ராதிகாவுடன்.. நம்பர் பிளேட் இல்லாத புல்லட்டில் பறந்து.. வாக்கு சேகரித்த சரத்குமார்!

Apr 13, 2024,04:43 PM IST

சிவகாசி: ரோசாப்பூ சின்ன ரோசாப்பூ பாடலில் வருவது போல புல்லட்டில் தனது மனைவி ராதிகா சரத்குமாரை ஏற்றுக்கொண்டு ஜாலியாக தேர்தல் பிரச்சாரம் செய்தார் நடிகர் சரத்குமார்.

படத்தில் வருவது போல ஜாலியாக அவர் புல்லட்டில் பயணம் செய்து பிரச்சாரம் செய்தாலும் கூட அந்த புல்லட்டில் நம்பர் பிளேட்டும் இல்லை, அதே போல சரத்குமாரும் ராதிகாவும் ஹெல்மெட்டும் அணியாமல் புல்லட்டில் சென்றதால் சர்ச்சையாகவும் மாறி உள்ளது.

லோக்சபா தேர்தல் நெருங்கும் வேளையில் அனல் பறக்கும் பிரச்சாரத்தில் ஈடுபட்டு வருகிறார் ராதிகா சரத்குமார். இவர் சமீபத்தில் பாஜக மாநில தலைவர் அண்ணாமலை முன்னிலையில் பாஜகவில் இணைந்தார். பாஜக சார்பில் விருதுநகர் தொகுதியில் போட்டியிடுகிறார். இதனால் அப்பகுதியில் முகாமிட்டு வந்த ராதிகா சரத்குமார் வாகனப் பேரணி மூலம் பல்வேறு பகுதிகளில் தீவிர பிரச்சாரம் மேற்கொண்டு வந்தார். ராதிகாவும் சரி அவரது கணவர் சரத்குமாரும் சரி பல்வேறு திரைப்படங்களில் நடித்ததன் மூலம் மக்களின் அன்பைப் பெற்றவர்கள். பலரின் மனதை வெகுவாக கவர்ந்தவர்கள். இதற்காகவே இவரை காண மக்கள் கூட்டம் அலைமோதும். இதன் மூலம் எளிதாக வாக்கு சேகரிப்பில் கலக்கி வருகிறார் ராதிகா சரத்குமார்.

இந்த நிலையில் தற்போது பாஜகவிற்கு ஆதரவு திரட்டும் வகையில் தலையில் ஹெல்மெட் இல்லாமல்.. நம்பர் பிளேட் இல்லாமல்.. புல்லட்டில் கணவன் மனைவி இருவரும் ஹாயாக சிவகாசி பகுதிகளில் வலம் வருகின்றனர். வேலைன்னு வந்துட்டா வெள்ளைக்காரன் மாதிரி என சொல்வது வழக்கம். இது போல தேர்தல் வந்துட்டாவே சின்ராச கையில பிடிக்க முடியாது என சொல்லலாம். ஏனெனில் சரத்குமார் தேர்தல் பிரச்சார களத்தில் இறங்கி படு ஜோராக வேலை செய்து வருவதால் பிரச்சாரம் சூடு பிடிக்க ஆரம்பித்துள்ளது. தேர்தல் தேதி அறிவித்த நாள் முதல் விருதுநகர் சுற்றுவட்டார பகுதிகளில் கணவன் மனைவி இருவரும் இணைந்து வாகன பேரணி மூலம் தேர்தல் பிரச்சாரத்தில் கலக்கி வந்தனர்.

தற்போது ஒரு படி மேலே சென்று இருவரும் புல்லட்டில் வலம் வந்து மக்களை சந்தித்து பாஜகவிற்கு ஆதரவு திரட்டி வாக்குகளை சேகரித்து வருகின்றனர்.

ஆனால் நம்பர் இல்லாத புல்லட்டில் ஹெல்மெட் அணியாமல் பயணம் செய்ததால் சரத்குமாருக்கும் ராதிகாவுக்கும் சிக்கல் ஏற்பட்டுள்ளது. பொறுப்பான ஒரு வேட்பாளராக இருப்பவர் இப்படி ஹெல்மெட் போடாமல் பயணிக்கலாமா அதுவும் நம்பர் ப்ளேட் இல்லாத வாகனத்தில் பயணிப்பது சரியான செயலா என்று பலரும் கேள்வி கேட்டு வருகின்றனர்.

சமீபத்திய செய்திகள்

Orange alert: தமிழ்நாட்டில் ஒரிரு இடங்களில் 26 மற்றும் 27 தேதிகளில் மிக கன மழை எச்சரிக்கை!

ஜாமின் கிடைத்ததைத் தொடர்ந்து.. புழல் சிறையிலிருந்து வெளியே வந்தார் நடிகை கஸ்தூரி

அமெரிக்கா கோர்ட் பிடிவாரண்ட்.. அதானியை உடனடியாக கைது செய்ய வேண்டும்.. ராகுல்காந்தி ஆவேசம்

விஜய் பங்கேற்கும்.. அம்பேத்கர் புத்தக வெளியீட்டு விழாவில் கலந்து கொள்ள மாட்டார் திருமாவளவன்!

தனுஷ் ஐஸ்வர்யா ரஜினிகாந்த் விவாகரத்து வழக்கில் இறுதிக் கட்டம்.. 27ம் தேதி தீர்ப்பு வழங்கப்படுகிறது!

கடுப்பா இருக்கா பாஸ்.. வாங்க கடிக்கிறோம்.. கலகலன்னு சிரிங்க.. மைன்ட் free ஆகி.. face பிரெஷ்ஷாய்ரும்!

ஆசிரியை ரமணியின் குடும்பத்திற்கு ரூ. 5 லட்சம் உதவி.. தாயாரிடம் வழங்கினார் அமைச்சர் கோவி.செழியன்

Chennai Lakes.. நீர் இருப்பில் மாற்றம் இல்லை.. புதிய காற்றழுத்தத் தாழ்வுக்காக ஏரிகள் வெயிட்டிங்!

Rain forecast: 5 மாவட்டங்களில் இன்று மிக கன மழைக்கு வாய்ப்பு.. 7 மாவட்டங்களில் கன மழை!

ராதிகாவுடன்.. நம்பர் பிளேட் இல்லாத புல்லட்டில் பறந்து.. வாக்கு சேகரித்த சரத்குமார்!

Comments

சமீபத்திய செய்திகள்

அதிகம் பார்க்கும் செய்திகள்