினையாகவும் அங்கு மாறி விட்டது. இந்த நிலையில் நந்தினிக்கு ஆதரவாக அரசியல் கட்சிகளும் பல்வேறு அமைப்புகளும் இறங்கவே அமுல் கடும் பாதிப்பை சந்தித்தது.

இந்தப் பின்னணியில் கர்நாடகத்திற்கு தேர்தல் பிரச்சாரத்திற்காக வந்த காங்கிரஸ் இளம் தலைவர் ராகுல் காந்தி, நந்தினிக்கு ஆதரவாக கருத்து தெரிவித்துள்ளார். நந்தினி விற்பனை செய்யப்படும் கடைக்குச் சென்ற ராகுல் காந்தி அங்கு நந்தினி பால் உள்ளிட்ட தயாரிப்புப் பொருட்களை வாங்கிப் பார்த்தார். இதுதொடர்பாக அவர் போட்டுள்ள டிவீட்டில், கர்நாடகத்தின் பெருமை.. நந்தினி தான் பெஸ்ட் என்று கூறியுள்ளார்.

சமீபத்திய செய்திகள்

தமிழ்நாட்டு மக்களின் கோரிக்கைகளை இலங்கை உறுதி செய்ய வேண்டும்: பிரதமர் மோடி இலங்கையில் பேச்சு!

ஸ்ரீ ராம நவமி.. ராம பிரானின் அவதார தினம்.. நன்மையும் செல்வமும் நாளும் நல்குமே!

எம்புரான் பட இயக்குனர்.. நடிகர் பிரித்விராஜுக்கு வருமான வரித்துறை அதிரடி நோட்டீஸ்

பாம்பன் பாலத்தை திறந்து வைக்க நாளை வருகிறார்.. பிரதமர் மோடி..பாதுகாப்பு ஏற்பாடுகள் தீவிரம்..!

தர்பூசணி விவசாயிகளுக்கு அரசு உரிய இழப்பீடு வழங்க வேண்டும் - நாதக ஒருங்கிணைப்பாளர் சீமான்!

இலங்கையில் பிரதமர் மோடி.. ஜனாதிபதி மாளிகையில் அணி வகுப்பு மரியாதையுடன் வரவேற்பு..!

நீட் தேர்வு.. மாணவ மாணவியரின் தற்கொலைகளுக்கு.. தமிழக அரசு என்ன செய்யப் போகிறது: டாக்டர் ராமதாஸ்

12 ராசிகளுக்குமான இன்றைய ராசிபலன் ஏப்ரல் 05, 2025...யாருக்கு என்ன பலன் காத்திருக்கு?

தொடர் குறைவில் தங்கம் விலை... மகிழ்ச்சியில் வாடிக்கையாளர்கள்!

"நந்தினிதான் பெஸ்ட்".. நச்சுன்னு சொன்ன ராகுல் காந்தி!

Comments

சமீபத்திய செய்திகள்

அதிகம் பார்க்கும் செய்திகள்