ரூ. 25 லட்சத்தில் டிஜிட்டல் வேன்.. பிரதமர் மோடி சாதனைகள்.. பிரசாரத்தைத் தொடங்கியது புதுச்சேரி பாஜக!
புதுச்சேரி: லோக்சபா தேர்தல் எப்போது வரும் என்று இன்னும் தேதி அறிவிக்கப்படவில்லை. ஆனால் புதுச்சேரியில் பாஜக சார்பில் டிஜிட்டல் வேன் பிரச்சாரம் இன்று முதல் தொடங்கியுள்ளது.
இந்த ஆண்டு நாடாளுமன்றத் தேர்தல் வரவுள்ளது. அதற்கு பாஜக பல விதங்களிலும் தயாராகி வருகிறது. தேர்தலுக்கு முன்பு தான் கொடுத்த வாக்குறுதிகளில் ஒன்றான ராமர் கோவிலை கட்டி முடித்து விட்டது. இதோ திறப்பு விழாவும் வந்து விட்டது. இதற்காக பிரதமர் நரேந்திர மோடி 11 நாள் விரதத்தையும் தொடங்கி விட்டார். ஜனவரி 22ம் தேதி ராமர் கோவிலில் சிலை பிரதிஷ்டை நடைபெறவுள்ளது. இந்த விழா, பாஜகவின் தேர்தல் பிரசாரத்தில் மிகப் பெரிய துருப்புச் சீட்டாக இருக்கும் என்று அக்கட்சி நம்புகிறது.
இந்த நிலையில், புதுச்சேரி பாஜக சார்பில் அதிரடியான பிரச்சாரம் இன்று முதல் தொடங்குகிறது. பிரதமர் நரேந்திர மோடி அரசின் சாதனைகளை விளக்கும் நவீன டிஜிட்டல் வேன் ரெடியாகியுள்ளது. ரூ. 25 லட்சம் பொருட் செலவில் இந்த வேன் உருவாக்கப்பட்டுள்ளது. இதில் மத்திய பாஜக அரசு கொண்டு வந்த திட்டங்கள், அதனால் மக்களுக்கு ஏற்பட்டுள்ள பலன்கள், யார் யாருக்கு எந்தெந்த திட்டம் என்ற விவரம் விரிவாக விளக்கி வீடியோ காட்சியாக இடம் பெற்றுள்ளது.
இந்த டிஜிட்டல் வேனை புதுச்சேரி மற்றும் காரைக்கால் முழுக்க அனுப்பி மக்களிடையே பாஜக அரசின் சாதனைகளை கொண்டு செல்ல பாஜக திட்டமிட்டுள்ளது. இந்த வேனை அமைச்சர் நமச்சிவாயம் இன்று தொடங்கி வைக்கவுள்ளார்.
சமீபத்திய செய்திகள்
கூலி படத்தின் முக்கிய அப்டேட் இன்று வெளியீடு.. வெறி வெயிட்டிங்கில் ரசிகர்கள்!!
'இட்லி கடை' பிரியர்களே.. ஹேப்பி நியூஸ் .. அக்டோபர் 1ம் தேதி திரைக்கு வருகிறார் தனுஷ்!
நீட் விவகாரத்தில் ஏப்ரல் 9ல்.. சட்டமன்ற அனைத்து கட்சி ஆலோசனை கூட்டம்.. முதல்வர் மு.க ஸ்டாலின்
நாளும் நல்லதுசெய்யும் முதலமைச்சர் இந்த இரண்டு செயல்களாலும் இன்னும் இன்னும் உயர்கிறார்: வைரமுத்து
வந்தோம் போனோம் என்று இருக்க மாட்டோம்.. இஸ்லாமியர்களுக்கு உறுதுணையாக இருப்போம் - தவெக
எஸ்ஐ பணியில் சேர ஆசையா?.. தமிழ்நாடு சீருடை பணியாளர் தேர்வாணையம் வெளியிட்ட சூப்பர் அப்டேட்!
சமயபுரம் மாரியம்மன் பச்சை பட்டினி விரதம்.. அம்மனே பக்தர்களுக்காக விரதம் இருக்கும் அதிசயம்!
தங்கம் விலை நேற்று புதிய உச்சம்...இன்று சவரனுக்கு ரூ.1,280 குறைவு... அதிர்ச்சியில் வாடிக்கையாளர்கள்!
தமிழ்நாட்டில் இன்றும் .. 17 மாவட்டங்களில்.. கன மழைக்கு வாய்ப்பு.. சென்னை வானிலை ஆய்வு மையம்!
{{comments.comment}}