2 ரெக்கார்ட்.. வெஸ்ட் இண்டீஸுக்கு எதிராக சம்பவம் செய்த அஸ்வின்!

Jul 13, 2023,12:50 PM IST

டொமினிகா: மேற்கு இந்தியத் தீவுகள் அணிக்கு எதிரான முதல் டெஸ்ட் போட்டியில் 2 தரமான சம்பவங்களைச் செய்துள்ளார் ஆர். அஸ்வின்.

டெஸ்ட் கிரிக்கெட்டில், நடப்பு பந்து வீச்சாளர்களில் அதிக அளவிலான 5 விக்கெட்களை வீழ்த்திய பவுலர் என்பது ஒரு சாதனை. இன்னொன்று டெஸ்ட் கிரிக்கெட்டில் 700 விக்கெட்களை அஸ்வின் இன்று பூர்த்தி செய்துள்ளார்.

அஸ்வின் இன்று தனது 33வது 5 விக்கெட்டை வீழ்த்தி அதிர வைத்து விட்டார். சர்வதேச கிரிக்கெட்டில் அதிக அளவிலான 5 விக்கெட்களை வீழ்த்திய சாதனையாளர்கள் வரிசையில், முத்தையா முரளிதரன் (67 முறை), ஷான் வார்னே (37), ரிச்சர்ட் ஹாட்லி (36), கும்ப்ளே (35), ரங்கன ஹெராத் (34) ஆகியோருக்கு அடுத்த இடத்தில் அஸ்வின் தற்போது உள்ளார்.

அஸ்வின் மேற்கு இந்தியத் தீவுகள் அணிக்கு எதிராக இதுவரை 5 முறை 5 விக்கெட்களைச் சாய்த்து அசத்தியுள்ளார். அவர் அதிகப்படியாக ஆஸ்திரேலியாவுக்கு எதிராகத்தான் அதாவது 7 முறை 5 விக்கெட்களைச் சாய்த்துள்ளார்.

கடந்த ஜூன் மாதம் லண்டனில் நடந்த ஐசிசி உலக டெஸ்ட் சாம்பியன்ஷிப் இறுதிப் போட்டியில் இந்திய அணியில் ஆடும் வாய்ப்பு அஸ்வினுக்கு மறுக்கப்பட்டிருந்தது. அதற்கு வட்டியும் முதலுமாக இன்றைய போட்டியில் அசத்தி விட்டார் அஸ்வின்.

கேப்டன் கிரெக் பிராத்வெய்ட், டாஜெனரின் சந்தர்பால், அலிக் அதானசே, ஜேசன் ஹோல்டர் மற்றும் ஜோமல் வாரிகன் ஆகிய 5 விக்கெட்களை இன்று வீழ்த்தினார் அஸ்வின். 24.3 ஓவர்களை வீசிய அவர் 2.44 என்ற எக்கானமி ரேட்டுடன் 60 ரன்களை மட்டுமே கொடுத்து இந்த சாதனையைச் செய்தார்.

இன்றைய 5 விக்கெட் சாதனையின் மூலமாக இந்த பட்டியலில் 32 முறை 5 விக்கெட் வீழ்த்தி இடம் பெற்றிருந்த ஜேம்ஸ் ஆண்டர்சனை முந்தியுள்ளார் அஸ்வின்.

சர்வதேச போட்டிகளில் 700 விக்கெட்கள்

சர்வதேச போட்டிகளில் அஸ்வின் 700 விக்கெட்களைத் தாண்டியுள்ளார். இன்றைய 5 விக்கெட் மூலமாக அவர் 702 விக்கெட்களைச் சாய்த்துள்ளார். மொத்தம் 271 போட்டிகளில் விளையாடி இந்த சாதனையை அவர் செய்துள்ளார். அவரது பெஸ்ட் என்று பார்த்தால் 59 ரன்களுக்கு 7 விக்கெட்கள் என்பதுதான். 33 முறை 5 விக்கெட்களையும், 7 முறை பத்து விக்கெட்களையும் அவர் வீழ்த்தியுள்ளார்.

டெஸ்ட் கிரிக்கெட்டைப் பொறுத்தவரை அஸ்வின் (93 டெஸ்ட் போட்டிகளில்) 479 விக்கெட்களையும், 113 ஒரு நாள் போட்டிகளில் 151 விக்கெட்களையும், 65 டி20 போட்டிகளில் 72 விக்கெட்களையும் அஸ்வின் சாய்த்துள்ளார்.

அதிக அளவிலான சர்வதேச விக்கெட்களை வீழ்த்தியவர்கள் பட்டியலில் முத்தையா முரளிதரன் 1347 விக்கெட்களுடன் முதலிடத்தில் இருக்கிறார். அஸ்வின் 16வது இடத்தில் இருக்கிறார்.

முன்னதாக மேற்கு இந்தியத் தீவுகளை முதல் இன்னிங்கில், 150 ரன்களுக்கு ஆல் அவுட் செய்த இந்தியா பின்னர் தனது முதல் இன்னிங்ஸில் விக்கெட் இழப்பின்றி 80 ரன்களை எடுத்த நிலையில் முதல் நாள் ஆட்டம் முடிவுக்கு வந்தது. ரோஹித் சர்மா 30 ரன்களுடனும், அறிமுக வீரர் யாஷஸ்வி ஜெய்ஸ்வால் 40 ரன்களுடனும் களத்தில் இருந்தனர்.

சமீபத்திய செய்திகள்

IMD Alert: ஆழ்ந்த காற்றழுத்தத் தாழ்வு மண்டலம் நாளை.. வலுவிழக்கும்.. புயலாக மாற வாய்ப்பில்லை!

6 மாவட்டங்களில் அதி கன மழை.. 4 மாவட்டங்களில் மிக கன மழை.. நாளை.. வானிலை மையம் தகவல்

மூத்த காங்கிரஸ் தலைவர் ஈவிகேஎஸ் இளங்கோவன் ஐசியு.,வில் அனுமதி.. தீவிர சிகிச்சை

Cyclone Memes: "நான்லாம் வந்தேன்னு வை.. புதுச்சேரியை இப்படி ஒரு புரட்டு..சென்னையை அப்படி ஒரு புரட்டு

ஆழ்ந்த காற்றழுத்தம் எப்போது புயலாக மாறும்.. டெல்டா வெதர்மேன் ஹேமச்சந்தர் தரும் விளக்கம் இதுதான்!

எதிர்க்கட்சித் தலைவர் எடப்பாடி பழனிசாமிக்கு வேறு வேலை இல்லை:.. அமைச்சர் பி.கே. சேகர்பாபு

Drumsticks: கிடுகிடு வென உயர்ந்து வரும் முருங்கை விலை.. கிலோ ரூ.100.. எப்படி சாம்பார் வைக்கிறது!

புயல் சின்னம் எதிரொலி.. சென்னையில் 29ம் தேதி தொடங்கி 30ம் தேதி வரை கன மழை பெய்யும்.. பிரதீப் ஜான்

பிரியங்கா காந்தி எனும் நான்.. அரசியல் சாசன புத்தகத்தை கையில் ஏந்தியபடி பதவியேற்றார் பிரியங்கா காந்தி

2 ரெக்கார்ட்.. வெஸ்ட் இண்டீஸுக்கு எதிராக சம்பவம் செய்த அஸ்வின்!

Comments

சமீபத்திய செய்திகள்

அதிகம் பார்க்கும் செய்திகள்